1 Kor. 1:18 - Sümi Tiqhelimi Bible

¹⁸ Kughengu khunoqo no pühaveni cheni keno panongu ghenguno kros kükütsü sütsa ye nikhanigha tsa ke, ikemu ningu xaluve kemi ghenguno kros ye Alhou küká ke.

BAIBEL (BSI)

¹⁸ Kughengu puhave nichekemi ghenguye Khristo no kros lo thikeu ghili pikulhakeuye mbomzu tsake; ikemu ningu khunoqomi xaluve akeno tiye Alhou kuka ke.

Sumi Naga CL (Re-edited) Bible (BSI)

¹⁸ Kughengu pühave akemi ghenguno kros tsa ye mbomzüe; ikemu ningu xaluve akemi ghenguno ti ye Alhou kükake.

1 Kor. 1:18 ပူးပေါင်းရင်းမြစ်များ

Apostolmi 13:41

“ ‘Julo, nongu timi pipütha chekeqo, akümza alo eno thia lo, kughengu I no nongu tsalaqo lo kiuala khami shi nani, tiye timi khami no nongu vilo pinamu nongu ye khilemu pülümo nani.’ ”

Apostolmi 17:18

Ikelo Epicureami kükütsü pape kemi eno Stoic phukuthomi khami no pa sasü kighe thuve. Khami no ishi pi, “Tsathipa hipau ye kiu pi niye shiju ani kea?” Kütami khami no ishi pi, “Pa ye inami lhou ghili pi aghí kepu toi anie.” Panongu no hitoi pikeu ye Paul no Jisü tsakiviu eno xülekuthu ghili pikeu ghenguno ke.

Apostolmi 17:32

Kughou kithimi xülethu keu tsa panongu no chilu keno, khami no pa junuqhi, ikemu khami no ishi pi, “Ningu ye hipau vehu itaghi O lau no chilu nishi anie.”

Rommi 1:16

Ni ye atsakiviu ghenguno küjove chemoe, kughengu hiye pülü kemi kümtsü lau xakulu süghitsü chekeu Alhou küká ke: atüghishi Jewmi lau, eno tithiu no Jewkumomi lau süghi ke.

1 Kor. 1:21

Alhou ye pa lokütsü lono ayeghilomi ye khilemu ayeghi lo lokütsü vechewo pa ithimo nani kepi ithive ke ghenguno Alhou ye khunoqo no pülüni keno tipaqo xalu nike ghenguno nikhanigha vechewo kiu kütsü keno tipau ju amlokiqi shike.

1 Kor. 15:2

I no nongu lau Alhou tsa kütsü keu nongu no ithamo no tsüqüpe aye, atsakiviu no nongu xaluvae. Tishimo aye, nongu ye adou lono pülüvae.

1 Kor. 2:14

Aghungu Kimthe pighimo kemi ye Alhou Ghungu lau no ighi keu thimeqo ikhilu chemoe ikemu tipaqo ye nikhanigha kepi kümsü cheni, eno panongu ye tipaqo vethalu chemoe kughengu tipaqo ye Aghungu vechewo likhi no jupililu pe cheni ke.

1 Kor. 2:2

Kughengu I no nongu gholo ngo ake lono ni ye Jisü Khristo eno pa yeda pìthíve keu nguno alau ye kütau kumu mthave nikeu shi xathave ke.

1 Kor. 3:19

Kughengu hipau yeghiqha lokütsü ye Alhou gizülo nikhanigha ke. Tiye Kuchoyesü lo ishi yèpüa keu toi ke: “Pa no alokütsümi müqükini lono panoqo meluve cheni”;

1 Kor. 4:10

Ningu ye Khristo ghenguno anikhami ke, ikemu nongu ye Khristo lono shishe alokütsümi ke! Ningu ye miqemilei kemi ke, ikemu nongu ye akumtomi ke! Nongu ye qhoqhü-gihu ke, ikemu ningu ye thaigha ke!

2 Kor. 10:4

Ningu no aghünanu khipaqo pesü aghüshi cheni keno tipaqo ye ayeghilomi ghünanu kumoe. Ikemu tipaqo ye Alhou lau no ighi keu küká eno aliwo kuptu hexave kulupu küká anike.

2 Kor. 4:3

Eno tsalá ningu no kütsü chekeu tsakiviu küzüve aghí namu, tiye pühave akemiqo ghenguno küzüve anike.

1 Thes. 1:5

kughengu ningu tsakiviu ye nongu lau atsa vechewo likhi no ighimo ke ikemu aküka, Aghungu Kimthe eno thonhei keu küpülü ghí pesü ighike. Nongu ghenguno ningu ye kíshi nongu gholo xüache keno nongu no ithi ani.

2 Thes. 2:10

Eno pühave niye shi akemiqo pishiqhive nike ghenguno küsakügha laghi kümtsü peitha nani. Panongu ye pühave nani kughengu panongu no kuchou kimiye no xalu nikeu milive ke.

IBRIMI 12:2

eno Jisü amsüu eno aküpülü kupukülai kütsüu shou ningu nhethi süküqümo no juni nolo. Alokiqi pa zülo qhipüatsü keu ghenguno pa ye kros kukujo phitsümo no kutuuluve eno Alhou küká lakhü lo au ajeu küdau iqave ke.

IBRIMI 4:12

Kughengu Alhou tsa ye aküxü eno aküka ani. Puto-puto kihizüta nguno akütsüghau ke, tino angulho ngò aghungu kikime ngò aqǜ-anhüki kikime kutólo ghitha ilo cheni; tino timi mlo lo kümsüpù akeu ngò shinishiqhiyi akeu shou küghathabe cheni.