1 John 5:20 - Sümi Tiqhelimi Bible

²⁰ Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

BAIBEL (BSI)

²⁰ Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.

Sumi Naga CL (Re-edited) Bible (BSI)

²⁰ Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

1 John 5:20 ပူးပေါင်းရင်းမြစ်များ

MATTHEW 13:11

Pa no khochile, “Kughengu kungugha kükaphuw tuqhou kighithi ye nongu tsüvae, ikemu panongu ye tsü püamoe.

Luke 21:15

Kughengu I no nongu ghümi pelo khochile mülave momu nongu no pikeu lo puthugho mülave pe kepu shi atsa eno alokütsü pesü nongu tsü nani ke.

Luke 24:45

Tisheno pa no panoqo pelo Kuchoyesü ithikuthulu penike panongu kükümsü khaqhi tsü.

John 1:18

Khunomu Alhou ithumla aphie, ikemu Apù ye Anu lakhi likhi akeu lau pa pephe-piyevae, Anu ye Alhou ke eno pa ye Apù sasü kupunukhoi kütshükime pe acheni.

John 10:30

Ni eno I pù ye lakhi ke.”

John 14:20

Tipau tsalà lo nongu no ni ye I pù lolo ani, eno nongu ye I lolo ani eno ni ye nongu lolo ani kepi vethalu nani.

John 14:23

Jisü no khochile, “I kimiye chekemiqo ye I kükütsü ikhilu nani. I pù no panoqo kimiye nani, eno I pù ikujo no panongu lau ighino panoqo gholo ngo nani.

John 14:6

Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 14:9

Jisü no khochile, “Philip, I no nongu gholo ado kushuwa ngo ighive kethiu ghí no ye ni mtha keshea? Khukhumu ni ithuluve keu ye Apù ithuluvae. No ye kíshi püzü, ‘Apù hu ningu pìyelo,’ ipi ani kea?

John 15:4

I gholo kimepe achelo kughengu ni ghí nongu gholo kimepe anike. Aloka ye pa likhi pa kutoshi athi pithílu chemoe; tiye atsaibo gholo kimepe aghí moayesa ke. Titoi nongu ghí I gholo kimepemo ke thaqhülo ye athi pithí mülae.

John 17:14

I no O tsa pesü panongu tsüvae eno ayeghilomi no panongu mithi ke, kughengu I no ayeghi laumi kumo ketoi panongu ghí ayeghi laumi kumovae.

John 17:25

“Achipi shi chekeu Apùo, ayeghilomi no O mtha aghí namu, I no no ithi ani, eno panongu ye nono I puwu kepi ithi anie.

John 17:3

Lhokta küxü ye hike: no kuchou Alhou ithi nikeu eno nono puwu keu Jisü Khristo ithi nikeu ke.

John 20:28

Thomas no pa vilo pi, “I Mpeu eno I Lhou!”

John 8:42

Jisü no panongu vilo pi, “Tsalá Alhou no nongu papù shi aghí aye nongu ye I kimiyeni cheke, kughengu ni ye Alhou lau no hilehi ighike. Ni ye I likhi I kutoshi ighimoe; Alhou no I puwu ke.

Apostolmi 20:28

Nongu likhi nongu jukuto lo eno Aghungu Kimthe no nongu pelo jukükütsüu shipe nike qhipüa kemiqo kümtsü jukuto lo. Alhou’w akukuhou khemiqo shilo, tiye pa likhi pa jì no qhüpe püani ke.

Rommi 9:5

Abraham, Isaac, eno Jacob noqo ye panongu pù-asüqo ke, eno timi lhoaye kiqi lo phuwoju kelo Khristo ghí panongu lau no ighi kemi ke. Eno Khristo ye kümtsü shou Alhou eno pülhapuju lo sheqhe küzü ke! Amen.

1 Kor. 1:30

Alhou ghenguno nongu ye Jisü Khristo gholo anike, eno Khristo Jisü vechewo Alhou lau no ighi keu lokütsü ningu tsüke—tiye ninguw achipiumikucho, akimthe eno xachilekulu ke.

2 Kor. 4:6

Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

2 Kor. 5:17

Tighenguno, timi khukhumu Khristo gholo xükimeluve aye pa ye lhoxü kithé shiluvae: Aqau ye wovae eno akitheu ighivae!

Ephesiami 3:18

eno Ampeu’w akimthemiqo gholo aqó shi Khristo’w kikimiye ye kiutoi kijè, kushuwa, qhemghai eno thonhei keno ithilu kepu küká aluve peniye ke,

FILIPIAMI 3:9

eno pa gholo küqhaluve niye ke. Ayeza papelu keu vechewo I likhi I chipiumikucho shilu keu kumo kemu Khristo shou pülülu keu lono achipiumikucho akeu hu ke—achipiumikucho tiye aküpülü vechewo Alhou lau no ighi cheni.

