1 John 2:16 - Sümi Tiqhelimi Bible

¹⁶ Kughengu ayeghiqha lo thime kümtsü—ashi-aji no mine chekeu, anhethi no mine chekeu, eno aküxü qheküza—hipaqo ye Apù lau no ighi chemoe ikemu ayeghiqha lau no ighi cheni.

BAIBEL (BSI)

¹⁶ Kughengu ayeghiqhalo akeu laumi, ti ashiajino mineche keu, anhethino ithukulu mineche keu eno akuxulo pighi aghi keu qhekuza jeli kumtsu Alhou launo ighimoe, ikemu ayeghiqha launo ighike.

Sumi Naga CL (Re-edited) Bible (BSI)

¹⁶ Kughengu ayeghi lo thime akeqo—ashiaji eno anhethi no mine chekeu ngo aküxü lo qheküza—ye Apu launo kumono ayeghiqha launo ighie.

1 John 2:16 ပူးပေါင်းရင်းမြစ်များ

MATTHEW 4:8

Itaghi, tüghami hu no Jisü sasü ighono chuqumghai keu naghuto lakhi lo saiku no ayeghi lo kükaphuqo qhivütsüni akeu kümtsü pa pìye.

MATTHEW 5:28

Ikemu I no nongu vilo pìní keu ye timi khuu no totimi lakhi shou mineqhiyi jupukuni keno pa mlo lono li sasü shupuve keu kipimí shivae.

Luke 4:5

Tüghami hu no pa sasü chuqumghai keu-a lakhi lo saiku no anhekütsükhavi lono ayeghi lo kükaphuqo kümtsü pa pìye.

Rommi 13:14

Tishini ke züqhulo, Ampeu Jisü Khristo pesü nongu ghünanu shi pepuluvelo, eno kíshi no ashi-aji ghapiqi tsüní keno tipaqo ghili kümsü akevilo.

1 Kor. 10:6

Ningu pelo panongu toi küsakügha thimeqo shou ningu mlo bepemo nike ghenguno kiche-kipiye shi ghi thime hipaqo shike.

Galatiami 5:17

Kughengu timi lhoaye no mine keu ye Alhou Ghungu no shipe nishi keu lau no bidelau ke, eno Alhou Ghungu no shipe nishi keqo ye timi lhoaye no mine keu lau no bidelau ke. Küma ye lakhi no lakhi sasü kichighi acheni ke, tishi keu vechewo nongu pelo nongu no kiu shinishi ani keno tipau shilupemo niye ke.

Galatiami 5:24

Khunoqo no Khristo Jisü’w shivea keno panongu ye timi lhoaye gholo ashi no minemighei chekeu eno shinishiqhiyi chekeu kümtsü kros lono yedapithivae.

Ephesiami 2:3

Ningu kümtsü ghuthu lakhi lo ye panongu gholo xüche ke, tiye ningu shi-aji no mine keu ghapiqi ghi eno tipau no shinishi keu ngò tipau kükümsü pape keu vechewo xüache ke.

Titus 2:12

Hipau no ningu pelo akimthe kumo eno ayeghi lo mine chekeu jeliqo vilo “Moe” ipi nikeu shikalu cheni, eno alikhi aghasükulu küxü xü nikeu, amikucho eno hipau tiqheli lo akimthe küxü xü nikeu shika chenie.

Titus 3:3

Ghuthu lakhi ye ningu ghí nikhanigha, agholumo kemi, pishikiqhimi, eno minemighei keu ngò alokughuno jeli no qhasü pe acheke. Ningu ye axeküsü eno anhekushu lo xüche, ningu no kütami jumithi eno kütami no ningu jumithi ishi acheke.

James 3:15

Titoi keu “lokütsü” ye kungugha lono iqighi chemoe ikemu ayeghilow ke, tiye akimthe kumo eno tüghaküsa ghawu lau no ke.

James 4:16

Tihutoi nongu ye nonguw akuchhoma kukughu lo qheza cheni ke. Hitoi keu qheküza kümtsü küsakügha ke.

1 Peter 1:14

Aghokulumi itimi toi shilo, nongu no kümthami küxü lo xüache ke ghuloki lo küsakügha shinishiqhiyi keu nongu lolo achekeu lau puloküqha kevilo.

1 Peter 2:11

Kimiye chekemi shompamiqo, inami eno hapheve kemiqo kehu, ni ye nongu pelo axiné kümlà shinishiqhiyi chekeu, khikhi nongu ngulho sasü aghüshi acheni keno, tipau lau no putosü apenike hakite ani.

2 Peter 2:10

Hiye akhotoshi khunoqo no ashi lo shikuchubeve keu shinishiqhiyi eno thaigha keu kükagha pape cheni keno panongu ghenguno ke. Panongu ye amlo kumto eno akuchhoma ke, panongu ye kungugha lo küamiqo shou pipütha puku nikeu lo msà chemoe;

2 Peter 2:18

Kughengu panongu kichí ye abokümsa ngò aqheküza tsaqo likhi ke eno ashi lakimine kükümsü ghenguno khunoqo no shikipimi küxü lo xüache püzü tipau lono akushukulu pokajosü wucheni keno tipaqo müsü cheni.