1 Kor. 14:3 - Sümi Tiqhelimi Bible

³ Ikemu timi khuu no tungkuptsa pi cheni keno pa ye timiqo xaqhepuku, shikumto eno alokughuno tsü nikeu ghenguno pi cheni.

BAIBEL (BSI)

³ Ikemu khuno tungkuputsa pi anikeno paye timi vilo pianike, tipaqo xaqhepuku cheni tipaqo mlo shikumto eno alokughunotsu cheni.

Sumi Naga CL (Re-edited) Bible (BSI)

³ Ikemu khuu no tungkuptsa piani keno, pa ye timi xaqhe, shikumto eno alokughuno tsünike picheni.

1 Kor. 14:3 ပူးပေါင်းရင်းမြစ်များ

Luke 3:18

John no atsa kütau kutomo pesü timiqo hakutho eno atsakiviu pesü panongu lau asheshue.

Apostolmi 13:15

Ayeza eno Tungkupumi kaku lo phisüve kethiu synagog lo sakiphemiqo no pama lau küsütsa puwu ghi pi, “Athiküzüu nokujo, tsalá timiqo ghenguno hakuthokütsü tsa aghí aye kimiye no pitsülo.”

Apostolmi 14:22

eno hipaqo-a lo küpülümiqo pelo panongu küpülü lo kuchou shi apenike hakite eno shikumto tsü. Pama no pi, “Alhou kükaphu lo ilo nike ghenguno ningu ye shiluküsa kutomo veche moayesae.”

Apostolmi 15:32

Judas ngò Silas pama ye tungkupumi ghí kehu, shikumto tsa kutomo pesü küpülümiqo hakitetsü.

Apostolmi 4:36

Levi laghami Cyprus lono ighi keu Joseph khuu Apostolmi no Barnabas ipi ku cheni keno (hipau kiqi ye shikumtokütsüu nopu),

Apostolmi 9:31

Tipathiu Judea, Galilee eno Samaria qha kümtsü lo akukuhouqo ye alokughuno tüqhüdo ithulu eno panongu ye mtokitheluve. Ampeu sükümsa lono xü keu eno Aghungu Kimthe no shikumto keu vechewo panongu ye akikihi alau iko wove.

Rommi 12:8

tsalá shikumto nikeu shi aghí aye, shikumto moayesa; tsalá kütami kuphu kepu shi aghí aye, kupukuno shitsü moayesa; tsalá kütami saphe kepu shi aghí aye, tsaqütsalei saphe moayesa; tsalá kimiyekini pephe kepu shi aghí aye, amloqiqhiyi pephe moayesae.

Rommi 14:19

Tighenguno ningu ye kiu no alokiqi eno shikumto kilé keu süghi cheni keno tipau shini ke ghenguno thowkha lo pükapütsa mülà ani nolo.

Rommi 15:2

Ningu kümtsü no ningu kisüghümiqo kivipu eno panoqo shiqhepuku nikeu ghenguno panongu pulou shitsü moayesa ke.

1 Kor. 10:23

Nongu no, “Ni ye kiu-kiumu shilu kepu chipiu ani,” ipi cheni—ikemu thowkha kümtsü akivipu kumoe. “Ni ye kiu-kiumu shilu kepu chipiu ani,” ipi cheni—ikemu thowkha kümtsü xaqhekulupu kumoe.

1 Kor. 14:12

Nongu lau ghí tihutoi ke. Kughengu nongu no Aghungu ghòqo ithulu nikeu lo minemighei ani kehu aghò khipaqo no akukuhou shiqhepuku cheni keno tipaqo lo akiqheu shini ke pükapütsa alo.

1 Kor. 14:17

Nongu ye akiqheu shi shikimthi tsü aghiluvi, ikemu timi kütami shiqhepukulu movae.

1 Kor. 14:26

Athiküzümi eno achelimiqo, tishiaye ningu ye kiu pìní kea? Kughou nongu no aqoshi kusholuni keno, nongu lakhi-khi no Alhou kishé le, momu kichekütsü tsa, piyeküsü, amili kithé lono pikeu momu pebidekulupu ghò süghiluvi. Ikemu thowkha kümtsü akukuhou shiqhepuku nikeu ghenguno shi moayesa ke.

1 Kor. 14:31

Kughengu hitoi shi anguno nongu kümtsü kivetsüghü ghi tungkuptsa pilu nani eno tishi keu vechewo timi kümtsü kiché tsülu eno shikumtolu nani ke.

1 Kor. 8:1

Itehi ye achuqu pesü ajulho lhouqo lau aghakishi shive keu vehu lo juni: Ningu no ithi akeu toi “Ningu kümtsü akighithi anike.” Ikemu akighithi no aqheküza shi cheni pe eno kikimiye no shiqhepuku acheni.

2 Kor. 1:4

Alhou ye ningu küküpüna kümtsü lo ningu lokughuno tsü acheni, tishi keu vechewo pa lau no alokughuno ithulu keu pesü ningu pelo shiluküsa jeli sholu pesü akemiqo lokughuno tsüpe niye ke.

2 Kor. 2:7

Itehi nongu ye pa kipimí qhivetsü no pa lokughuno tsü moayesae, tishianguno pa ye amloghime no ihulove no küzüpholuve keu shimo nani ke.

Ephesiami 4:29

Nongu kichí lo shiküpüsa tsa kiumu ipeghi pe kevilo, ikemu kütami no avehupu shi akeu kiqi lono kiu no panongu shiqhepukulu nani keno tilikhi pilo. Tishilu keu vechewo khunoqo nongu kükütsü ini ani keno tipaqo pelo alá shilu peniye ke.