1 Tim. 3:16

Mütsüqhei no Alhou’w tuqhou khipau vechewo ningu küpülü qò ipeghi cheni keno tiye hike: Khristo ye timi shì shi no ighi, Aghungu no pa saphu, kungumiqo no pa ithulu, shiyeqo gholo pa shepe shi, ayeghiqha no pa pülü wove, ajuküvü lono saikuve.

Titus 2:13

Ningu no kükümgha lajupu khe akelo—Ni Lhou akughushuu eno Xakuluu Jisü Khristo, ajuküvü lono ipeghi niye akeu,

IBRIMI 1:8

Ikemu Anu vehu lo pa no hitoi pi, “O Alhou, ow aküka lakhü ye alhokupuju eno alhokupuju ghenguno ache nani; amikucho yiküsü no O kükaphu yiküsü shi nani,

1 John 2:23

Khukhumu Anu milive aye pano lolo Apù kühae; khukhumu anu ikhilu aye Apù ghí pano lolo anie.

1 John 2:24

Nongu ghengu ye, nongu no abothu lono kiu chilu keno tipau nongu lolo aní keu jukuto alo. Tishilu aye, nongu ghí Anu eno Apù gholo anani.

1 John 2:6

Khukhumu pa ye Alhou gholo xüani kepi pükha aghí aye Jisü no xü keu toi xü moayesae.

1 John 4:14

Eno ningu no ithulu eno thopi shi achekeu ye Apù no pa Nu pelo ayeghiqha Xakuluu shipe niye puwu ke.

1 John 4:16

Ike tighenguno ningu no ithi no Alhou’w kikimiye ningu ghenguno akeu shou pükhü acheni. Alhou ye kimiyekiniu ke. Khukhumu kikimiye lo xü keu ye Alhou gholo xü cheni, eno Alhou no panongu gholo xü acheni.

1 John 4:2

Nongu no hitoi Alhou Ghungu kimchilu nani: Alhou lau no ighi keu ghungu kümtsü Jisü Khristo ye ashi shi no ighi kepi ikhilu cheni,

1 John 5:1

Jisü ye Khristo kepi pülü chekemi kümtsü Alhou lau no ighi keu nuliqo ke, eno apù kimiye chekemi kümtsü pa nuliqo ghí kimiye acheni.

1 John 5:15

Eno tsalá ningu no kiu-kiumu khu keu pa no chilutsü cheni kepi ningu no ithi aye, ningu ye ningu no pa vilo kiu khu keno tipau ani kepi ithi cheni.

1 John 5:18

Ningu no ithi akeu no khukhumu Alhou nuli shiluve kemi ye axiné shiauve chemoe; Timi khuu no Alhou nuli shiluvea keno tipaqo ye süsho pe qhive cheni, eno küsaküghau hu ye panongu shipüsa müla nani.

1 John 5:5

Ayeghiqha theqhilu chekeu hu ye khuu kea? Khunoqo no Jisü ye Alhou Nu kepi pülü cheni keno tipaqo ke.

Piyeküsü 15:3

eno panongu no Alhou qeu Moses le ngò Ambeti le ishi phea: “Ampeu Alhou Akughushuu, O kümlàqo ye kijè eno akichiqhipu ke. Shiyeqo kükau, O laghiqo ye amikucho eno kuchou ke.

Piyeküsü 19:11

Tile I no kungugha hukikha khaqhipüa keu ithulu eno I zülo khurshi miyetsüghoi keu lakhi ae, tipau küsáu vilo Pükhübekulu eno Kuchou ipi kue. Amikucho pesü pa no küghathabe eno aghüshi ke.

Piyeküsü 3:14

“Laodicea lo akukuhouw kungumi lau yè ani: Atsa hipaqo ye Amen’w ke, pükhübekulu eno thopi kuchou, Alhou no lhoqhipüa keu shou ayekipeu tsa ke.

Piyeküsü 3:7

“Philadelphia lo akukuhouw kungumi lau yè ani: Atsa hipaqo khuu no akimthe eno kuchou eno David’w khayi pesü ani keno pa tsa ke. Pa no kiu khaqhivea keno khunomu khamlae, eno pa no kiu khavea keno khunomu khaqhi mülae.

Piyeküsü 6:10

Panongu no asütsa kuloghi lakhi lono ishi pi, “Akughushu Mpeu, akimthe eno kuchou, no ye kughou no ayeghi lo xü akemiqo shou küghathabe no ningu jì peleve keu mükhü lutsü nani kea?”