1 Kor. 1:23 - Sümi Tiqhelimi Bible

²³ Ike kughou ningu no yeda pìthíve keu Khristo ghili kütsüni keno, tiye Jewmiqo ghenguno apukhu küpsüpu shive cheni eno Jewkumomiqo ghenguno nikhanigha shive cheni.

BAIBEL (BSI)

²³ ikemu ninguno Khristo kros lo yedavekeu pesu asheshu cheni. Judami ghenguno tiye shokukho kepushive eno Judakumomi ghenguno tiye anikha tsa shive;

Sumi Naga CL (Re-edited) Bible (BSI)

²³ ikemu ningu no Khristo yedave keu kütsü cheni, ti ye Jewmi ghenguno apukhu küpsüpu eno Jewkumomi ghenguno mbomzü vehu,

1 Kor. 1:23 ပူးပေါင်းရင်းမြစ်များ

MATTHEW 11:6

Khukhumu I ju pesü lipimo kemi kümghae.”

MATTHEW 13:57

Ike panongu ye pa ikhilumoe. Ikemu Jisü no panoqo vilo pi, “Tungkupumi lakhi ye pa likhi pa punugha eno pa likhi pa kibo lo thono aqha kütau lo ye agigihu tsü chenie.”

Luke 2:34

Tisheno Simeon no panongu kümgha tsü eno pazá Mary vilo pi: “Julo, anu hipau ye Israel lo timi kutomo sünhepuku eno sünheqhi nani ke, eno pa ye amichipu shi anamu kutomo no pa tsa lachile nani,

1 Kor. 1:18

Kughengu khunoqo no pühaveni cheni keno panongu ghenguno kros kükütsü sütsa ye nikhanigha tsa ke, ikemu ningu xaluve kemi ghenguno kros ye Alhou küká ke.

1 Kor. 1:21

Alhou ye pa lokütsü lono ayeghilomi ye khilemu ayeghi lo lokütsü vechewo pa ithimo nani kepi ithive ke ghenguno Alhou ye khunoqo no pülüni keno tipaqo xalu nike ghenguno nikhanigha vechewo kiu kütsü keno tipau ju amlokiqi shike.

1 Kor. 1:28

Alhou no hipau yeghi lo chuninei kemi ngò timi no thaigha chekemiqo kishelu ke—eno thime akhotoqo pimhemove nike ghenguno kiumu kumo keu thimeqo kishelu ke,

1 Kor. 2:14

Aghungu Kimthe pighimo kemi ye Alhou Ghungu lau no ighi keu thimeqo ikhilu chemoe ikemu tipaqo ye nikhanigha kepi kümsü cheni, eno panongu ye tipaqo vethalu chemoe kughengu tipaqo ye Aghungu vechewo likhi no jupililu pe cheni ke.

1 Kor. 2:2

Kughengu I no nongu gholo ngo ake lono ni ye Jisü Khristo eno pa yeda pìthíve keu nguno alau ye kütau kumu mthave nikeu shi xathave ke.

1 Kor. 4:10

Ningu ye Khristo ghenguno anikhami ke, ikemu nongu ye Khristo lono shishe alokütsümi ke! Ningu ye miqemilei kemi ke, ikemu nongu ye akumtomi ke! Nongu ye qhoqhü-gihu ke, ikemu ningu ye thaigha ke!

2 Kor. 4:5

Kughengu ningu ye nilikhi nighili pesü kütsü chemoe ikemu Jisü Khristo ye Ampeu kepi kütsü cheni, eno ningu ye Jisü je ghenguno nongu qemi shi acheni.

Galatiami 3:1

Nongu Galatiami nikhanighaqo! Khuu no nongu chini-küghüzüvea kea? Nongu nhekithe lono Jisü Khristo yedapithive keu mütsümishei pìyevae.

Galatiami 5:11

Athiküzümi eno achelimiqo, I no itehi kutólo aphighüyiko-küghá ghili kütsü cheghi aye, kushiye itehi kutólo I pishi-puju aní kea? Tishi aghí aye Khristo kros ghili kütsü chekeu lo khiumu küpünamoveni cheke.

Galatiami 6:14

Ningu Mpeu Jisü Khristo’w kros nguno alau ye I pelo kütau thime shou qheza pemo peniu, kughengu pa yeda pìthíve keu vechewo I no ayeghiqha lhoaye shinishi chekeu yedapithivae eno I lolo ayeghiqha lhoaye no shinishi chekeu yedapithivae.

Ephesiami 3:8

Ni ye Ampeu’w timiqo kümtsü gholo akuu-amighiu shi aghí namu, küpükini hipau pesü I tsüke: tiye Jewkumomiqo lau Khristo’w ashekha-aghile küha keu kinikülü ghili kütsü nikeu,

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

1 Peter 2:8

eno, “Atu khipau no timiqo pelo püsüpukulu pe cheni eno atuqu khipau no panoqo pelo veqhive pe cheni keno.” Panongu no akükütsütsa gholumo ke ghenguno panongu ye küpüxa cheni eno panongu ye hitoi shipe nikeu shi kughuchho pe qhive ke.