1 Kor. 14:4 - Sümi Tiqhelimi Bible

⁴ Timi khuno no amili kithé lono pi cheni keno pano likhi pano shikumtolu cheni, ikemu khuno no tungkuptsa pi cheni keno pano ye akukuhou shikumtolu cheni.

BAIBEL (BSI)

⁴ Timi khuuno vethakumla tsa piani keno pa likhi pa xaqhepuku ani, timi khuuno tungkuputsa pi ani keno paye akukuhou xaqhepuku anike.

Sumi Naga CL (Re-edited) Bible (BSI)

⁴ Amilikithe lono pi akeu no pa ampi shiqhe puku ani, ikemu tungkuptsa pi akeu ye akukuhou shiqhe puku cheni.

1 Kor. 14:4 ပူးပေါင်းရင်းမြစ်များ

Mark 16:17

Eno khuno no pülübeni keno amichipu hipaqo pano gholo anani: I je lono panongu no tüghaküsaqo haphelu nani; panongu no amili kithé lono pi nani,

Rommi 14:19

Tighenguno ningu ye kiu no alokiqi eno shikumto kilé keu süghi cheni keno tipau shini ke ghenguno thowkha lo pükapütsa mülà ani nolo.

1 Kor. 12:10

kütami lau akümzapu mülàlu kepu küká tsü cheni, lakhi lau tungkuptsa pikulupu ghò tsü cheni, kütami lau ye Alhou Ghungu lau no ighi keo mokeno kimchi kulupu ghò tsü cheni, lakhi lau ye amili kithé jeli lono pikulupu ghò tsü cheni, eno kütami lau amili kithé jeliqo pebidekulupu ghò tsü cheni.

1 Kor. 12:28

Ike Alhou no akukuhou lo hitoi qhipüatsü ani: atüghishi apostolmi, akiniù shi tungkupumi, aküthüu shi kükütsümi, tithiu no akümzapu kümlamì, tithiu no shikipivi ghò tsüpüa kemi, kuphukulumi, saphekulumi eno amili kithé lono pilu kemi.

1 Kor. 13:1

Ni ye timi mili momu kungumi mili lono atsa pi aghiluvi, ikemu kikimiye küha aye ni ye ayì kihe ghügha lakhi paphi ke momu küghapayi pesü kügha keu ghügha lakhi paphi ke.

1 Kor. 13:2

Ni ye tungkuptsa pikulupu ghò aghiluvi eno akümzapu tuqhou jeli ngò akighithi kümtsü ithikutolu aghiluvi, eno ni ye naghuto tukiqeve kulupu küpülü aghiluvi, ikemu kikimiye küha aye ni ye kiumu kumoe.

1 Kor. 14:12

Nongu lau ghí tihutoi ke. Kughengu nongu no Aghungu ghòqo ithulu nikeu lo minemighei ani kehu aghò khipaqo no akukuhou shiqhepuku cheni keno tipaqo lo akiqheu shini ke pükapütsa alo.

1 Kor. 14:22

Tishiaye, amili kithé hu ye küpülümiqo ghenguno kumo püzü pülümo kemiqo ghenguno amichipu lakhi ke; ikemu tungkuptsa ye pülümo kemiqo ghenguno kumo püzü küpülümiqo ghenguno ke.

1 Kor. 14:26

Athiküzümi eno achelimiqo, tishiaye ningu ye kiu pìní kea? Kughou nongu no aqoshi kusholuni keno, nongu lakhi-khi no Alhou kishé le, momu kichekütsü tsa, piyeküsü, amili kithé lono pikeu momu pebidekulupu ghò süghiluvi. Ikemu thowkha kümtsü akukuhou shiqhepuku nikeu ghenguno shi moayesa ke.

1 Kor. 14:3

Ikemu timi khuu no tungkuptsa pi cheni keno pa ye timiqo xaqhepuku, shikumto eno alokughuno tsü nikeu ghenguno pi cheni.

1 Kor. 14:5

Ni ye nongu kümtsü pelo amili kithé lono pi penishi, ikemu tinguno alau ni ye nongu pelo tungkuptsa pi penishi ke. Timi khuu no tungkuptsa pi cheni keno pa ye amili kithé lono piche kemi nguno akhotou ke, kughengu amili kithé ye khiuala no pebidemo kelo ye akukuhou shikumto mülae.