1 Kor. 1:1 - Sümi Tiqhelimi Bible

¹ Alhou pulou lono Khristo Jisü’w apostol lakhi shipe niye kulùve keu Paul, eno ningu thiküzüu Sosthenes lau no,

BAIBEL (BSI)

¹ Alhou pulou vechewo Jisu Khristo wu apostolmi shipenike kuluvekeu Paul, eno ningu thikuzuu Sosthene pamano Korinthia lo Alhou kukuhou akemi lau ye ani.

Sumi Naga CL (Re-edited) Bible (BSI)

¹ Paul, Alhou pulou vecheo Jisü Khristow Apostol shi penike kulu keu, eno ni thiküzüu Sosthenes nikujo no,

1 Kor. 1:1 ပူးပေါင်းရင်းမြစ်များ

Luke 6:13

Kughou inaqhe shive keno pa no pa pape chekemiqo ku eno panongu chighikini kishelu, pa no tipaqo pesü Apostolmiqo ipi kuve tsü:

John 15:16

Nongu no I kishelu ke kumoe, ikemu I no nongu kishelu eno nongu pelo wu no axathi ado kushuwa pithí chekeu pithipe niye süküsü shilu ke eno tishi keu vechewo nongu no I je lono kiu-kiumu khu aye I pù no nongu tsü nani.

John 20:21

Itaghi Jisü no pi, “Aloino keu nongu gholo apeniu! Apù no I puwu ketoi, ni ghí nongu puwu ani.”

Apostolmi 1:15

Tishiwo kushuwa kumo dolo Peter no küpülümiqo (kümtsü küqha kelo panongu aqhe no muku qhemi ake) dolo puthugho

Apostolmi 1:2

tiye Aghungu Kimthe vechewo pa no apostolmi shipe niye kisheluve kemiqo lau mijeve tsü kethiu kungugha lo saikuve keu tsalà tomo ke kutólo ke.

Apostolmi 18:17

Ikelo panongu no synagog lo Jewmi sakipheu Sosthenes tsüqüluve eno küghaki zülo no pa heqhi; ikemu Gallio no tipau lo kitilamu alomsü tsümoe.

Apostolmi 22:21

“Tishi no Ampeu no I vilo, ‘Chevelo; I no aghache lo Jewkumomiqo lau O puwu nani ke,’ ipi.”

Rommi 1:1

Paul, Khristo Jisü qeu lakhi, apostol lakhi shipe niye kulùve keu eno Alhou tsakiviu ghenguno pakütashi qhive keu.

Rommi 1:10

eno itehi ye Alhou pulou shi aghí aye I pelo no nongu lau ighilu kepu shi I ghenguno alaghi khaqhi tsü penike I kighini lo alhokuthu inikhu ani.

Rommi 1:5

Khristo züqhu shi aküpülü vechewo Jewkumomiqo kümtsü ku sasü aghokulu shilu penike ghenguno ningu ye Khristo vechewo küpükini ithulu eno apostolmi shilu pe ke.

1 Kor. 15:9

Kughengu ni ye apostolmiqo dolo ghí anisüu ke eno apostolmi lakhi kepimu kuküzü kumoe, kughengu ni ye Alhou kukuhou pishi-puju cheke.

1 Kor. 3:9

Kughengu ningu ye Alhou kümlà lo mülà küqha akemiqo ke; eno nongu ye Alhou’w aki-alu ke.

2 Kor. 1:1

Alhou pulou vechewo, Khristo Jisü’w apostol Paul eno ningu thiküzüu Timothy lau no, Korinth lo Alhou kukuhou ngò Achaia qhalo Alhou’w akimthemi kümtsü lau yèsü hipau yèlu ani:

2 Kor. 11:5

I likhi ni ye “apostolmi akiqheuqo” nguno ighono aqhokigheu kepi kümsü amoe.

2 Kor. 12:12

Ni ye tsükhoi shi no nongu lau apostolmiw kuchou michiqo gholo amchipu, akichiqhipu eno akümzapu kümlàqo pephe-piye ke.

2 Kor. 8:5

Eno panongu ye ningu no laju akeu vekiye ghi tsüke: Panongu no atüghishi Ampeu lau pano likhi panongu ikhiphe pe tsüke, tisheno Alhou pulou lono ningu lau ghí pano likhi panongu ikhiphe pe tsüke.

Galatiami 1:1

Ni Paul, apostolmi lakhi—timi lau no momu timi vechewo no puwu keu kumoe, ikemu Jisü Khristo khuu Apù Alhou no akithí lono Jisü xüputhu keno, pa no puwu ke—

Ephesiami 1:1

Ni Paul, Alhou pulou vechewo Khristo Jisü’w apostolmi lakhi no, Ephesus lo Alhou’w akimthe timiqo, eno Khristo Jisü lono küpülümiqo lau yèlu ani:

Ephesiami 4:11

Ike Khristo no aghò pesü apostolmi, tungkupumi, tsavipemi, akhemi eno shikükamiqo tsüke,

Kolosiami 1:1

Ni Paul, Alhou pulou vechewo Khristo Jisü’w apostolmi lakhi, eno ningu thiküzüu Timothy no,

1 Tim. 1:1

Paul, ninguw xakulu Lhou eno ninguw lajupu Khristo Jisü zakütsü vechewo Khristo Jisü’w apostol lakhi no,

1 Tim. 2:7

Ni ye Jewkumomiqo lau kuchou eno pükhübekulu kütsü pe nikeu kimiji ghenguno kütüghükütsüu eno apostol lakhi shi süküsü shike—ni ye kuchou tsa pi anike thono mikí amoe—eno ni ye Jewkumomiqow kuchou eno pükhübekulu kükütsüu lakhi ke.

2 Tim. 1:1

Yèsü hipau ye ni Paul, khuu Alhou pulou lono Khristo Jisü’w apostolmi lakhi shilu eno Khristo Jisü lolo aküxü akeu pikiqhi kiqi lono asheshu penike kishelu keno pa no yè ani.