1 Kor. 1:8 - Sümi Tiqhelimi Bible

⁸ Pa no ashekha kutólo ghí nongu pelo mutotoilu pe nani, tishianguno nongu pelo ningu Mpeu Jisü Khristo tsalà ighi kelo tukutiye küha no aghí peniye ke.

BAIBEL (BSI)

⁸ Pano ashekha kutolo nongu pelo mutotoi penani, tishianguno ningu Mipeu Jisu Khristo Tsala ighikelo nonguye kuqu mono aghi penani.

Sumi Naga CL (Re-edited) Bible (BSI)

⁸ Pa no ashekha kutolo nongu shikumto no ni Mpeu Jisü Khristo tsala lo küqü mono aghi penani.

1 Kor. 1:8 ပူးပေါင်းရင်းမြစ်များ

Luke 17:24

Kughengu Timi Nu ighi keu tsalà lo tsütsüpha no atsütsǘ shekha lakhi lono ashekha lakhi küdau kulo keu toi nani.

Luke 17:30

“Timi Nu pephe-piye ke tsalà lo ghí hitoi shi nani.

Rommi 14:4

No ye khuu keno kütami qemi shou küghathabeni kea? Aqemiqo ye amikucho keo amikucho kumo keno panongu mpeu likhi no xatha nani ke. Eno panongu ye amikucho shi nani, kughengu Ampeu no panoqo pelo amikuchou shilu pe nani.

Rommi 16:25

Itehi ye I no pikülha chekeu tsakiviu lono piche keu toi, Alhou khuu no nongu pelo tolu pe keno ajuküvü kümtsü pe pa tsülo. Jisü Khristo ghili kükütsü sütsa hipau no nongu Jewkumomiqo ghenguno Alhou’w tuqhou küsüpüa chekeu pephe-piye anike, hiye tiqheli kushuwa kutólo küsüpe püa chekeu lakhi ke.

Rommi 8:19

Kughengu lhoqhipüa keu jeli kümtsü no Alhou nuliqo pephe-piye niye akeu shishe lakuju shi khekulhoshi anie.

1 Kor. 3:13

tiye kiu keno panongu kümlà vechewo pìye nani, kughengu tipau Tsalá lono aküvü lo saipeghive nani. Tiye ami gholo no pephe-piye nani, eno ami no timi lakhi-khi kümlà meküa pitiju nani.

1 Kor. 5:5

ike timi tipau hu ye aphi-ashi kütsave penike ghenguno ikhiphe pesü Satan u lo phesüve tsülo, tishianguno Ampeu tsalá lo pa ghungu xalutsü penike.

2 Kor. 1:13

Kughengu ningu ye nongu no phimla kepu momu nongu no vethamla kepu lakhimu yèpüamoe. Eno I no laju akeu ye,

2 Kor. 1:14

nongu no ningu ithikuthu khamla namu nongu ye ithikuthuluve nani kepi laju ani. Tishi keu vechewo Ampeu Jisü tsalà lo ningu no nongu ju pesü agijivilei ketoi nongu no ningu ju pesü agijivilei nani.

2 Kor. 1:21

Alhou no ningu pelo nongu gholo Khristo lono ithamo no puthugholu pe ani. Pa no ningu nukishe ke,

Ephesiami 5:27

eno axiné küha no momu idivemo momu kütau tukutiye kiumu küha no akimthe eno jekujeli küha no li pesü pa likhi pa lau jukighilepu kukuhou lakhi shitsü niye ke.

FILIPIAMI 1:10

tishianguno nongu pelo kiu no akiviu keno jupililu pe eno Khristo tsalà ghenguno akimthe eno tukutiye küha püzü,

FILIPIAMI 1:6

Hitoi pülükibe akeu lo, Alhou khuu nongu lolo akümlà kivi huthuphe keno ashekha kutólo pa no nongu sasü wu nani, eno tiye Khristo Jisü tsalà ighimo ke kutólo ke.

Kolosiami 1:22

Ikemu itehi ye tukutiye küha eno ngukube kepu kiumu küha no akimthe shi pa zülo ighilu penike ghenguno Khristo shi phimpi kithí vechewo pa no nongu sasü külashiluvae—

Kolosiami 2:7

Pa gholo nongu kuhu qüsülo eno nongu küxü shiqhepuku chelo, eno nongu kütsü pìyeve ketoi aküpülü lo akumto shilo eno shikimthi keu no qochili alo.

1 Thes. 3:13

Pa pelo nongu mlo shikumto tsü peniu, tishianguno Ampeu Jisü no paw akimthemiqo kümtsü sasü ighi kelo ningu Papù eno Alhou zülo tukutiye küha no akimthe shi ighilu peniye ke.

1 Thes. 5:2

kughengu nongu no akivishi ithi anike Ampeu tsalà ye putho lo küpkami lakhi toi ighi nanie.

2 Thes. 2:2

timi khunoqo no ningu kükütsü ke ipi pükha püzü Ampeu tsalà ye ighivae ipi tungkuptsa momu akichi tsa momu yèsü vechewo asheshu cheni keno tipaqo pelo mülalei nongu mlo shiküpüna momu shikümsa pe kevilo.

2 Thes. 3:3

Ikemu Ampeu ye pükhübekulu ke, eno pa no nongu shikumto tsü nani eno küsaküghau lau no nongu süsho nani.

2 Tim. 1:12

I no itehi ime akeu ye tipau ghenguno ke. Ikemu kujo akepu akiqi kiumu kühae, kughengu I no khuu shou pülüluvea keno I no ithi ani, eno tipau tsalà ighimo ke kutólo I no kiu pesü pa pichetsü keno pa ye tipau khekuto kulupu shi nani kepi I no pülü ani.

2 Tim. 1:18

Ampeu pelo tsalà tipau lo pa lau kimiyekini pìyelu peniu! Ephesus lo pa no alaghi ajeli kutomo lono I kuphu keu nono akivishi ithi anike.

1 Peter 5:10

Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.

2 Peter 3:10

Ikemu Ampeu tsalá ye küpkami lakhi toi ighi nani. Atsütsǘ lo akeqo ye asütsa kuloghi lakhi igha no hauve nani; lhokejeli ye ami lono pitipühave nani, eno ayeghi ngò tilehi mülasüpüa keu thimeqo ye kümtsü pitipühave nani.

2 Peter 3:14

Tishiaye, kimiye chekemi shompamiqo, nongu no hipau khekulhoshi anike ghenguno thowkha lo pükapütsa püzü tukutiye küha keu, nguku kepu küha keu eno pa gholo külakishi akeu phulu pelo.