1 John 2:24 - Sümi Tiqhelimi Bible

²⁴ Nongu ghengu ye, nongu no abothu lono kiu chilu keno tipau nongu lolo aní keu jukuto alo. Tishilu aye, nongu ghí Anu eno Apù gholo anani.

BAIBEL (BSI)

²⁴ Nonguno abothu lono kiu tsape chiluve akeno tipau nongu mlolo qhipua chelo. Nonguno tipau tsape qhipua cheaye nonguye Anu ngo Apu gholo xukimepe ache nani.

Sumi Naga CL (Re-edited) Bible (BSI)

²⁴ Nongu no abothu lono kiu tsape chiluve akeno alhokuthu nongu lolo apelo. Nongu no titoi atsape pesü alolo qhilu aye nonguu ghi Anu ngo Apu lau xükimelu nani.

1 John 2:24 ပူးပေါင်းရင်းမြစ်များ

Luke 1:2

Inahuu thebei shi ithulu kemi eno asütsa pe veküpha kemi no kiu ningu vilo pi keno tipaqo panongu no yeluve.

Luke 9:44

“I no kiu pi niye ani keno tsaqüi inilo: Timi Nu ye ikhiphe pesü timiqo u lo sǘve tsüní cheni.”

John 14:23

Jisü no khochile, “I kimiye chekemiqo ye I kükütsü ikhilu nani. I pù no panoqo kimiye nani, eno I pù ikujo no panongu lau ighino panoqo gholo ngo nani.

John 15:7

Nongu no I gholo kimepe aye eno I tsaqo no nongu lolo aye, nongu no kiu-kiumu pulo keu khulo, eno nongu ghenguno tipau shitsü nani.

John 6:56

Khukhumu I shi chu eno I jì ye keu ye I gholo kimepe ani eno I no panongu lolo ani.

John 8:25

Panongu no ishi iniju, “No ye khuu kea?” Jisü no khochile, “I no abothu lono nongu vilo pi ighike toi,

FILIPIAMI 4:15

Tinguno alau no, nongu Philippiamiqo no ithi akeu toi, atüghi lo nongu no atsakiviu ithilu kelo, kughou I no Macedonia qhive no wuche keno, nongu likhi no thono akukuhou lakhimu I sasü küsaje keu eno ni ikhilu keu shimoe,

Kolosiami 3:16

Nongu no kütsü eno shika kelo nongu kükütsü sütsa lo Khristo tsakiviu pelo nongu gholo kinikülü shi ngolu pelo. Eno alokütsü shi no nongu mlo lo shikimthiqhiyi keu xapusü lakhi no lakhi vilo leshele, akishé le, eno Aghungu lo le vechewo Alhou sheqhelo.

IBRIMI 2:1

Ningu fupe wuve pemo nike ghenguno ningu no kiu chiluvea keno tipau lo ningu ye ighono amlotsüqhiyi moayesae.

IBRIMI 3:14

Kuchou lo ye ningu no atüghi lo pülütoilu keu hu ashekha kutólo ithamo no tsüqüpe aye ningu ye Khristo gholo küsaje niye ighiluvea ke.

1 John 1:3

Ningu ye ningu no kiu ithuluvea eno chiluvea keno tipau pesü nongu lau asheshu acheni, tishianguno nongu ghí ningu gholo kuposhulu peniye ke. Eno ninguw kuposhukulu ye Apù gholo eno pa Nu Jisü Khristo gholo ke.

1 John 1:7

Ikemu pa no aküvü lo akeu toi, ningu no aküvü lo xü aye, ningu ye lakhi no lakhi sasü kuposhu ani, eno pa Nu Jisü jì no axiné kümtsü lono ningu shikimthe tsü acheni.

1 John 2:7

Kimiye chekemi shompamiqo, ni ye nongu lau azakütsü akithé yè anike kumoe ikemu aqau hu ke, tiye khikhi abothu lonomu nongu no ache keno tipau ke. Azakütsü aqau hipau ye nongu no akükütsütsa chiluve keu ke.

1 John 3:24

Timi khuno no Alhou zakütsüqo pape cheni keno panongu ye Alhou lolo xü acheni eno Alhou no panongu lolo xü acheni. Eno pa ye ningu lolo xüani kepi ningu no hitoi ithi cheni: Ningu ye pa no Aghungu ningu tsü keu vechewo ithi cheni.

1 John 4:13

Ningu no pa lolo xü eno pa no ningu lolo xü akeu ningu no hitoi ithi cheni: Pa no pa Ghungu pesü ningu tsüvae.

1 John 4:15

Tsalá khukhumu Jisü ye Alhou Nu kepi ikhilu aye, Alhou no panongu lolo xü cheni eno panongu no Alhou lolo xü acheni.

1 John 4:16

Ike tighenguno ningu no ithi no Alhou’w kikimiye ningu ghenguno akeu shou pükhü acheni. Alhou ye kimiyekiniu ke. Khukhumu kikimiye lo xü keu ye Alhou gholo xü cheni, eno Alhou no panongu gholo xü acheni.

2 John 1:2

kuchou khikhi ningu lolo xü acheni eno alhokuthu ningu gholo anani keno tipau ghenguno:

2 John 1:9

Khukhumu azüu powuve no Khristo kükütsü papemove aye pa lolo Alhou kühae; khukhumu Khristo kükütsü pape aye Apù eno Anu kinikujo acheni.

3 John 1:3

Kughou küpülümi khami no ighino nono kuchou shou pülübelu akeu eno kíshi kuchou lo xüani keno pesü piakeu lo ni ye alokiqi kijè shi ani.

Piyeküsü 3:11

Ni ye itheno cheni. Nono kiu pe ani keno tipau tsüqüpe ngo lo, tishianguno khiu pelomu O kütsükuqho ikhiluve pemo nike.

Piyeküsü 3:3

Tighenguno, nono kiu ithulu eno chilu keno kümsülulo; tipau mutotoi tsüqülulo, eno xaidelo. Ikemu nono ithumo aye, I no küpkami lakhi toi ighi nani, eno I no kiu dolo no O lau ighi nani keno no ye mtha nani.