1 John 5:6 - Sümi Tiqhelimi Bible

⁶ Azü eno ajì vechewo ighi keu ye hipau ke—tiye Jisü Khristo ke. Pa ye azü vechewo likhi no ighike kumoe, ikemu azü eno ajì vechewo ighike. Eno Aghungu hu no thopi shi acheni, kughengu Aghungu ye kuchou ke.

BAIBEL (BSI)

⁶ Jisu Khristo ye azu ngo ahji lono ighikeuke, azulo likhino kumoe ikemu azu ngo ahji kini kujo lono ke. Hiye Aghungu no kuchou kepi ashepe shiani, kughengu Aghungu ye kuchouke.

Sumi Naga CL (Re-edited) Bible (BSI)

⁶ Hi ye, Khuu azü eno aji pesü ighi keno—Jisü Khristo huke; azü likhimu kumo ikemu azü eno aji kinikujo ke. Eno Aghungu no kuchou kepi ashepe shitsü, kughengu Aghungu ye kuchou huke.

1 John 5:6 ပူးပေါင်းရင်းမြစ်များ

MATTHEW 26:28

I jì hipau ye puloshoqhi jì ke, eno hiye timi kutomo pelo axiné qhikütsü ithulu peniye peleve keu jì ke.

MATTHEW 3:16

Jisü ye baptiz shive kemtsa, pa ye azü lono khalau ipeghive. Tipa mtsa no kungugha khaqhive, eno Alhou Ghungu no miqhedu lakhi toi pa shou ikughi akeu pa no ithulu.

Mark 14:24

Jisü no panongu vilo pi, “I jì hipau ye puloshoqhi jì ke eno hiye timi kutomo ghenguno peleve keu jì ke.

Luke 22:20

Tipau gholau no aghulhu chuve kethiu pa no ajikhu ikhilu no pi, “Ajikhu hipau ye I jì vechewo puloshoqhi akitheu shiluve keu ke eno hiye nongu ghenguno peleve keu jì ke.

John 14:17

tiye kuchou Ghungu ke. Ayeghiqha ye pa ikhilumo nani, kughengu panongu ye pa ithulu chemo momu pa mtha ke. Ikemu nongu ye pa ithi ani, kughengu pa ye nongu gholo xüani eno nongu lolo ache nani.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 15:26

“Kughou I no Apù lau no puwu keu Shikumtokütsüu—Apù lau no ighi keu kuchou Ghungu—ighini keno pa no I shepe shi nani.

John 16:13

Ikemu kughou kuchou Ghungu no ighini keno, pa no kuchou kümtsü pesü nongu kiche-piye nani. Pa ye pa kutoshi pimo nani; pa ye pa no chilu keu likhi pi nani, eno kiu ighi niye shi aphi keno pa no nongu vilo pitsü nani.

John 3:5

Jisü no khochile, “Kuchou no I no O vilo pìní, azü eno Aghungu lono punú kithemo kelo ye khunomu Alhou kükaphu lo ilo müla nani.

John 4:10

Jisü no li khochile, “Tsalá nono Alhou no tsü keu ghò ithi aghí eno khuu no O vilo azü khu ani keno pa ithi aghí ke aye, no ye pa vilo aküxüpu zü khuni cheke eno pano ti O tsüní cheke.”

John 4:14

ikemu khukhumu I no tsü keu zü ye kemi ye tüghüthi kithemo nani. I no azü panongu tsü keu hu no panongu lolo lhokta küxü zü qò ipeghi anani.”

John 6:55

Kughengu I shi ye kuchou chuqu eno I jì ye yelu kepu kuchou ke.

Apostolmi 8:36

Pama no alà lo kicheghüzü shiche kelo, azü akeu-a lo ighi eno shokou no ishi pi, “Julo, hile azü ani. I no baptiz shini keu lo kiu no lakha kepu ani kea?”

Rommi 3:25

Alhou no Khristo pesü aghakishi kümlagho lakhi shi ikhiphe pesü tsü, tiye pa jì pele keu vechewo—eno tiye aküpülü lono ikhilu peniye ke. Alhou no hipau shikeu ye itodolo pa chipiumikucho pephe-piye niye ke, kughengu paw küsüqhikulu lono timiqo no wove keu lo axiné shive keu aghime tsümove no juzüve tsüke.

