1 John 3:14 - Sümi Tiqhelimi Bible

¹⁴ Ningu no ithi akeu no ningu ye akithí vechesü aküxü lo ipeghi luvea, kughengu ningu ye lakhi no lakhi kimiye cheni. Khuno no kimiye chemo keno akithí lo achephi ke.

BAIBEL (BSI)

¹⁴ Nino ithi akeuno ninguye akithi hechesu akuxulo ipevae, kughengu nino athikuzumi kimiye achenike. Khunono kimiyekile chemo keno itehi kutolo akithilo achephike.

Sumi Naga CL (Re-edited) Bible (BSI)

¹⁴ Ningu ye akithi hechesü aküxüpu lo ipeghivae pi ithi ani, kughengu ningu no athiküzümi kimiye acheni ke. Khunono kimiye kile chemo keno akithipu lo anie.

1 John 3:14 ပူးပေါင်းရင်းမြစ်များ

MATTHEW 25:40

“Akükau no khochile nani, ‘Kuchou no I no nongu vilo pìní, nongu no I thiküzümi eno I chelimi hipaqo gholo akitilau lau kiu shitsü keno tiye I lau mülà ke.’

Luke 15:24

Kughengu I nu hipau ye thive ke ikemu aküxü ideghivae; pa ye pühave ikemu phuluvae.’ Tisheno panongu ye alokivi ghulhu huthuve.

Luke 15:32

Ikemu ningu ye alokivishi aghulhu shi moayesave ke, kughengu hi O thiküzüu ye thive ikemu aküxü ideghivae; pa ye pühave no phuluvae.’ ”

Luke 7:5

kughengu pa ye ni shiye kimiye cheni eno ningu ghenguno Synagog ki shitsüe.”

John 13:35

Nongu no lakhi no lakhi kimiyekilé aye kümtsü no nongu ye I khopemiqo kepi ithi nanie.”

John 15:12

I zakütsü ye hike: I no nongu kimiye ketoi nongu lakhi no lakhi kimiyekilé lo.

John 15:17

I yeza ye hike: Lakhi no lakhi kimiye lo.

John 5:24

“Kuchou no I no nongu vilo pìní, khukhumu I tsa chilu püzü I puwu keu pülüni keno lhokta küxü ithulu nani eno küghathabemo nani ikemu akithí vechesü aküxü lo ikuvae.

2 Kor. 5:1

Kughengu ningu no ithi akeu no ningu no ayeghi lo ngo chekeu ki shipüsave aye ningu ghenguno Alhou lau no ighi keu ki lakhi anie, tiye kungugha lo lhokta ki lakhi ke eno aki tipau ye timi u no mülà keu kumoe.

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

Ephesiami 1:15

Hi ghenguno, nongu no Ampeu Jisü lau aküpülü akeu eno nongu no Alhou’w timiqo kümtsü kikimiye akeu ghili I no chilu keu lono,

Ephesiami 2:1

Nongu ye nongu hekibide eno nongu xiné lo thive no acheke.

Ephesiami 2:5

pa no ningu no hebideve keu lono thive no ake ghuloki lono Khristo gholo no ningu xüputhu ke—nongu ye küpükini vechewo xaluvae.

Kolosiami 1:4

kughengu nongu no Khristo Jisü shou aküpülü akeu eno Alhou’w timiqo kümtsü lau nonguw kikimiye akeu ningu no chilu ke—

1 Thes. 4:9

Itehi nongu vilo lakhi no lakhi kimiye nikeu vehu lo ningu ye nongu lau yè akepu kiumu kühavae, kughengu nongu lakhi no lakhi kimiye nikeu vehu ye Alhou ampi no nongu kütsüvae.

IBRIMI 13:1

Athiküzümi eno achelimiqo toi lakhi no lakhi kimiyekilé achelo.

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

1 Peter 3:8

Ashekha shi, nongu kümtsü akükümsü lakhi shilo, lokughuno kilé lo, lakhi no lakhi kimiyekilé lo, kimiyeqhiyi lo eno akuchunu shilo.

2 Peter 1:7

eno Alhou sümsa keu gholo lakhi no lakhi lau ivüilai keu; eno lakhi no lakhi lau ivüilai keu gholo kikimiye süküqha lo.

1 John 2:3

Ningu no pa zakütsüqo pelu aye ningu ye pa ithivea kepi mütsüqheilu anike.

1 John 3:23

Eno pa zakütsü ye hipau ke: pa Nu Jisü Khristo je lo pülübe nikeu, eno pa no azah tsüve keu toi lakhi no lakhi kimiye nikeu ke.

1 John 4:12

Timi khuu nomu khilemu Alhou ithumla aphie; ikemu ningu no lakhi no lakhi kimiye aye, Alhou no nilo lo xüani eno paw kikimiye ye ningu vechewo kupukülai shilu anike.

1 John 5:13

Ni ye nongu khunoqo no Alhou Nu je shou pülü cheni keno nongu lau thime hipaqo yè ani, tishianguno nongu pelo nongu ye lhokta küxü ani kepi ithi peniye ke.

1 John 5:2

Ningu ye Alhou nuliqo kimiye cheni kepi ningu no hitoi ithi cheni: tiye Alhou kimiye keu eno pa zakütsüqo papelu keu vechewo no ke.