1 John 1:8 - Sümi Tiqhelimi Bible

⁸ Tsalá ningu no axiné küha kepi pükha aye, ningu ye nilikhi ningu pishiqhi ani eno kuchou hu ye ningu lolo küha ke.

BAIBEL (BSI)

⁸ Ninguye axine kuha kepi ninguno pi aye nilikhi ni pishiqhi ani eno nilolo kuchou kuhae.

Sumi Naga CL (Re-edited) Bible (BSI)

⁸ Tsala nino ningu ye axine kühae pi aye, ni likhi ninguu pishiqhi auva eno ni lolo kuchou kühae.

1 John 1:8 ပူးပေါင်းရင်းမြစ်များ

John 8:44

Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

Rommi 3:10

Kughengu ishi yèpüani: “Amikuchomi lakhimu kühae, lakhimu kühae;

Rommi 3:23

kughengu timi kümtsü axiné shivae eno Alhou juküvü lau no putosüvae,

1 Kor. 3:18

O likhi O pishiqhi kevilo. Nongu khiuala no hipau tiqheli küxü ghola kiqi lono alokütsümi kepi kümsü aye, no ye alokütsü shilu nike ghenguno “nikhanigha” shive moayesae.

Galatiami 6:3

Khuala no panongu ye kiumu kumomu panongu ye kiuala küghashi kümsü aghí aye, panongu ye panongu likhi panongu pishiqhi anie.

1 Tim. 6:5

eno tamo no akükümsü lhoküsami eno kuchou kühave keqo dolo kighe kilé keu süghi cheni. Eno Alhou sümsaluve aye kinikülü shive cheni ipi panongu no kümsü cheni.

2 Tim. 3:13

eno küsaküghami ngò timi ghili kishimiqo ye alomo keu lono alomokitheuve nani, eno kütami pishiqhive keu likhi kumo no pano likhi pano pishiqhive nani.

James 1:22

Alhou tsa ini keu likhi ini no O likhi O pishiqhi kevilo. Atsa no kiu piani keno tipau shilo.

James 1:26

Khuno no pa likhi pa ye achineye lo amlotsüqhiyi kemi ipi kümsü cheni püzü pa mili ghasülu chemo keno pa likhi pa pishiqhi anie, eno pa chineye ye ameküha ke.

James 3:2

Ningu kümtsü alaghi jeli kutomo lo shipimive cheni. Timi khuno no pano no pikeu lo khilemu shipimi chemo keno pano ye kupukülai kemi ke, pano phimpi kuchopu ghasülü cheni ke.

2 Peter 2:13

Panongu ye panongu no shiküpüsa kümlà shive keu ghenguno shiküpüsa pesü lochile nani. Atsala küvü lono aji kushoki lo ngo keu no panongu lopivilu cheni. Panongu ye aju-aje küsa eno tukutiye akemiqo ke, eno panongu ye nongu gholo aghulhu shi ake lono panonguw pishikiqhi lo alovilu cheni.

1 John 1:10

Tsalá ningu no axiné shichemo kepi pükha aye, ningu ye pa pesü kimkimi lakhi shive tsü ani eno pa tsa ye ningu lolo kühae.

1 John 1:6

Ningu no pa sasü kuposhu cheni ipi pükha aghí namu àküzǘ lo xü aye, ningu ye mikí ani eno kuchou shi xülu chemoe.

1 John 2:4

Khukhumu, “Ni ye pa ithi ani,” ipi no pa no azah tsü keqo shimo aye pa ye akimkimi ke, eno timi tipau lolo kuchou kühae.

1 John 4:20

Khukhumu Alhou kimiye cheni ipi pükha cheni püzü athiküzümi momu achelimi lakhi mithi aye tiye kimkimi lakhi ke. Kughengu khukhumu athiküzümi eno achelimi, khikhi panongu no ithulu cheni keno, kimiyemo kemi ye Alhou khuu panongu no ithulu mphi keno, kimiye mülae.

2 John 1:2

kuchou khikhi ningu lolo xü acheni eno alhokuthu ningu gholo anani keno tipau ghenguno:

3 John 1:3

Kughou küpülümi khami no ighino nono kuchou shou pülübelu akeu eno kíshi kuchou lo xüani keno pesü piakeu lo ni ye alokiqi kijè shi ani.