1 Kor. 13:4 - Sümi Tiqhelimi Bible

⁴ Kikimiye ye küsüqhikulu eno küpüqhiyi keu ke. Kikimiye ye anheshu chemo, kikimiye ye akuchhoma shichemo, kikimiye ye aqheküza shichemo.

BAIBEL (BSI)

⁴ Kimiyekiniye kusuqhikulu eno amlo ighiqhiyi keuke; kimiyekiniye aghichipo chemo, qhezalaki chemo, lahilaza xuchemoe;

Sumi Naga CL (Re-edited) Bible (BSI)

⁴ Kikimiye ye kheakulu eno amlo ighiqhiyi; kikimiye ye aghichipo chemo, qhezalaki chemo; akuchhoma shichemo;

1 Kor. 13:4 ပူးပေါင်းရင်းမြစ်များ

MATTHEW 27:18

Kughengu panongu no panonguw lüthü lá ghenguno Jisü pesü pa u lo phesü püakeu pa ye ithi ake.

Apostolmi 7:9

“Kughengu apù-asüqo no Joseph ju anheshuve ke ghenguno pa pesü Egypt lo aqüaxemi lakhi toi jesüve. Ikemu Alhou no Joseph gholo ae

Rommi 1:29

Panongu ye küsakügha, alhoküsa, alakimine eno alhoküsa jeli kümtsü no chhitoi ani. Panongu küxü ye anhekushu, hekiqhi, kumgho keu, pishikiqhi eno axeküsü no chhitoi ani. Panongu ye xishi chekemi,

Rommi 13:13

Atsala küvü lo akemi toi ningu ghushoghili lo kithikiyi shini nolo. Ningu itho-igho eno shomzümoni, kipito xüküpsa eno ghüpoghüzü shimoni, kichighimo eno anhekushu shimoni nolo.

1 Kor. 3:3

Nongu ye itehimu ayeghilomi küxü qhemi lo aphike. Kughengu itehi kutólo nongu dolo anhekushu eno kütsala keu aphike, nongu ye ayeghilomi küxü ghola lo xü aphike kumo keshea?

1 Kor. 4:18

Ni ye nongu lau ighima küghashi kümsüve püzü nongu khami ye akuchhoma shivae.

1 Kor. 4:6

Ikehu, athiküzümi eno achelimiqo, Apollos nikujo ye nongu kivipu ghenguno thime hipaqo kümtsü nikujo küxü lono kiqi pesü pi anike, tishi keu vechewo nongu pelo ningu lau no küghakiche tsa, “Kiu yèpüani keno tipau veche kevilo,” ipikeu ithilu peniye ke. Tishianguno nongu ye ningu sakiphemi dolo lakhi ju pesü qheza no lakhiu phimove keu shipemo niye ke.

1 Kor. 5:2

Eno nongu ye aqheküza shi ani ipie! Tishini ke züqhu nongu ye qanimlo akepu eno timi khuu no hikithipu kümlà shi ani keno nonguw kuposhukulu lono pa je ikhive tsü kepu ke kumo keshea?

1 Kor. 8:1

Itehi ye achuqu pesü ajulho lhouqo lau aghakishi shive keu vehu lo juni: Ningu no ithi akeu toi “Ningu kümtsü akighithi anike.” Ikemu akighithi no aqheküza shi cheni pe eno kikimiye no shiqhepuku acheni.

2 Kor. 12:20

Kughengu kughou I no ighini keno nongu ye I no shipe nishi akeu toi aghimo nikeu, eno nongu no I pelo shipe nishi akeu toi ni ithulumo nikeu ghenguno ni ye msà anie. Ni ye tilau küqhakümla, anhekushu, mutomushu keu, alakimine kimji, piküpüsa, xikishi, akumchho, eno kübangü keu aghíni keu msà ani.

2 Kor. 6:6

Ningu ye amikucho, vethakulu, kheakulu eno küpüqhiyi keu, Aghungu Kimthe eno amikucho kikimiye vechewo nilikhi ni kimchitsü cheni.

Galatiami 5:26

Ningu qhezamoni momu lakhi no lakhi xukuthomoni momu lakhi no lakhi jupe anheshumoni nolo!

Ephesiami 4:2

Alhokuthu aqhokighe eno akümtsha shilo; kheakulu shilo eno kikimiye lono lakhi no lakhi lau küsüqhikulu shilo.

