1 Kor. 13:5 - Sümi Tiqhelimi Bible

⁵ Kikimiye ye kütami thaigha chemo, kikimiye ye alikhi asala phu chemo, kikimiye ye amlokighide shichemo, kikimiye ye timiw shikipimiqo kihikülai pesü qhichemo.

BAIBEL (BSI)

⁵ akuchhoma shichemo, aghukha shichemo, axuide chemo momu alhoksa hekutsu kiyipe puachemoe.

Sumi Naga CL (Re-edited) Bible (BSI)

⁵ momu mkamihi chemoe. Kikimiye ye aghükha shichemo; pai amloide chemo momu alhoksa hekütsü kiyi chemoe.

1 Kor. 13:5 ပူးပေါင်းရင်းမြစ်များ

MATTHEW 5:22

Ikemu I no nongu vilo pìní, khuu no pa thiküzüu momu pa chepu shou amloide nike no pa shou küghathabe nani. Itaghi khuu no pa thiküzüu momu pa chepu ‘thaigha,’ keu tsa pìní keno pa ye atsa küghaki lono khochile moayesa nani. Eno khuu no, ‘O aghüzüù!’ ipi kütami vilo pìní keno pa ye amiyizü kümsapu lo sǘve kepu shi nani.

MATTHEW 9:4

Panongu kükümsü ithive no Jisü no ishi pi, “Nongu ye kushiye nongu mlo lo küsakügha kükümsüqo kümsü acheni kea?

Mark 3:5

Jisü no pa mlo ide ghi ighowo panongu jupuwo, eno panoqo mlo kuthò ithulu no pa mloküsa shive püzü timi tipau vilo pi, “O u xachholo.” Pa no pa u xachho eno pa u ye kupukülai athoputholuve.

Luke 7:39

Kughou Jisü kusü keu Phariseemi hu no ti ithulu keno pa likhi pa vilo ishi pia, “Timi hipau no tungkupumi lakhi ke aye pa ye totimi pa bu akeu ye khuu eno kiutoi kemi eno li ye axinemi lakhi kepi ithi kepue.”

1 Kor. 10:24

Timi khumu pa likhi pa kivipu phu kepu kumoe, ikemu kütami kivipu phu kepue.

1 Kor. 10:33

Ni ghí alaghi jeli thowkha lo nongu kümtsü mlopiqi tsü niye pükapütsa acheni ke. Kughengu ni ye I likhi I kivipu phu chemoe ikemu timi kutomo kivipu phu acheni, tishianguno panongu pelo xaluve peniye ke.

1 Kor. 11:18

Atüghishi, I no chilu keu no kughou nongu no kümtsa kuho niye ighini keno nongu dolo kijetha keu acheni ipi ani, eno tiye kuchou shi aghí nani kepi I no pülü ani.

1 Kor. 12:25

tishi keu vechewo aphimpi lo kijetha keu ipeghipemo püzü aphimpi lo aphi-auqo kümtsü pelo lakhi no lakhi ghenguno alokümsü ape niye ke.

1 Kor. 7:36

Tsalá timi lakhi no pa no küsükha püakeu pa loliu ye külathuve keu do veche aya ipi kümsü no li gihu ghi külave moayesa ipi kümsü aghí aye, pa no pulo akeu toi tishive moayesae. Tishive aye pa ye axiné shi amoe. Pama ye külakupu shive moayesa ke.

2 Kor. 5:19

Ike tiye hike, Alhou no timiqo ghimeqhi nike ghenguno axiné kihikülai tsü keu shimo no Khristo vechewo ayeghilomi sasü külashilu ke. Eno pa no külashilu keu kükütsü sütsa pesü ningu lau pichetsüke.

Galatiami 5:13

I thiküzümi eno I chelimiqo, nongu ye kuqhopheve keu küxü xüpe niye kulù ke. Ikemu nongu ye kuqhophevea kepi tino ajekukivi shive no timi lhoaye pulou lo chhosü wuve kevilo; tishini ke züqhulo kikimiye vechewo akuchunu shi püzü nongu lakhi no lakhi qe lo.

FILIPIAMI 2:21

Kughengu Jisü Khristo ghenguno kumo no timi kümtsü pano likhi pano ghenguno alokümsü shi akhani ke.

FILIPIAMI 4:8

Athiküzümi eno achelimiqo, ashekha shi kiu no kuchou, kiu no xüpivi, kiu no achipiu, kiu no akimthe, kiu no alo keu, kiu no jupe amloqilu cheni—kiu-kiumu akighiché momu sheqhe küzüpu aghí aye—thime tipaqo shou kümsüpuku alo.

2 Thes. 3:7

Kughengu nongu ye ningu no xüpe pìyeve keu pape moayesa kepi nolikhi nongu no ithi ani. Ningu ye nongu gholo ache kelo akipichi shimoe,

2 Tim. 2:10

Tighenguno ni ye kisheluve kemiqo ghenguno thime kümtsü puqheluve acheni, tishianguno panongu ghí Khristo Jisü lolo xakulu gholo lhokta juküvüpu akeu ithulu peniye ke.

2 Tim. 4:16

I likhi I saphu keu tsa kükügha atüghiu lo, timi khumu I saphuni ke ighimoe, ikemu kümtsü no I likhi qhive ke. Alhou pelo panongu shou nguku keu shipemoniu!

James 1:19

I no kimiye chekemi I thiküzümi eno I chelimiqo, hipau ithilo: Kümtsü no pai chilu nikeu, asheshi no atsa pìní keu eno asheshi no amloide nikeu shilo,