Ephesiami 1:7

Ningu ye pa jì vechewo xachilekulupu eno axiné qhitsükulupu ani, tiye Alhou’w küpükini kupukunoi akeu puloküqhalu keu lono

Kolosiami 1:4

kughengu nongu no Khristo Jisü shou aküpülü akeu eno Alhou’w timiqo kümtsü lau nonguw kikimiye akeu ningu no chilu ke—

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

Titus 3:5

pa no ningu xaluve ke, tiye ningu no amikucho kümlà shikeu ghenguno kumoe ikemu paw kimiyekini ghenguno ke. Qhukimthe keu lono punú kithe keu eno Aghungu Kimthe lono shikithe keu vechewo pa no ningu xalu ke,

IBRIMI 10:29

Khuu no apukhu pesü Alhou Nu qodani, khuu no panongu shikimtheve keu puloshoqhi jì pesü mithemo ketoi kihini, eno khuu no küpükini Ghungu thaighani keno, panongu ye aghime kitikhi khijehi alau ithulu nani kepi nongu ye kümsü ani kea?

IBRIMI 12:24

nongu ye Jisü puloshoqhi akitheuw alakipiu eno Abel jì nguno akiviu shi atsa piche keu küzüteve keu jì lau ighivae.

IBRIMI 13:20

Itehi ye alokughuno tsü chekeu Lhou, ambeqo Kheu akijeu, khuu lhokta puloshoqhi jì vechewo akithí lono Jisü xüchile saighi keno,

IBRIMI 9:14

Tishiaye Khristo jì khikhi lhokta Ghungu vechewo tukutiye kühamithe no pa likhi pa pesü Alhou mülá keu ye khikuto lo ningu pelo xü akeu Lhou qe penike ghenguno ningu pelo akithí lo sawuve chekeu lau no ningu lolo kighithiqo shikimthe tsülu nani kea!

IBRIMI 9:7

Ikemu achebo alou ye achinetomiqo shou atou likhi no ilo cheni, eno ti ghí ampe lo ghuthu lakhi likhi ilo cheni, eno pa likhi pa ghenguno ngò timiqo no panongu kümtha ghenguno axiné shive keqo ghenguno Alhou mülá nikeu jì pemo kelo ye khilemu ilo chemoe.

1 Peter 1:2

Apù Alhou lokütsü vechewo kisheluve kemiqo, Aghunguw shikimthe keu kümlà vechewo Jisü Khristo gholu peniye eno pa jì no küzüteve kemiqo: Küpükini eno aloino keu no kupukuno shi nonguw shilu peniu.

1 Peter 3:21

eno azü hipau ye baptiz khikhi itehi nongu xalu ani keno tipau michi ke—tiye nongu phimpi lo axiné akeu shikimtheve keu kumoe ikemu Alhou lau mütsümishei keu alolo kighithi aní keu shoqhi ke. Hino Jisü Khristo’w xüleputhu vechewo nongu xalu cheni ke,

1 John 1:7

Ikemu pa no aküvü lo akeu toi, ningu no aküvü lo xü aye, ningu ye lakhi no lakhi sasü kuposhu ani, eno pa Nu Jisü jì no axiné kümtsü lono ningu shikimthe tsü acheni.

1 John 4:10

Kikimiye ye hipau ke: ningu no Alhou kimiye ke kumoe, ikemu pa no ningu kimiye eno ningu xinéqo ghenguno aghakishiu shi pa Nu puwu ke.

Piyeküsü 5:9

Eno panongu no ishi ale kithé lakhi phe: “No ye liküküzü kaku ikhilu küzüpu ke eno tipau mekhapüa keu khaqhi küzüpu ke. kughengu no ye ghiqhive ke, eno shiaye jeli, atsa jeli piche kemi, timi amqo eno shiye jeli pelo Alhou’w timi shilu penike ghenguno O jì pesü qhüluve ke.

Piyeküsü 7:14

I no ishi khochile, “Akijeu, nono ithi anie.” Ikelo pa no pi, “Timi hipaqo ye aghime kitikhi kijè hechesü ipeghi kemiqo ke; panongu ye panonguw chijeboboi-phiqo ishivae eno Ambeti jì lono miyetsüghoi kughulhovae.