1 John 2:18 - Sümi Tiqhelimi Bible

¹⁸ Kimiye chekemi anuliqo, hiye ashekhau tüqhüdo ke; eno Khristo lakichilemi chekeu nongu no chiluve keu toi, itehi ghí Khristo lakichilemi kutomo ighivae. Hitoi keu no ashekhau tüqhüdo kepi ningu no ithi nani ke.

BAIBEL (BSI)

¹⁸ Itianuliqo, ashekha tsala kupunuvae. Nongu vilo Khristo Kimthiu ighi nani kepi piche kehu itehiye Khristo Kimthimi kutomo ipeghivae, tighenguno ashekha tsala kupunuvea kepi nino ithie.

Sumi Naga CL (Re-edited) Bible (BSI)

¹⁸ Atianuliqo, hi ye ashekhau tüqhüdo ke, eno kichileu Khristo ighini keu nongu no chiluve akehu itehi ye kichileu Khristo kutomo ipeghivae. Tighenguno hi ye ashekhau tüqhüdo kepi nino vethalu ani.

1 John 2:18 ပူးပေါင်းရင်းမြစ်များ

MATTHEW 24:11

eno kichileu tungkupumiqo kutomo ipeghi nani eno timi kutomo pishiqhi nani.

MATTHEW 24:24

Kughengu kichileu messiahqo ngo kichileu tungkupumiqo no pishiqhi niye ipeghi püzü akümzapu eno amichipu kümlà kijè shi nani, eno tsalá shikulupu shi aye kisheluve kemiqo ghí pishiqhi niye shi nani.

MATTHEW 24:5

Kughengu kutomo no I je lono, ‘Ni ye Messiah ke,’ ipi ighi nani eno kutomo pishiqhi nani.

Mark 13:6

Kutomo no, ‘Ni ye pa ke,’ ipi no I je lono ighi püzü kutomo pishiqhive nani.

John 21:5

Jisü no panongu vilo pi, “Aküsàmiqo, nongu ye akha lakhimu khalu mphi keshea?” “Khalu mphie,” ipi panongu no khochile.

Rommi 13:11

Ningu no itodolo xü akeu tüqhüdo ithi no hi shilo: Nongu ye zü akeu lono idaithughi kepu do hu ighivae, kughengu ninguw xakulu ye püzüu ningu no atüghi lo pülüluve keu nguno alau kupunukhoi kithevae.

Rommi 13:12

Putho wokhaveni chea; atsala ye ipechea. Tighenguno ningu àküzǘ lo kümlàqo qhikhave no aküvü ghünanu puluveni nolo.

IBRIMI 1:2

ikemu hi ashekha tsalaqo lo ye pa ye pa Nu, khuu thime kümtsü mheghi kiyighiu shipe niye pa no süküsü shi, eno khuu vechewo pa no ayeghiqha lhosü keno, pa vechewo ningu pütsa ke.

1 Peter 1:20

Pa ye ayeghiqha pulhosü mphi lono kisheluve ke, ikemu nongu ghenguno ashekhau do hipaqo lono pa pephe-piye ke.

1 Peter 1:5

tiye ashekha ghuloki lo xakulu pephe-piyemo ke kutólo aküpülü vechewo Alhou küká no azüto shipe qhipüa nani.

1 Peter 4:7

Thime kümtsü ashehove nikeu ye kupunúvae. Tighenguno kutokughoi lo eno tsükhütsüvai keu kükümsü xapu ngo lo tishianguno nongu ye akighini shilu peniye ke.

2 Peter 2:1

Ikemu timiqo gholo ghí kichileu tungkupumiqo acheke, tihutoi nongu gholo ghí kichileu kükütsümiqo anani ke. Panongu no tuqhou no achineye hekibide kütsakungo keu kilethi nani, panongu ye panongu xachilelu keu Akughushu Mpeu kutólo milive nani—eno tipau no panongu likhi panongu shou paikhavi kütsakungo keu süghive cheni.

2 Peter 3:3

Kümtsü nguno akhotoshi, ashekha tsalaqo lo jukünatha chekemiqo no jukünatha ghi pano likhi panow küsakügha kükümsüqo pape ghi ighi nani kepi nongu ye ithi moayesae.

1 John 2:22

Khuu no akimikiu kea? Tiye khukhumu Jisü ye Khristo kepi milive akemi ke. Hitoi kemi timi ye Khristo lakichilemi ke—Apù eno Anu milive akemi ke.

1 John 4:1

Kimiye chekemi shompamiqo, aghungu kümtsü pülü kevilo, ikemu aghunguqo hu ye Alhou lau no ighi keu keo mokeno peju lo, kughengu kichileu tungkupumiqo kutomo ayeghiqha lo ipeghivae.

1 John 4:3

ikemu Jisü Khristo ikhilu chemo kemi kümtsü Alhou lau no ighi keu ghungu kumoe. Hipau ye Khristo lachile chekeu ghungu ke, tiye khikhi ighini cheni ipi nongu no chiluvae eno itehi ghí ayeghiqha lo auve ake.

2 John 1:7

Pishikiqhimi kutomo khunoqo no Jisü Khristo ye ashi shi no ighike ipi ikhilu chemo keno panongu ye ayeghiqha lo ipeghiva ke ghenguno ni ye hipau pi anike. Hitoi kemi timi ye pishikiqhimi eno Khristo lakichilemi ke.

Jude 1:18

Panongu no nongu vilo ishi pi, “Ashekha ghuloki lo timi jukünatha chekemi khunoqo no pano likhi panonguw alhou sümo keu kükümsüqo pape cheni keno tipaqo ipeghi nani.”