1 Kor. 15:3 - Sümi Tiqhelimi Bible

³ Kughengu I no kiu ithulu keno ni ye akhotou shi nongu lau pekishe tsü anike; ike Kuchoyesü kiqi lono Khristo ye ningu xinéqo ghenguno thive,

BAIBEL (BSI)

³ Kughengu ino kiu ithulukeno ighono akhotou kepi nongu lau ino ikhiphe pesu tsuke: ike kuchoyesu kiqi loye Khristo no ningu xine ghenguno thivetsu,

Sumi Naga CL (Re-edited) Bible (BSI)

³ Kughengu I no kiu ithulu keno ti ye ighono akhotou kepi nongu lau ikhiphe tsü: ti ye Kuchoyesü kiqi lono Khristo no ni ghenguno thive tsü,

1 Kor. 15:3 ပူးပေါင်းရင်းမြစ်များ

MATTHEW 26:24

Timi Nu ye Kuchoyesü lo yèpüa ketoi thive nani. Ikemu Timi Nu küghape thechu shive keu ghengu ye ahaküsapue! Pa ghengu ye punúmove keumu pavini cheke.”

MATTHEW 26:28

I jì hipau ye puloshoqhi jì ke, eno hiye timi kutomo pelo axiné qhikütsü ithulu peniye peleve keu jì ke.

Luke 24:25

Jisü no panongu vilo pi, “Nongu ye kiutoi nikhanigha kea, eno tungkupumiqo no pikeu kümtsü lo pülübe nikeu lo nongu ye kiutoi akuchhoma shi kea!

John 1:29

Tishiwo thoghiu Jisü no pa küdau chekeu ithulu kelo John no ishi pi, “Julo, Alhou’w Ambeti khuu ayeghilomi xiné pevetsü keno hi chenie!

Apostolmi 17:2

Thosülo pa no shi chekeu toi, Paul no synagog lo wu no Sabbath tsalà küthü kutólo Kuchoyesü lono pa no timiqo sasü küptsa-kiqiju,

Apostolmi 3:18

Ikemu hipau gholau no Alhou no tungkupumiqo kümtsü vechewo azünatha ghi Messiah ye ghichhe-ghime shi nani ipi pipüa keu shikupuvae.

Apostolmi 8:32

Shokou hu no Kuchoyesü phi akeu ye hike: “Pa ye ambe lakhi ghiqhi niye sawuve ketoi, eno ambeti lakhi no amhi gholu nike zülo iqüighai ngo chekeu toi, pa ye pa kichí xukhomoe.

Rommi 3:25

Alhou no Khristo pesü aghakishi kümlagho lakhi shi ikhiphe pesü tsü, tiye pa jì pele keu vechewo—eno tiye aküpülü lono ikhilu peniye ke. Alhou no hipau shikeu ye itodolo pa chipiumikucho pephe-piye niye ke, kughengu paw küsüqhikulu lono timiqo no wove keu lo axiné shive keu aghime tsümove no juzüve tsüke.

Rommi 4:25

Pa ye ningu xinéqo ghenguno akithí lau ikhiphe pe tsüve ke eno ningu pelo achipikalu pe nikeu ghenguno xüputhuveke.

1 Kor. 11:2

Ni ye nongu akishé tsü ani, kughengu nongu no thowkha kümtsü lo I kümsülu eno I no akükütsü tsaqo pekishe süwo nongu lau tsü keu toi nongu no tipaqo pape ke.

1 Kor. 11:23

Kughengu Ampeu lau no I no kiu ithulu keno tipau pesü I no nongu lau pekishe tsü anike: Ampeu Jisü no pa pesü thechu shive nikeu jì lo pa no asho ikhilu,

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

Galatiami 1:12

Ni ye timi khuu lau nomu hipau ithulumoe, momu hipau I shikamoe; ikemu, ni ye Jisü Khristo lau no piyesü keu vechewo ithulu ke.

Galatiami 1:4

ningu papù eno Alhou pulou kiqi lono Ampeu Jisü Khristo ye hipau tiqheliw küsakügha lono ningu xaphe nike ningu xinéqo ghenguno pa küxü tsüve ke,

Galatiami 3:13

Khristo no ningu züqhu shi angsü puluve keu vechewo pa no ayeza ngusü lono ningu xachilelu ke, kughengu ishi yèpüani: “Timi khuu no kros lono tshüqhi thiveni keno pa ye müsüinivae.”

Ephesiami 1:7

Ningu ye pa jì vechewo xachilekulupu eno axiné qhitsükulupu ani, tiye Alhou’w küpükini kupukunoi akeu puloküqhalu keu lono

Ephesiami 5:2

eno Khristo no ningu kimiye no pa likhi pa ikhiphe pesü ningu ghenguno Alhou lau axokütsüngü kümlagho eno aghakishi lakhi shi tsüve keu toi, kikimiye lono xüche lo.

IBRIMI 5:1

Achinetomiqo shou atou kümtsü timiqo dolo no kishe cheni eno timiqo züqhu shi aghò jeliqo pe Alhou mülá keqo ghola vehu eno axinéqo ghenguno aghakishi shipe nike süküsü shi cheni.

IBRIMI 5:3

Hi ghenguno pa ye pa likhi pa xinéqo ghenguno eno timiqo xiné ghenguno ghí aghakishi tsü moayesave cheni ke.

1 Peter 1:11

Khristo Ghungu pano lolo akeu no Messiah aghime shi ime niye akeu eno tipau thiu ajuküvü ighi niye akeu azünatha ghi pipüa keu ye kiu do eno kiu tüqhüdo lono kichetsü ani keno phuphe niye pükapütsa ke.

1 Peter 2:24

Khristo ampi no kros lono “Pa phimpi no ningu xinéqo puluve tsüke,” tishi keu vechewo ningu pelo axiné lo ye thive no achipiumikucho ghenguno xüpe niye ke; “Pa zakuqo vechewo nongu ye shipivi luvae.”

1 Peter 3:18

Kughengu Khristo ghí Alhou lau ningu saighi nike axiné ghenguno ghuthukhavi no kümtsü ghenguno imeve ke, amikuchou no amikucho kumomi ghenguno thive ke. Pa phimpi ye pìthíve ke ikemu Aghungu lono xüputhuveke.

1 John 2:2

Pa ye ningu xinéqo ghenguno aghakishiu ke, eno ningu ghengu likhi no kumoe ikemu ayeghiqha kümtsü xinéqo ghenguno ghí ke.