1 John 3:24 - Sümi Tiqhelimi Bible

²⁴ Timi khuno no Alhou zakütsüqo pape cheni keno panongu ye Alhou lolo xü acheni eno Alhou no panongu lolo xü acheni. Eno pa ye ningu lolo xüani kepi ningu no hitoi ithi cheni: Ningu ye pa no Aghungu ningu tsü keu vechewo ithi cheni.

BAIBEL (BSI)

²⁴ Khunono Alhou zahkutsu pelu nikeno panonguye pa sasu xukimepe acheni. Alhou no pa Ghungu ningu tsukeu lono paye ni sasu xukimepe anikepi ninguno ithi ani.

Sumi Naga CL (Re-edited) Bible (BSI)

²⁴ Khukhumu Alhou zakütsü pape kemi ye Pa lau xükimelu ani, titoi Alhou ghi pa lolo ani, eno hipau lono Pa no tsükeu Ghungu huno ningu sasü xükimepe acheni kepi ningu no ithi ani.

1 John 3:24 ပူးပေါင်းရင်းမြစ်များ

John 10:38

Ikemu tsalá I no tipaqo shi aye nongu no I pülümo namu akümlàqo pülülo, tishianguno nongu no Apù no I lolo akeu eno I no Apù lolo akeu ithi no vethalu nani ke.”

John 14:17

tiye kuchou Ghungu ke. Ayeghiqha ye pa ikhilumo nani, kughengu panongu ye pa ithulu chemo momu pa mtha ke. Ikemu nongu ye pa ithi ani, kughengu pa ye nongu gholo xüani eno nongu lolo ache nani.

John 17:21

Apùo, nono I lolo ake toi eno I no O lolo ake toi, panongu kümtsü pelo lakhi shilu pelo. Panongu ghí nikujo lolo apelo tishianguno ayeghilomi pelo nono I puwu kepi pülülu penike.

1 Kor. 3:16

Nongu likhi nongu ye Alhou’w achineki eno Alhou Ghungu no nongu gholo acheni kepi nongu ye mtha keshea?

1 Kor. 6:19

Nongu phimpi ye Aghungu Kimthe chineki ke, pa ye nongu lolo akeu eno Alhou no nongu tsü keu kepi nongu ye mtha keshea? Nongu ye nolikhi nonguw kumovae;

2 Kor. 6:16

Alhou’w achineki ngò ajulho lhouqo dolo kiu puloküqha kepu ani kea? Kughengu ningu ye xü akeu Lhou chineki ke. Kughengu Alhou no ishi pivae: “I no panoqo lolo xü nani eno panoqo gholo cheche nani, eno I no panongu Lhou shive nani, eno panongu no iw timi shive nani.”

1 Thes. 4:8

Tighenguno, khukhumu hipau shikakütsü milive keu ye timi milive anike kumoe ikemu Alhou khuu no pa Ghungu Kimthe pesü nongu tsü keno pa milive anie.

2 Tim. 1:14

O pichetsü keu toi kuchou vehu khekuto lo. Aghungu Kimtheu khuu ningu lolo acheni keno tipau kukuphu vechewo khekuto lo.

1 John 2:24

Nongu ghengu ye, nongu no abothu lono kiu chilu keno tipau nongu lolo aní keu jukuto alo. Tishilu aye, nongu ghí Anu eno Apù gholo anani.

1 John 2:3

Ningu no pa zakütsüqo pelu aye ningu ye pa ithivea kepi mütsüqheilu anike.

1 John 2:5

Ikemu khukhumu pa tsa ghokulu shi aye, Alhou kimiye chekeu ye kuchou no panongu vechewo shikupuvae. Hitoi shikeu vechewo ningu ye pa lolo ani kepi ithi cheni:

1 John 2:6

Khukhumu pa ye Alhou gholo xüani kepi pükha aghí aye Jisü no xü keu toi xü moayesae.

1 John 3:22

eno ningu no kiu-kiumu khu kelo pa lau no ithulu nani, kughengu ningu no pa zakütsüqo pelu cheni eno kiu no pa pulou keno tishi cheni ke.

1 John 4:7

Kimiye chekemi shompamiqo, ningu lakhi no lakhi kimiye kileni nolo, kughengu kikimiye ye Alhou lau no ighi cheni. Khunoqo no kimiye cheni keno panongu ye Alhou lau no ighike eno Alhou ithi akemi ke.