Ephesiami 4:32

Lakhi no lakhi lau küpüqhiyi eno kimiyeqhiyi lo, Alhou no Khristo vechewo nongu kipimí qhivetsü ketoi, nongu lakhi no lakhi kipimí qhitsüa lo.

FILIPIAMI 1:15

Kucho nomu timi khami ye anhekushu eno kumgho ke láu no Khristo ghili pesü kütsü cheni, ikemu kütamiqo ye amikucho shi Khristo ghili pesü kütsü cheni.

Kolosiami 1:11

nongu pelo shishe kutuukulu eno kheakulu shilu penike ghenguno pa juküvüpu kumto vechewo no aküka kümtsü pesü nongu shikumtolu,

Kolosiami 2:18

Timi khunoqo no akuchunu ghili shi no kungumiqo mülá cheni keno tipaqo pelo nongu theqhive pe kevilo. Timi hitoi kemi ye panongu no kungunhetsü kiu ithulu keno tipau chixechilei pi cheni ke; panongu ye ayeghi lo timi kükümsü pesü akiqi kiumu kühamu akuchhoma shi acheni.

Kolosiami 3:12

Tighenguno, Alhou no kimiye no akimthe shi xüpe niye kisheluve kemi akehu, kimiyeqhiyi keu, küpüqhiyi keu, akuchunu shikeu, akümtsha eno kutuukulu shikeu pesü nongu likhi nongu nanu shi pepulo.

1 Thes. 5:14

Athiküzümi eno achelimiqo, ningu no nongu qhüiniju ani, khunoqo no akipichi eno aküpüna shi acheni keno panongu pikichi lo, aghüthisüve kemi shikumtolo, qeinai kemi kuphulo, eno kümtsü lau kheakulu shilo.

1 Tim. 6:4

timi tipaqo ye alikhi apülü pivi chekemi eno kiumu vethalu chemoe. Panongu ye kütsala nikeu eno kiyi nikeu tsaqo lo amlo tsü keu vechewo anhekushu, kumgho keu, timi xishi keu, pülüküpüsa

2 Tim. 2:25

Mujochile chekemi vilo agholau no shika moayesae. Alhou no panongu mlo pebide tsü no kuchou ithikulupu laghi lo sawu nani kepi lajupu qhi moayesae,

2 Tim. 3:10

Ikemu Timothio, no ye I kükütsü, I küxü ghola eno I kimiji kümtsü ithi ani. No ye I küpülü, iw kheakulu, iw kikimiye, iw kutuukulu ithi ani.

2 Tim. 4:2

Alhou tsa pesü kütsü alo; azüu no kütüghü keu shi aghina zülile shi aghí namu Alhou tsa pìní keu lo kutò pe alo; kheakulu shi no tsaqütsalei keu shikakütsü vechewo shikithe tsü, alomipi eno shikumto tsü alo.

Titus 3:3

Ghuthu lakhi ye ningu ghí nikhanigha, agholumo kemi, pishikiqhimi, eno minemighei keu ngò alokughuno jeli no qhasü pe acheke. Ningu ye axeküsü eno anhekushu lo xüche, ningu no kütami jumithi eno kütami no ningu jumithi ishi acheke.

James 4:5

Ikeo nongu ye Kuchoyesü ye kiumu akiqi küha no Alhou no anheshuqhiyi aghungu ningu lolo qhitsü keu kümsükütü acheni kepi pipüani kepi kümsü ani kea?

1 Peter 2:1

Tighenguno, nongu likhi nongu lolo axeküsü jeli ngò pishikiqhi jeli, kühakügha, anhekushu, eno pipütha keu jeli kümtsü qhivelo.

1 Peter 3:8

Ashekha shi, nongu kümtsü akükümsü lakhi shilo, lokughuno kilé lo, lakhi no lakhi kimiyekilé lo, kimiyeqhiyi lo eno akuchunu shilo.

1 Peter 4:8

Kümtsü nguno alau, amlotsüqhiyi shi lakhi no lakhi kimiye lo, kughengu kikimiye no axiné kutomo nhavetsü cheni ke.

2 Peter 1:7

eno Alhou sümsa keu gholo lakhi no lakhi lau ivüilai keu; eno lakhi no lakhi lau ivüilai keu gholo kikimiye süküqha lo.

1 John 4:11

Kimiye chekemi shompamiqo, Alhou no shishe ningu kimiye ke ghenguno ningu ghí lakhi no lakhi kimiye moayesae.