Ephesiami 6:22

Hipau vehu kimji ghenguno ni ye pa pesü nongu lau puwu ani, tishianguno nongu pelo ningu ye kíshi ani keno ithilu pe, eno pa pelo nongu shikumto tsüpe niye ke.

Kolosiami 4:8

Nongu pelo ningu ye kiu tüqhüdo lo ani keno ithi peniye eno pa pelo nongu mlo shikumto tsüpe nikeu kimiji lono ni ye pa pesü nongu lau puwu ani.

1 Thes. 2:11

Kughengu nongu no ithi akeu toi, apù lakhi no pa nuliqo tucho akeshi ningu ye nongu lakhi-khi tucho püani ke.

1 Thes. 2:3

Kughengu ningu no kütsü chekeu ye shikipimi momu mithekumo kimiji lono kumo ke, momu ningu ye nongu pishiqhi niye pükapütsa anike kumoe.

1 Thes. 3:2

Eno nongu küpülü shikumto no akumto shilu penike ghenguno ningu no Khristo tsakiviu pikülha keu vechewo Alhou kümlà shi akeu lo kümtsa mülà küqha akeu eno ningu thiküzüu Timothy nongu lau puwuve ke,

1 Thes. 4:1

Athiküzümi eno achelimiqo, kütau vehuqo shélo ye kíshi Alhou pulou lono xüni keno ningu no nongu shikavae. Kuchou lo nongu ye tishi xüani. Itehi ningu no Ampeu Jisü vechewo nongu qhüiniju akeu ye itaghi hitoi alau shi xüa penike nongu kite ani.

1 Thes. 4:18

Tighenguno atsa hipaqo pesü nongu lakhi no lakhi shikumto alo.

2 Thes. 3:12

Timi hitoi keqo ye kithikiyi xüwuve no panongu no chu kepu chuqupu ghenguno mülà moayesa kepi ningu no Ampeu Jisü Khristo lono hakite ghi azah tsü ani.

1 Tim. 1:4

eno panongu pelo küghakiche tsa eno ashekha küha keu alagha kughukoqo lo amlo tsü pemove peniye ke. Thime hitoi keqo ye aküpülü vechewo Alhou kümlà azüu hawo nikeu kumo no kütsalakulupu kümsükujuqo shikumto cheni.

1 Tim. 4:13

I no ighimo ke kutólo no ye timi mìshí lau Kuchoyesü phisü aní keu, shikumto eno shika aní keu lo amlotsüqhiyi lo.

1 Tim. 6:2

Aqüaxemi khunoqo no pano mpeuqo ghí küpülümi keno, aküpülü lakhi shivea ke ghenguno panongu mpeuqo gihumove kepu kumoe. Tishini ke züqhulo, panongu ye alau akivishi panongu mpemiqo qe moayesae kughengu aqüaxemi mpeuqo ye aküpülü lakhi shive keu vechewo aqüaxemiqo kimiye eno panongu kivipu lo amlo tsü cheni ke. No ye thime hipaqo pesü tamo no kütsü eno shikumto moayesa ke.

2 Tim. 4:2

Alhou tsa pesü kütsü alo; azüu no kütüghü keu shi aghina zülile shi aghí namu Alhou tsa pìní keu lo kutò pe alo; kheakulu shi no tsaqütsalei keu shikakütsü vechewo shikithe tsü, alomipi eno shikumto tsü alo.

Titus 1:9

Pükhükulu kükütsü tsa shikave keu hu pa ye tipau mutotoi pelu aghí moayesa, tishianguno pa pelo mütsümishei keu külü pesü timi kütamiqo shikumto tsü eno tipau lachile kemi ghasülu peniye ke.

Titus 2:15

Tishiaye, no ye hipaqo vehu pesü shika moayesae. Kükagha kümtsü pephe no shikumto eno alòmi pilo. Khiu pelomu O jukünatha pe kevilo.

Titus 2:6

Tihutoi, kipitimi lhothemiqo vilo alikhi aghasülu nikeu shikumtolo.

Titus 2:9

Aqüaxemiqo pelo thowkha kümtsü lo panongu mpemiqo qholo aghokulu shi ngo pe nikeu shikalo, ampemi pulou shini keu pükapütsa pelo eno ampemi ghechile pemo nikeu shikalo,

IBRIMI 10:25

kümtsa kusho chekeu phevemoni, kughengu timi khami ye alhoaye shi ighi chemo ke, ikemu lakhi no lakhi shikumto kileni—eno tinguno alau nongu no ithulu akeu toi Ampeu Tsalá hu ye kupunú wochae.

IBRIMI 13:22

Athiküzümi eno achelimiqo, ni ye nongu pelo I no shikumtokütsü tsa piakeu lo kutuu penike kite ani, kughengu kuchou lo ni ye nongu lau ighono ikhonhei keu lono yèpüani ke.

IBRIMI 3:13

Ikemu “Ishí tsalà,” ipi ake thaqhülo tsalá kipetsü lo lakhi no lakhi shikumtolo, tishianguno nongu lakhimu axiné pishikiqhi pelo nongu mlo shikümkave pemo niye ke.

1 Peter 5:12

Silas, khuu I no pichebekulu athiküzüu lakhi toi ikhilu acheni keno, pa kukuphu vechewo ni ye nongu lau ikhonhei keu lono nongu shikumto ani eno hiye Alhou’w kuchou küpükini kepi thopiu shi ghi yèsü yèvae. Tipau lo mutotoi puthugho lo.

Jude 1:20

Ikemu nongu I no kimiye chekemi shompamiqo, nongu ye nongu küpülü shishe akimtheu shou qhi keu eno Aghungu Kimthe lono inikhu keu vechewo nongu küxü shiqhepuku lo,