1 Kor. 1:10 - Sümi Tiqhelimi Bible

¹⁰ Athiküzümi eno achelimiqo, I no ningu Mpeu Jisü Khristo je lono nongu kümtsü pelo nongu no pikeu lo lakhi no lakhi gholo puloküqha tsü eno nongu dolo kijethave keu shimo no amlo eno akükümsü lo kupukülai shi küqhalu penike qhüiniju ani.

BAIBEL (BSI)

¹⁰ Athikuzumiqo niMpeu Jisu Khristo kuka akeu vechewo ino nongu qhuiniju anike, nongu kumtsuno kuptsa kuqhalulo eno nongu gholo kijethakile keu apekevilo; ikemu akukumsulo eno kughathalu keulo aphiphishi kuqhakulu shilo.

Sumi Naga CL (Re-edited) Bible (BSI)

¹⁰ Athiküzümiqo, ni Mpeu Jisü Khristo je lono I no nongu qhüiniju anike nongu kümtsü no pulo küqhalulo, nongu gholo kijethakile kevi, ikemu akükümsü lo eno küghakütha lo küqhakulu shilo.

1 Kor. 1:10 ပူးပေါင်းရင်းမြစ်များ

MATTHEW 9:16

“Khunomu aphì akithé pesü aphimini aqa shou pukhoda puku chemoe, kughengu aphì kithé ye sükütsüve no aphimini aqa hu süxü kitheve cheni.

Mark 2:21

“Khunomu aphì kithé pesü aphimini aqa shou pukhoda puku chemoe. Tishiaye, aphì kithé ye ixüve no aphimini aqa hu süxü kitheve nanie.

Mark 3:24

Akükaphu lakhi lono kijetha keu ipeghive aye akükaphu tipau ye ipove nani.

John 10:19

Jewmi khunoqo atsa hipaqo chilu keno itaghi panongu dolo kijethave.

John 17:23

I no panongu lolo ani eno nono I lolo ani—tishi keu vechewo panoqo pelo qhoi küqhakulu shilu peniye ke. Tishianguno ayeghilomi ye nono I puwu eno nono I kimiye ketoi panongu kimiye kepi ithi nani.

John 7:43

Tishikehu Jisü ghenguno timiqo dolo kijethave.

John 9:16

Phariseemiqo khami no pi, “Timi hipau ye Alhou lau no ighi kemi kumoe, kughengu pa ye Sabbath tsalà ikhilu amoe.” Ikemu kütamiqo no iniju, “Kíshi no axinemi lakhi ye amichipu kümlà hitoi keqo shilu nani kea?” Ikehu panongu dolo kijethave.

Apostolmi 4:32

Küpülümiqo kümtsü amlo eno akükümsü lakhi shie. Khunomu pa no kiu pighi aghí keno tiye paw kepi pükhamoe, ikemu panongu no kiu aghí keno kümtsü pesü aqǘ shi küsaje cheke.

Rommi 1:13

Athiküzümi eno achelimiqo, ni ye nongu pelo hi mtha no ape nishi amoe, tiye I no Jewkumomi kütamiqo gholo shikeu toi nongu gholo ghí ni ye aghungu kümlà pekholu niye ghuthu kutomo nongu lau ighi niye kughuju ke ikemu itehi kutólo I pelo tishilu pe nikeu lono lakhape püani.

Rommi 12:1

Tighenguno athiküzümi eno achelimiqo, Alhou’w kimiyekini vechewo I no nongu qhüiniju ani: nongu phimpi pesü aküxü no mülá keu kümlagho shi akimthe eno Alhou pulou lono ikhiphe pe tsülo. Alhou mülá nikeu lo hino kuchou eno achipiu ke.

Rommi 12:16

Lakhi no lakhi sasü kuloniküghüvüi shi xülo. Aqheküza shi kevilo, ikemu chuninei xüche kemiqo sasü kuloji nikeu lo puloniqhiyi shilo. Khilemu nono thowkha ithi akeu shi kevilo.

Rommi 15:30

Athiküzümi eno achelimiqo, ningu Mpeu Jisü Khristo eno Aghunguw kikimiye vechewo I no nongu lau hi qhüiniju ani: I gholo kutubo ghi Alhou vilo I ghenguno tamo no inikhu tsü alo.

Rommi 16:17

Athiküzümi eno achelimiqo, timi khunoqo no kijetha keu süghi cheni eno nongu pelo axiné lo ilove peniye shi cheni keno tipaqo jukuto penike I no nongu qhüiniju ani. Panongu ye nongu no akükütsü ithiluve keu lono bidelau kütsü cheni ke. Panoqo lau no putosü alo.

