1 Kor. 14:2 - Sümi Tiqhelimi Bible

² Kughengu timi khuu no amili kithé lono piani keno pa ye timi pütsa anike kumoe ikemu Alhou pütsa anike. Kuchou lo ye, timi khunomu panongu no piakeu vethalu chemoe; panongu ye Aghungu vechewo Alhou’w tuqhouqo piqhi cheni.

BAIBEL (BSI)

² Timi khuno amili jeli kutauno picheni keno paye timi putsa anike kumono Alhou putsa anike, kughengu pano pikeu khunomu mthake, ikemu Aghungu kuka lono paye tuqhou mili jeli akeu lono pianike.

Sumi Naga CL (Re-edited) Bible (BSI)

² Kughengu khuu no amilikithe lono piani keno pa ye timi pütsa anike kumono Alhou pütsa ani; kughengu khunomu pa vethalu amoe, ikemu pa ye Aghungu lono tuqhou jeliqo piani.

1 Kor. 14:2 ပူးပေါင်းရင်းမြစ်များ

MATTHEW 13:11

Pa no khochile, “Kughengu kungugha kükaphuw tuqhou kighithi ye nongu tsüvae, ikemu panongu ye tsü püamoe.

Mark 16:17

Eno khuno no pülübeni keno amichipu hipaqo pano gholo anani: I je lono panongu no tüghaküsaqo haphelu nani; panongu no amili kithé lono pi nani,

Mark 4:11

Jisü no panongu vilo pi, “Alhou kükaphuw tuqhou ye nongu tsüvae. Ikemu khalau akemiqo ghengu ye thowkha kümtsü aholetsaqo lono piani

Apostolmi 10:46

Kughengu panongu mili lono pi aghí keu eno Alhou sheqhe aghí keu panongu no chilu ke. Tile Peter no pi,

Apostolmi 19:6

Eno kughou Paul no pa u pesü panongu shou be keno Aghungu Kimthe no panongu shou ighi, eno panongu no amili kithe lono atsa pi eno tungkupu tsa pie.

Apostolmi 22:9

I gholo chekemiqo ye aküvü ithulue, ikemu panongu ye I pütsa akeu sütsa hu ye vethalumoe.

Rommi 16:25

Itehi ye I no pikülha chekeu tsakiviu lono piche keu toi, Alhou khuu no nongu pelo tolu pe keno ajuküvü kümtsü pe pa tsülo. Jisü Khristo ghili kükütsü sütsa hipau no nongu Jewkumomiqo ghenguno Alhou’w tuqhou küsüpüa chekeu pephe-piye anike, hiye tiqheli kushuwa kutólo küsüpe püa chekeu lakhi ke.

1 Kor. 12:10

kütami lau akümzapu mülàlu kepu küká tsü cheni, lakhi lau tungkuptsa pikulupu ghò tsü cheni, kütami lau ye Alhou Ghungu lau no ighi keo mokeno kimchi kulupu ghò tsü cheni, lakhi lau ye amili kithé jeli lono pikulupu ghò tsü cheni, eno kütami lau amili kithé jeliqo pebidekulupu ghò tsü cheni.

1 Kor. 12:28

Ike Alhou no akukuhou lo hitoi qhipüatsü ani: atüghishi apostolmi, akiniù shi tungkupumi, aküthüu shi kükütsümi, tithiu no akümzapu kümlamì, tithiu no shikipivi ghò tsüpüa kemi, kuphukulumi, saphekulumi eno amili kithé lono pilu kemi.

1 Kor. 13:1

Ni ye timi mili momu kungumi mili lono atsa pi aghiluvi, ikemu kikimiye küha aye ni ye ayì kihe ghügha lakhi paphi ke momu küghapayi pesü kügha keu ghügha lakhi paphi ke.

1 Kor. 13:2

Ni ye tungkuptsa pikulupu ghò aghiluvi eno akümzapu tuqhou jeli ngò akighithi kümtsü ithikutolu aghiluvi, eno ni ye naghuto tukiqeve kulupu küpülü aghiluvi, ikemu kikimiye küha aye ni ye kiumu kumoe.

1 Kor. 14:16

Tishimo aye nongu no Aghungu lono Alhou sheqhe akelo kuchou phu chekemiqo ye kíshi no nongu no shikimthi tsü akeu lo “Amen” ipilu nani kea, kughengu panongu ye nongu no kiu piani keno mtha ke?

1 Kor. 14:26

Athiküzümi eno achelimiqo, tishiaye ningu ye kiu pìní kea? Kughou nongu no aqoshi kusholuni keno, nongu lakhi-khi no Alhou kishé le, momu kichekütsü tsa, piyeküsü, amili kithé lono pikeu momu pebidekulupu ghò süghiluvi. Ikemu thowkha kümtsü akukuhou shiqhepuku nikeu ghenguno shi moayesa ke.

1 Kor. 15:51

I no nongu vilo Alhou’w tuqhou tsa pinike inilo: Ningu kümtsü khilemu thimo nani, ikemu kughou ashekhau fuko ighani keno ningu ye pai anhethi kütsükhavi ajuhi kilive nani. Kughengu kughou afuko ighani keno kithimiqo ye tsümavemo kepu shi xüputhuve nani, eno ningu ye ajuhi kilive nani.

1 Kor. 2:10

hipaqo ye Alhou no pa Ghungu vechewo ningu lau pephe-piyevae. Aghungu no thowkha kümtsü lheju cheni, tiye Alhou kukughu thonhei küsüpüa keu kutólo lheju cheni.

1 Kor. 2:7

Moe, ningu ye Alhou lokütsü pesü asheshu cheni ke, tiye Alhou’w tuqhou küsüpüa keu eno Alhou no azüu no ningu jekipipu ghenguno kimishì pe püakeu ke.

Ephesiami 6:19

I ghenguno ghí inikhu tsü alo. Tishianguno kugho-kughomu I no atsa pìní kelo I pelo msàmo no atsakiviuw tuqhou ithilu pe kepu tsaqo I tsüpe niye ke,

Kolosiami 2:2

I kimiji ye panongu pelo amlo shikumtolu eno kikimiye lono küqhalu peniye ke, tishianguno panongu pelo Alhou’w tuqhou, khikhi Khristo ampi keno, tipau kinikülü shi akeu kupukülai shi vethalu peniye ke.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

1 Tim. 3:9

Panongu ye alolo kighithi mütsümishei shi no aküpülü thonhei keu kuchou hu tsüqüpe moayesae.

Piyeküsü 10:7

Ikemu tipau tsalaqo lo kughou kungumi akütsüniu no pa fuko küigha niye kutove nike no, pa no pa qemi tungkupumiqo vilo piputo tsüke hutoi Alhou’w tuqhou ye shikupuve nani.”