1 Kor. 1:7 - Sümi Tiqhelimi Bible

⁷ Tighenguno nongu no ningu Mpeu Jisü Khristo pephe-piye nikeu minemighei khe akeu dolo nongu ye aghungu lo ghòqo lakhimu mikhe keu shi amoe.

BAIBEL (BSI)

⁷ Tighenguno ningu Mipeu Jisu Khristo pephe piyenichekeu nonguno khe-a kelo, nonguye angu-agha akumghagho lakhimu ithulukhamokeu shiamoe.

Sumi Naga CL (Re-edited) Bible (BSI)

⁷ tishianguno ni Mpeu Jisü Khristo pephe piyeni keu khe akelo, nongu ye aghungulo gho kiumu mikheve amoe.

1 Kor. 1:7 ပူးပေါင်းရင်းမြစ်များ

MATTHEW 25:1

“Tipau ghuloki lo kungugha kükaphu ye ilimi chighí no panonguw akulu pesü külapuu sholu niye wu keu toi ke.

Luke 12:36

tiye aqemiqo no panongu mpeu no külakupu ghulhu lono ideighi püzü kughou ahukikha kukhu nike no paikhavi khaqhisü tsü niye ngokhe ake toi shilo.

Luke 17:30

“Timi Nu pephe-piye ke tsalà lo ghí hitoi shi nani.

Rommi 8:19

Kughengu lhoqhipüa keu jeli kümtsü no Alhou nuliqo pephe-piye niye akeu shishe lakuju shi khekulhoshi anie.

Rommi 8:23

Eno lhoqhipüa keu likhi kumoe, ikemu ningu khunoqo no Alhou Ghunguw amsüu ghò ithulu keno ningu ghí Alhou no saputhuluve keu anukishimi shiluve no ningu phimpiqo xachileluve penike ghenguno ningu lolo no igha acheni.

1 Kor. 4:5

Tighenguno kughupüa keu do tomphi züu ye kiumu küghathabe kevilo; Ampeu no ighimo ke kutólo khe aghílo. Pa no àküzǘ lo kiu küsüpüani eno amlo lo kiu kümsüpù ani keno kümtsü aküvü lo pekiphe shive tsü nani. Tipau dolo no kümtsü Alhou lau no akishé ithulu nani.

2 Kor. 12:13

I kuphu peniye khilemu nongu shipünamove keu ghenguno kumo aye niye kiu lono akukuhou kütauqo nguno alhoküsau shi nongu peitha püani keshea? Akipimí hipau ghenguno I kipimí qhitsülo.

Galatiami 5:5

Kughengu ningu ye Aghungu vechewo aküpülü lono ningu no laju achekeu achipiumikucho hu khekulhoshi anike.

FILIPIAMI 3:20

Ikemu ninguw aghakütsa hu ye kungugha lo anike. Eno ningu ye tilau no Xakuluu ighi nikeu khekulhoshi ani, tiye Ampeu Jisü Khristo

Kolosiami 3:4

Khristo khuu nongu küxü kuchou keno kughou pa no ipeghini keno nongu ghí ajuküvü lono pa gholo ipeghi nani.

1 Thes. 1:10

Eno nongu ye Alhou Nu akithí lono xüputhuve keu no kungugha lono ighi niye akeu lo kíshi khe ani keno panongu no ningu vilo pike. Alhou Nu Jisü ye Alhou’w küghakütha chekeu lono ningu xalu keu hu ke.

2 Thes. 1:7

eno nongu ghimeqhi akemi lau no nongu likhi kumo no ningu ghí ghulu tsü nani. Hiye kughou kungugha lono vüqalei keu ami eno Ampeu’w kungumiqo kumto gholo no Ampeu Jisü pephe-piye nike no tipau tsalà lono shi nani.

2 Tim. 4:8

Itehi I ghenguno achipiumikucho kütsükuqho khikhi qhipüani keno achipiu Xaküthau Ampeu no tipau tsalà lono qesaxu I tsü nani. Eno I likhi kumo ikemu pa ikighi khekulhoshi akemiqo ghí kümtsü tsü nani.

Titus 2:13

Ningu no kükümgha lajupu khe akelo—Ni Lhou akughushuu eno Xakuluu Jisü Khristo, ajuküvü lono ipeghi niye akeu,

IBRIMI 9:28

Khristo ye timi kutomo xiné peve tsüní ke ghenguno ghuthu lakhi aghakishi shike; eno pa ye ghuthu akiniù ipeghi nani, axiné puluve tsü nike ghenguno kumo, ikemu khunoqo no pa ngokhe ani keno panongu lau xakulu süghitsü nike ghenguno ighi nani.

1 Peter 1:13

Tighenguno kutokughoi eno tsükhütsüvai keu kükümsü xapusü nonguw lajupu kuchopu pe Jisü Khristo pephe-piye ghi ighi kelo küpükini süghi niye akeu shou belo.

1 Peter 4:13

Ikemu nongu no Khristo ghime lo küsaje akeu qhemi alovishelo, tishianguno kughou pa juküvü pephe-piye nike no nongu pelo shishe alovishelu peniye ke.

1 Peter 5:4

Eno kughou Ambe khemi shou Atou no ipeghini keno, nongu ye khilemu ighüyive chemo keu juküvü kütsükuqho ithulu nani.

1 John 3:2

Kimiye chekemi shompamiqo, itehi ningu ye Alhou nuliqo ke, eno ningu ye kiu shive nani keno tipau pephe-piye mphie. Ikemu kughou Khristo ipeghini keno ningu ye pa toive nani kepi ningu no ithi ani, kughengu pa ye kiutoi keno ningu no ithulu nani.

Jude 1:21

eno nongu no ningu Mpeu Jisü Khristo no nongu lau lhokta küxü süghi niye akeu huqhe ake dolo nongu likhi nongu pesü Alhou’w kimiyekini qholo qhilo.