1 Kor. 2:14 - Sümi Tiqhelimi Bible

¹⁴ Aghungu Kimthe pighimo kemi ye Alhou Ghungu lau no ighi keu thimeqo ikhilu chemoe ikemu tipaqo ye nikhanigha kepi kümsü cheni, eno panongu ye tipaqo vethalu chemoe kughengu tipaqo ye Aghungu vechewo likhi no jupililu pe cheni ke.

BAIBEL (BSI)

¹⁴ Ikemu Aghungu Kimthe sumono xuchekemiye Alhou Ghungu launo kumghagho ighilu chemoe. Pa ghenguno tipaqoye mbomzuke eno paye tipaqo ithikuthumlae, kughengu Aghungu likhino tipaqoye amekuapu kiu keno kiqiphelu cheni.

Sumi Naga CL (Re-edited) Bible (BSI)

¹⁴ Ashilo küxümi ye Alhou Ghungu launo ighikeu ikhilu chemoe, kughengu ti ye pa ghenguno mbomzü ke, eno tipaqo ye aghungu lono kimchilu cheni kehu pa ye tipaqo vethalu chemoe.

1 Kor. 2:14 ပူးပေါင်းရင်းမြစ်များ

MATTHEW 16:23

Jisü no tsüghǜ ighino Peter vilo pi, “I lau no chevelo, Satan! No ye I ghenguno aküpüxapu shi anie; O kükümsü lo Alhou lau no ighi keu kükümsüqo kumo püzü timi lau no ighi keu kükümsüqo likhi anie.”

John 10:20

Panongu kutomo no pi, “Pa ye tüghaküsa no tsüghape akemi eno aghüzünikhami ke. Kushiye pa tsa ini ani kea?”

John 12:37

Jisü no panongu nhekithe lono amichipu kümlà kutomo shi kethiu ghí panongu ye pa shou pülümoe.

John 14:17

tiye kuchou Ghungu ke. Ayeghiqha ye pa ikhilumo nani, kughengu panongu ye pa ithulu chemo momu pa mtha ke. Ikemu nongu ye pa ithi ani, kughengu pa ye nongu gholo xüani eno nongu lolo ache nani.

John 14:26

Ikemu Shikumtokütsüu, Aghungu Kimthe, khikhi Apù no I je lono puwu nani keno, pa no thowkha kümtsü nongu kütsü nani eno I no nongu vilo pive keu kümtsü pesü nongu ghutu nani.

John 15:26

“Kughou I no Apù lau no puwu keu Shikumtokütsüu—Apù lau no ighi keu kuchou Ghungu—ighini keno pa no I shepe shi nani.

John 5:44

Nongu ye lakhi no lakhi lau sheqhe keu ikhilu cheni ikemu shekiqhe Alhou lau likhi no ighi chekeu ye phumo ke kíshi no pülüni kea?

John 8:43

I tsa ye nongu ghenguno kushiye mütsümisheimo kea? Tiye nongu no I no kiu piani keno ini nishimo keu ghenguno ke.

Apostolmi 16:14

Ningu tsa ini akemi gholo totimi lakhi je ye Lydia, li ye huzüi keu tiphimini lhidi shi chekemi eno Thyatira mishighüna lono ighi kemi ke. Li ye Alhou mülá chekemi. Ike Paul kükütsü tsa lo amlotsüqhiyilu penike Ampeu no li mlo khaqhi tsüe.

Apostolmi 17:18

Ikelo Epicureami kükütsü pape kemi eno Stoic phukuthomi khami no pa sasü kighe thuve. Khami no ishi pi, “Tsathipa hipau ye kiu pi niye shiju ani kea?” Kütami khami no ishi pi, “Pa ye inami lhou ghili pi aghí kepu toi anie.” Panongu no hitoi pikeu ye Paul no Jisü tsakiviu eno xülekuthu ghili pikeu ghenguno ke.

Apostolmi 17:32

Kughou kithimi xülethu keu tsa panongu no chilu keno, khami no pa junuqhi, ikemu khami no ishi pi, “Ningu ye hipau vehu itaghi O lau no chilu nishi anie.”

Apostolmi 18:15

Ikemu hiye atsa, aje eno nongu likhi nongu yeza ghili iniju kilé akeu vehu ke nongu likhi nongu no xathaluve lo. Ni ye hikithipu vehu küghatha tsümlae!”

Apostolmi 25:19

Tike kumo no panongu ye Paul sasü pano likhi pa no chineye lo eno akhotoshi timi lakhi Jisü ipikeu ye thive, ikemu xüchile ithughive ipikeu ghenguno akükümsü küqhalumo no ake.

1 Kor. 1:18

Kughengu khunoqo no pühaveni cheni keno panongu ghenguno kros kükütsü sütsa ye nikhanigha tsa ke, ikemu ningu xaluve kemi ghenguno kros ye Alhou küká ke.

1 Kor. 1:21

Alhou ye pa lokütsü lono ayeghilomi ye khilemu ayeghi lo lokütsü vechewo pa ithimo nani kepi ithive ke ghenguno Alhou ye khunoqo no pülüni keno tipaqo xalu nike ghenguno nikhanigha vechewo kiu kütsü keno tipau ju amlokiqi shike.

1 Kor. 1:23

Ike kughou ningu no yeda pìthíve keu Khristo ghili kütsüni keno, tiye Jewmiqo ghenguno apukhu küpsüpu shive cheni eno Jewkumomiqo ghenguno nikhanigha shive cheni.

1 Kor. 1:25

Kughengu Alhou’w nikhanigha ye timi lokütsü nguno alokütsüu ke, eno Alhou’w miqemilei keu ye timi kumto nguno akumtou ke.

1 Kor. 15:44

tiye ashi phimpi lakhi shi qhove cheni; ikemu tiye aghungu phimpi lakhi shi ghi xüputhuve nani. Ashi phimpi ani aye aghungu phimpi ghí anike.

1 Kor. 15:46

Aghungu no atüghiu shi ighimoe, ikemu ashi no atüghiu shi ighi, eno tipathiu no aghungu ighike.

1 Kor. 2:12

Ningu no kiu ithuluvea keno tiye ayeghi hipau lo ghungu kumoe, ikemu Alhou lau no ighi keu Ghungu ke, tishi keu vechewo ningu pelo Alhou no kümsá no kiu ningu tsü keno tipau vethalu peniye ke.

1 Kor. 3:1

Athiküzümi eno achelimiqo, ni ye Aghungu lono xü chekemi pütsa ketoi nongu pütsa mülae ikemu itehi kutólo ayeghilomi küxü ghola lo akemi, tiye Khristo lono angá kughunu shi akemiqo toi nongu pütsa anike.

James 3:15

Titoi keu “lokütsü” ye kungugha lono iqighi chemoe ikemu ayeghilow ke, tiye akimthe kumo eno tüghaküsa ghawu lau no ke.

1 John 2:20

Ikemu nongu ye Akimtheu Lakhi hu no nukishe püani, eno nongu kümtsü no kuchou ithi ani.

1 John 2:27

Nongu ghengu ye, nongu no pa lau no nukishe keu ithulu keu nongu lolo anike, eno nongu ye nongu shika penike khumu avehupu shi amoe. Ikemu pa no nukishe keu no thime kümtsü nongu shika cheni eno nukishe keu tipau ye kuchou ke, kichileu kumoe—nongu shikave keu toi, pa gholo achelo.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

Jude 1:19

Timi hipaqo ye nongu dolo kijetha tsü chekeqo ke, panongu ye aje no alhoaye lo akutoshikighithi pape cheni eno Aghungu küha ke.