1 Kor. 1:11

I thiküzümi eno I chelimiqo, nongu dolo kütsala kilé ani kepi Chloe kibolomi dolo khami no I vilo kütüghüvae.

1 Kor. 11:18

Atüghishi, I no chilu keu no kughou nongu no kümtsa kuho niye ighini keno nongu dolo kijetha keu acheni ipi ani, eno tiye kuchou shi aghí nani kepi I no pülü ani.

1 Kor. 12:25

tishi keu vechewo aphimpi lo kijetha keu ipeghipemo püzü aphimpi lo aphi-auqo kümtsü pelo lakhi no lakhi ghenguno alokümsü ape niye ke.

1 Kor. 3:3

Nongu ye itehimu ayeghilomi küxü qhemi lo aphike. Kughengu itehi kutólo nongu dolo anhekushu eno kütsala keu aphike, nongu ye ayeghilomi küxü ghola lo xü aphike kumo keshea?

1 Kor. 4:16

Tighenguno I toi shipe nike I no nongu hakite ani.

2 Kor. 10:1

Khristo kümtsha küghüvü vechewo ni Paul khuu nongu gholo agi kinheqhi no kusholu kelo kujo-kighiyi cheni kemu kughou putosüveni keno amlo kumto shi chekeu hu no nongu qhüiniju ani.

2 Kor. 13:11

Ashekha shi, athiküzümi eno achelimiqo, alovishelo! Thowkha kümtsü achipi shini ke pükapütsalo, lakhi no lakhi shikumtolo, akükümsü lakhi shilo, külakishi lono xülo. Tishiaye Alhou’w kikimiye ngò aloino keu no nongu gholo anani.

2 Kor. 13:9

Kugho-kughomu ningu no miqemilei akelo nongu kumto ghenguno ningu ye alokivishi cheni; eno ningu ye nongu pelo thowkha kuchopu kupukulu shiluve penike akighini shi acheni.

2 Kor. 5:20

Tighenguno ningu ye Khristo’w lashikamiqo ke. Alhou no ningu vechewo pa ampi no nongu qhüiniju akeu kumlho ke. Ningu no Khristo züqhu shi nongu qhüiniju ani: Alhou lau külashiluve lo.

2 Kor. 6:1

Ningu kümtsa Alhou kümlà shi ani kehu ningu no nongu qhüiniju akeu ye Alhou’w küpükini ithulu keu adou shitsü kevilo.

Galatiami 4:12

Athiküzümi eno achelimiqo, I no nongu qhüiniju ani, I toi shivelo, kughengu ni ghí nongu toi shive ke. Nongu ye I lau achipikumo kiumu shimoe.

FILIPIAMI 1:27

Kiu-kiu shive namu, nongu likhi nongu pesü Khristo tsakiviu lo kiu aküzüpu keno tipau shilo. Tishianguno I no ighino nongu sasü kusholu na, I küküha lo nongu no kíshi ani keno tipau ghili likhi chilu namu, nongu no amlo lakhi shi no puthugho akeu, eno atsakiviu küpülü ghenguno akükümsü lakhi shi no pükapütsa akeu I pelo chilu pelo.

FILIPIAMI 3:16

Tishiaghi namu ningu ye ningu no kiu ithuluva keno tipau qhemi xüni nolo.

1 Thes. 5:13

Panongu kümlà ghenguno kikimiye lono qhoqhü ghi akiqheu-a lo panongu qhilo. Külakishi lono lakhi no lakhi sasü xülo.

2 Thes. 2:1

Athiküzümi eno achelimiqo, ningu Mpeu Jisü Khristo ighi nikeu eno ningu no pa gholo kuhokumqo nikeu vehu lo ningu no nongu qhüiniju akeu ye

1 Tim. 5:21

Alhou, Khristo Jisü eno kungumi kishè kipheqo zülo no agikuju shimo no shikakütsü hipaqo pape pe nikeu, eno agikuju lono kiumu shipemo nike I no O pichetsü ani.

2 Tim. 4:1

Küxümi eno kithimi shou küghathabe niye akeu Lhou eno Khristo Jisü khuu ipeghi niye ani eno pa kükaphu ghenguno I no hipau O pichetsü ani:

1 Peter 2:11

Kimiye chekemi shompamiqo, inami eno hapheve kemiqo kehu, ni ye nongu pelo axiné kümlà shinishiqhiyi chekeu, khikhi nongu ngulho sasü aghüshi acheni keno, tipau lau no putosü apenike hakite ani.

1 Peter 5:10

Eno küpükini Lhou khuu no nongu pelo ado kitila imeve kethiu Khristo lono lhokta juküvü küsaje peniye kulù keno, pa no nongu athoputho tsü no nongu pelo akumto shi ithamo no mutotoi ngolu pe nani.