1 Kor. 13:7 - Sümi Tiqhelimi Bible

⁷ Kikimiye ye alhokuthu süsho cheni, alhokuthu pükhübe cheni, alhokuthu lajupu qhicheni, eno alhokuthu theqhikulu shi khe acheni.

BAIBEL (BSI)

⁷ Kimiyekiniye kumtsu kutuuluve cheni, kumtsu pulube cheni, kumtsu lajube cheni eno kumtsu theqhighi khea cheni.

Sumi Naga CL (Re-edited) Bible (BSI)

⁷ Kikimiye ye kümtsü kutuulu cheni, kümtsü pülübe cheni, kümtsü lajube cheni, kümtsü puqhelu cheni.

1 Kor. 13:7 ပူးပေါင်းရင်းမြစ်များ

MATTHEW 10:22

I ghenguno timi kümtsü no nongu mithi nani, ikemu khuu no ashekha kutólo mutotoi puthugho aghíni keno xaluve nani.

Mark 9:23

Jisü no pi, “ ‘I no shikulupu shi aghí aye ya?’ Khuu no pülübeni keno pa ghenguno thowkha shilu nanie.”

Rommi 15:1

Ningu khunoqo no aküpülü lo muto ani keno miqemilei kemi no ikiqive kelo xaqhetsü moayesa ke thono nilikhi nipulou shi akepu kumoe.

Rommi 8:24

Kughengu lajupu hipau vechewo ningu xalu ke. Ikemu ithuluve keu lajupu ye lajupu kumovae. Kughengu khuu no ithuluve keu thime shou lajupu qhicheni kea?

1 Kor. 13:4

Kikimiye ye küsüqhikulu eno küpüqhiyi keu ke. Kikimiye ye anheshu chemo, kikimiye ye akuchhoma shichemo, kikimiye ye aqheküza shichemo.

1 Kor. 9:12

Kütamiqo no nongu lau no akukuphu hipau luni keu chipiu aghí aye, ningu ye tinguno akichiùmu aghí moayesa ke kumo keshea? Ikemu ningu ye hipau chipiu peithamo ke. Tishini ke züqhulo, ningu ye Khristo tsakiviu lakükhapu shimo nike ghenguno kiu-kiu lomu kutuukulu shive tsüke.

Galatiami 6:2

Lakhi no lakhi makho putsü kilé lo, eno tishi keu lono nongu ye Khristo yeza shikupulu nani.

2 Thes. 1:4

Tighenguno, nongu no pishi-puju keu eno peju keu kümtsü sholu akeu dolo tsükhoi shi no kutuukulu eno aküpülü pighi akeu ghenguno ningu ye Alhou kukuhou dolo ghí nongu jupe agijivilei acheni.

2 Tim. 2:24

Eno Ampeu qemi ye kiyi-muto kepu kumoe ikemu timi kümtsü lau akümtsha shi moayesa, kütsülu kemi shi moayesa eno kutuukulumi shi moayesae.

2 Tim. 3:11

I no khijehi pishi-puju eno aghimeqo sholu, eno Antioch, Iconium eno Lystra lo I lau kiu shive eno I no pishi-puju sholu kelo kutuuluve keu nono ithi anike. Tishimu Ampeu no tipaqo kümtsü lono I xaphe tsüke.

2 Tim. 4:5

Ikemu Timothio, no ye atüqhüdo kümtsü lo tsükhutsüvai shilo, aghime lo kutuu lo, tsavipemi lakhi kümlà shi alo, eno O kümlapù pichetsüpüa keu kümtsü shi alo.

IBRIMI 13:13

Tishiaye, ningu ghí küghüna chekeu nguno khalau pa lau wuni eno pa no jukünatha keu puluve keu küsajeni nolo.

James 1:12

Khunoqo no peju akelo tsükhoi ngoni keno akümghapue, kughengu peju keu lo puthugholu keu vechewo timi tipau ye Ampeu kimiye chekemiqo lau aküxü kütsükuqho ithulu nikeu piqhipüa keu ithulu nani.

1 Peter 2:24

Khristo ampi no kros lono “Pa phimpi no ningu xinéqo puluve tsüke,” tishi keu vechewo ningu pelo axiné lo ye thive no achipiumikucho ghenguno xüpe niye ke; “Pa zakuqo vechewo nongu ye shipivi luvae.”

1 Peter 4:8

Kümtsü nguno alau, amlotsüqhiyi shi lakhi no lakhi kimiye lo, kughengu kikimiye no axiné kutomo nhavetsü cheni ke.