1 John 4:4 - Sümi Tiqhelimi Bible

⁴ Kimiye chekemi anuliqo, nongu ye Alhou lau no ighike eno kichileu tungkupumiqo theqhiluvea ke, kughengu nongu lolo akeu ye ayeghiqha lo küau nguno akijeu ke.

BAIBEL (BSI)

⁴ Ikemu itianuliqo, nonguye Alhou laumike eno kichile tungkupmi shou theqhiluvae, kughengu Aghungu khipau nongu lolo anikeno paye ayeghi laumi gholo akeu nguno akijeuke.

Sumi Naga CL (Re-edited) Bible (BSI)

⁴ Atianuliqo, nongu ye Alhou laumi eno kichile tungkupmi theqhi luvae, kughengu nongu lolo Khuu ani keno Pa no ayeghi lo akeu nguno akijeu ke.

1 John 4:4 ပူးပေါင်းရင်းမြစ်များ

John 12:31

Itehi ye ayeghiqha shou küghatha nikeu do shivae; eno itehi ye hipau yeghiqha kükapuu hapheve nani.

John 14:30

Niye nongu vilo kutomo pimae, kughengu ayeghi hipauu kükapuu cheni ke. Pa ye I shou aküka kiumu kühae,

John 16:11

eno küghakütha ghili kimchitsü nani, kughengu itehi ye ayeghi hipauu kükapuu kiléqhive ake.

John 17:23

I no panongu lolo ani eno nono I lolo ani—tishi keu vechewo panoqo pelo qhoi küqhakulu shilu peniye ke. Tishianguno ayeghilomi ye nono I puwu eno nono I kimiye ketoi panongu kimiye kepi ithi nani.

Rommi 8:31

“Tishiaye, ningu ye thime hipaqo lo kiu pi kepu ani kea? Alhou no ni küdau ani aye, khuu no ningu lachile kulupu kea?”

Rommi 8:37

Moe! hi kümtsü lo Khristo khuu ningu kimiye cheni keno pa vechewo ningu ye tokulumiqo nguno akiqheu ke.

1 Kor. 2:12

Ningu no kiu ithuluvea keno tiye ayeghi hipau lo ghungu kumoe, ikemu Alhou lau no ighi keu Ghungu ke, tishi keu vechewo ningu pelo Alhou no kümsá no kiu ningu tsü keno tipau vethalu peniye ke.

1 Kor. 6:13

Nongu no ishi pi cheni, “Achuqupu ghenguno akive eno akive ghenguno achuqupu, ikemu Alhou no küma kinikujo kütsave nani.” Tishimu aphimpi ye kipito xüküpsa shipe nike ghenguno kumoe ikemu Ampeu ghenguno ke, eno Ampeu ye aphimpi ghenguno ke.

2 Kor. 4:4

Hipau tiqheli lhou no pülümo kemiqo kükümsü kighicheve tsüae, tishi keu vechewo panoqo pelo Khristo khuu Alhou jukimihi keno pa juküvü pephe-piye chekeu tsakiviu küvü ithulu pemo niye ke.

2 Kor. 6:16

Alhou’w achineki ngò ajulho lhouqo dolo kiu puloküqha kepu ani kea? Kughengu ningu ye xü akeu Lhou chineki ke. Kughengu Alhou no ishi pivae: “I no panoqo lolo xü nani eno panoqo gholo cheche nani, eno I no panongu Lhou shive nani, eno panongu no iw timi shive nani.”

Ephesiami 2:2

Tiye nongu no kughou hipau yeghi laghiqo ngò amlhü kükaphu yekipe khikhi itehi khunoqo no agholu chemo keno tipaqo gholo mülà akeu ghungu pape chekeu küxü lo xüache keu hu ke.

Ephesiami 3:17

tishi keu lono aküpülü vechewo Khristo pelo nongu mlo lo pa kungo-a shilu peniye ke. Eno I no inikhu akeu ye nongu pelo kikimiye lo aboqha shiluve eno akuhu qüsüluve peniye ke,

Ephesiami 6:10

Ashekha shi hi ithilo: Ampeu kughushu küká lono akumto shi alo.

1 John 2:1

I no kimiye chekemi anuliqo, I no nongu lau hipau yè akeu ye nongu pelo axiné shipemo niye ke. Ikemu tsalá khukhumu axiné shi aye, ningu ye Apù gholo Shikumtokütsüu lakhi ani—tiye Jisü Khristo, Amikuchou Lakhi hu ke.

1 John 2:13

Apùnoqo, I no nongu lau yè akeu ye nongu no abothu lono khuu acheghi keno pa ithi akeu ghenguno ke. Lhothemiqo, I no nongu lau yè akeu ye nongu no küsaküghau theqhiluve keu ghenguno ke.

1 John 3:20

Tsalá ningu mlo no ningu kiléqhi aye, Alhou ye ningu mlo nguno akijeu kepi ningu no ithi cheni, eno pa no kümtsü ithi acheni.

1 John 3:24

Timi khuno no Alhou zakütsüqo pape cheni keno panongu ye Alhou lolo xü acheni eno Alhou no panongu lolo xü acheni. Eno pa ye ningu lolo xüani kepi ningu no hitoi ithi cheni: Ningu ye pa no Aghungu ningu tsü keu vechewo ithi cheni.

1 John 4:13

Ningu no pa lolo xü eno pa no ningu lolo xü akeu ningu no hitoi ithi cheni: Pa no pa Ghungu pesü ningu tsüvae.

1 John 4:16

Ike tighenguno ningu no ithi no Alhou’w kikimiye ningu ghenguno akeu shou pükhü acheni. Alhou ye kimiyekiniu ke. Khukhumu kikimiye lo xü keu ye Alhou gholo xü cheni, eno Alhou no panongu gholo xü acheni.

1 John 4:6

Ningu ye Alhou lau no ighike, eno khukhumu Alhou ithi kemi ye ningu tsa ini acheni; ikemu khukhumu Alhou lau no ighimo kemi ye ningu tsa ini chemoe. Hitoi ningu ye kuchou Ghungu eno kichileu ghungu kimchilu cheni.

1 John 5:19

Ningu ye Alhou nuliqo, eno ayeghiqha kümtsü küsaküghau ghaküsü qholo ani kepi ningu no ithi ani.

1 John 5:4

kughengu Alhou lau no punúve kemi kümtsü ayeghiqha theqhilu cheni. Ningu küpülü vechewo ayeghiqha shou theqhikulu shilu keu ghí tokulu hipau ke.

Piyeküsü 12:11

Panongu no pa shou toluvae tiye Ambeti jì vechewo eno panongu no kuchou shepe tsa pikeu vechewo no ke; panongu ye ighono panongu küxü kimiyemo ke eno panongu ye thive nikeu kutólo msàmo ke.