1 John 4:6 - Sümi Tiqhelimi Bible

⁶ Ningu ye Alhou lau no ighike, eno khukhumu Alhou ithi kemi ye ningu tsa ini acheni; ikemu khukhumu Alhou lau no ighimo kemi ye ningu tsa ini chemoe. Hitoi ningu ye kuchou Ghungu eno kichileu ghungu kimchilu cheni.

BAIBEL (BSI)

⁶ Ikemu ninguye Alhou laumike. Khunono Alhou ithitoi anikeno nino pikeu ini cheni eno khunono Alhou laumi kumokeno nino pikeu ini chemoe. Kuchou Ghungu eno kichileu ghungu kuma dolo kutuqu akeu hipau lono ninguno ithi cheni.

Sumi Naga CL (Re-edited) Bible (BSI)

⁶ Ikemu ningu ye Alhou laumi ke. Khunono Alhou ithi ani keno ni tsapi initsü cheni; eno khunono Alhou laumi kumo keno ni tsapi initsü chemoe. Hipau lono ningu no Kuchou Ghungu eno kichileu ghungu michilu cheni.

1 John 4:6 ပူးပေါင်းရင်းမြစ်များ

Luke 10:22

“I pù no thowkha kümtsü pesü I pichevetsüae. Apù nguno alau ye khumu Anu mthae, eno Anu nguno alau ye khunomu Apù mthae eno khunoqo lau Anu no Apù pephe-piye nike no tipaqo likhi no ithi cheni.”

John 10:16

Ni ye khaküthabo hilehi küha keu ambe kütauqo anie. Ni ye panongu ghí süghi moayesa ani. Panongu ghí I sütsa ini nani, eno tilehi ye ambe loji lakhi ngò ambe kheu lakhi anani.

John 10:27

iw ambeqo no I sütsa ini cheni; I no panongu ithi ani, eno panongu no I pape cheni.

John 10:3

Khagho kheu no pa ghenguno khagho khaqhi tsü cheni, eno ambe no pa sütsa ini cheni. Pa no ajeku ghí pa mbeqo ku püzü panoqo sasü khalau ipe cheni.

John 13:20

Kuchou no I no nongu vilo pìní, khukhumu I no puwu keu ikhilu keu ye ni ikhilu ani; eno khukhumu ni ikhilu keu ye I puwu akeu ikhilu ani.”

John 14:17

tiye kuchou Ghungu ke. Ayeghiqha ye pa ikhilumo nani, kughengu panongu ye pa ithulu chemo momu pa mtha ke. Ikemu nongu ye pa ithi ani, kughengu pa ye nongu gholo xüani eno nongu lolo ache nani.

John 15:26

“Kughou I no Apù lau no puwu keu Shikumtokütsüu—Apù lau no ighi keu kuchou Ghungu—ighini keno pa no I shepe shi nani.

John 16:13

Ikemu kughou kuchou Ghungu no ighini keno, pa no kuchou kümtsü pesü nongu kiche-piye nani. Pa ye pa kutoshi pimo nani; pa ye pa no chilu keu likhi pi nani, eno kiu ighi niye shi aphi keno pa no nongu vilo pitsü nani.

John 18:37

Pilate no pi, “Tishiaye no ye akükau lakhi keshea?” Jisü no khochile, “Nono ni ye akükau lakhi kepi pi anie. Kuchou lo ye, I punú keu eno ayeghi hipau lo ighi keu kimiji ye kuchou thopi shipe niye ke. Kuchou küdau akemi kümtsü no I tsa chilu cheni.”

John 20:21

Itaghi Jisü no pi, “Aloino keu nongu gholo apeniu! Apù no I puwu ketoi, ni ghí nongu puwu ani.”

John 8:19

Ikelo panongu no pa vilo iniju, “O pù ye khila ani kea?” Jisü no khochile, “Nongu ye ni momu I pù mu ithi amoe. Tsalá nongu no ni ithi aghí ke aye, nongu ye I pù ghí ithini cheke.”

John 8:23

Ikemu Jisü no ishi pikibe, “Nongu ye aqhou lono ke; Ni ye kungu lono ke. Nongu ye hipau yeghi lono ighike; ikemu ni ye hipau yeghi lono ighimoe.

Rommi 1:1

Paul, Khristo Jisü qeu lakhi, apostol lakhi shipe niye kulùve keu eno Alhou tsakiviu ghenguno pakütashi qhive keu.

Rommi 11:8

kughengu Kuchoyesü lo ishi yèpüani: “Alhou no ishí tsalà kutólo izüvülai keu ghungu, ithumla kepu nhethi, eno chimla kepu kìní pe panongu tsüke.”

1 Kor. 14:37

Timi khukhumu pa ye tungkupumi lakhi momu Aghungu no aghò tsüpüani kepi kümsü aghí aye I no nongu lau kiu yè ani keno tiye Ampeu zakütsü kepi panongu pelo ikhilu pelo.

2 Kor. 10:7

Nongu ye ashou kogheküghü ju no küghathabe cheni. Khuala no panongu ye Khristo’w kepi pülükibe shi aye, ningu ghí panongu toi Khristo’w kepi kümsükutoju tsü moayesae.

2 Thes. 1:8

Khunoqo no Alhou mtha eno ningu Mpeu Jisü tsakiviu gholumoni keno Ampeu no panoqo ghimeqhi nani.

1 Tim. 4:1

Ashekha ghuloki lo timi khami ye aküpülü pheve no pishikiqhi ghunguqo eno tüghami no shika keu thimeqo pape wuve nani kepi Alhou Ghungu no mütsümishei pivae.

2 Peter 3:2

Ni ye nongu pelo wove keu lo akimthe tungkupumiqo no atsa pikeqo ngò ningu Mpeu eno Xakuluu no nonguw apostolmiqo vechewo azakütsü tsü keqo kümsüchilelu penishi ani.

1 John 4:1

Kimiye chekemi shompamiqo, aghungu kümtsü pülü kevilo, ikemu aghunguqo hu ye Alhou lau no ighi keu keo mokeno peju lo, kughengu kichileu tungkupumiqo kutomo ayeghiqha lo ipeghivae.

1 John 4:4

Kimiye chekemi anuliqo, nongu ye Alhou lau no ighike eno kichileu tungkupumiqo theqhiluvea ke, kughengu nongu lolo akeu ye ayeghiqha lo küau nguno akijeu ke.

1 John 4:8

Khunoqo no kimiye chemo keno panongu ye Alhou mthae, kughengu Alhou ye kimiyekiniu ke.

1 John 5:19

Ningu ye Alhou nuliqo, eno ayeghiqha kümtsü küsaküghau ghaküsü qholo ani kepi ningu no ithi ani.

Jude 1:17

Ikemu kimiye chekemi shompamiqo, ningu Mpeu Jisü Khristo’w apostolmiqo no azüu no kiu pipüa keno kümsülulo.