1 John 1:3 - Sümi Tiqhelimi Bible

³ Ningu ye ningu no kiu ithuluvea eno chiluvea keno tipau pesü nongu lau asheshu acheni, tishianguno nongu ghí ningu gholo kuposhulu peniye ke. Eno ninguw kuposhukulu ye Apù gholo eno pa Nu Jisü Khristo gholo ke.

BAIBEL (BSI)

³ Khipau nino ithulu eno chiluve keu ghili nongu lau pikulha ani, tishianguno nongu pelo nigholo kuposhulu peniyeke. Ninguno Apu ngo paNu Jisu Khristo ishi sasu kuposhulu acheni.

Sumi Naga CL (Re-edited) Bible (BSI)

³ Ningu no khikhi ithulu eno chiluve akeno nongu lau pikülha ani, tishianguno nongu ghi ni gholo kuposhulu peniye ke; kuchou no ningu ye Apu eno Pa Nu Jisü Khristo sasü kuposhu acheni.

1 John 1:3 ပူးပေါင်းရင်းမြစ်များ

John 17:11

Ni ye ayeghi lo ngo ani chemoe, ikemu panongu ye ayeghi lo aphie, eno ni ye O lau chenie. Apù Akimtheu, O je küká vechewo panongu süsho tsülo, aje tiye nono I tsü keu ke, tishianguno nikujo no lakhi shi ake toi panongu ghí lakhi shilu peniye ke.

John 17:21

Apùo, nono I lolo ake toi eno I no O lolo ake toi, panongu kümtsü pelo lakhi shilu pelo. Panongu ghí nikujo lolo apelo tishianguno ayeghilomi pelo nono I puwu kepi pülülu penike.

John 17:25

“Achipi shi chekeu Apùo, ayeghilomi no O mtha aghí namu, I no no ithi ani, eno panongu ye nono I puwu kepi ithi anie.

John 17:3

Lhokta küxü ye hike: no kuchou Alhou ithi nikeu eno nono puwu keu Jisü Khristo ithi nikeu ke.

John 19:35

Tipau ithulu keu timi hu no ashepe tsü, eno pa shepe ye kuchou ke. Pa ye kuchou tsa piani kepi ithi ake, eno nongu ghí pülülu peniye pa no ashepe shike.

Apostolmi 13:32

“Ningu no nongu vilo atsakiviu piani: Alhou no ni pù-asüqo lau kiu piqhipüa akeno

Apostolmi 13:41

“ ‘Julo, nongu timi pipütha chekeqo, akümza alo eno thia lo, kughengu I no nongu tsalaqo lo kiuala khami shi nani, tiye timi khami no nongu vilo pinamu nongu ye khilemu pülümo nani.’ ”

Apostolmi 2:42

Küpülümiqo no pulopiniyi shi apostolmi no kütsü keu pape, kuposhu, asho süpho kijé chu, eno akighini shie.

Apostolmi 20:27

Kughengu ni ye Alhou pulou kümtsü pesü nongu vilo pikülha nikeu lo süchile pe püamoe.

Apostolmi 4:20

Ningu ghengu ye ningu no kiu ithulu eno chilu keno tipau ghili pimo keu shimlae.”

Rommi 15:27

Panongu ye tishini keu lo amlokiqi shike, eno kuchou lo ye panongu ye kumlhomiqo kuphu moayesa kepu shi ake. Kughengu Jewmiqo no aghungu lo kükümgha pesü Jewkumomiqo lau küsaje aghí aye, Jewkumomiqo ghí panonguw ashi lo kükümghaqo pesü Jewmiqo lau küsaje keu ye àküzǘ ke.

1 Kor. 1:30

Alhou ghenguno nongu ye Jisü Khristo gholo anike, eno Khristo Jisü vechewo Alhou lau no ighi keu lokütsü ningu tsüke—tiye ninguw achipiumikucho, akimthe eno xachilekulu ke.

1 Kor. 1:9

Alhou ye pükhübekuluu ke. Pa no pa Nu eno ningu Mpeu Jisü Khristo gholo kuposhu peniye nongu kulù ke.

1 Kor. 15:1

Athiküzümi eno achelimiqo, itehi ni ye nongu lau I no atsakiviu kütsü keu, khikhi nongu no ikhilu eno tipau shou puthugholuva keno, tipau nongu lau pikithe nishi ani.

2 Kor. 13:14

Ampeu Jisü Khristo’w küpükini, Alhou’w kikimiye, eno Aghungu Kimthe kuposhukulu nongu kümtsü gholo apeniu.

Ephesiami 3:6

Alhou’w tuqhou hipau ye atsakiviu vechewo Jewkumomiqo no Jewmiqo gholo aqó shi amheqhi kiyighimi shikeu, aphimpi lakhi lo aqó shi kihiküsümi shikeu, eno Khristo Jisü’w pikiqhi lo aqó shi küsaje keu ke.

FILIPIAMI 1:7

I no nongu kümtsü ghili hipau ghola lono kümsü akeu achipi ke, kughengu nongu ye I mlo lo ani, ike I tsüghape aghina momu atsakiviu süsho eno shikumto aghí namu nongu kümtsü no I gholo Alhou’w küpükini küsaje anike.

FILIPIAMI 2:1

Tighenguno nongu no Khristo gholo küqha pe akeu vechewo kiuala shikumtolu aghí, paw kikimiye vechewo alokughuno kiuala ithulu aghí, Aghungu lono kiuala aqǘ shi küsajelu aghí, kuloniküghüvüi keu eno kimiyeqhiyi keu aghí aye,

FILIPIAMI 3:10

Iyei, ni ye Khristo ithinishi ani, tiye paw xülekuthu küká ithi nikeu eno pa ghime gholo küsaje nikeu, pa kithí ghola lono pa kimihi shiwuve nikeu,

Kolosiami 1:13

Kughengu pa no àküzǘ kükaqha lono ningu xaphelu no pa no kimiye chekeu Nu kükaphu lo ningu sasü ighike,

1 Thes. 1:10

Eno nongu ye Alhou Nu akithí lono xüputhuve keu no kungugha lono ighi niye akeu lo kíshi khe ani keno panongu no ningu vilo pike. Alhou Nu Jisü ye Alhou’w küghakütha chekeu lono ningu xalu keu hu ke.

1 Tim. 6:2

Aqüaxemi khunoqo no pano mpeuqo ghí küpülümi keno, aküpülü lakhi shivea ke ghenguno panongu mpeuqo gihumove kepu kumoe. Tishini ke züqhulo, panongu ye alau akivishi panongu mpemiqo qe moayesae kughengu aqüaxemi mpeuqo ye aküpülü lakhi shive keu vechewo aqüaxemiqo kimiye eno panongu kivipu lo amlo tsü cheni ke. No ye thime hipaqo pesü tamo no kütsü eno shikumto moayesa ke.

IBRIMI 2:12

Pa no pi, “I no O je pe I thiküzümi eno I chelimiqo lau asheshu nani; I no aqo-aho zülo no O shekiqhe le phe nani.”

IBRIMI 3:1

Tighenguno akimthemi athiküzümi eno achelimi khunoqo no kungugha no ku akeu lo küsaje ani keno, eno Jisü khuu ningu no ninguw apostol eno achinetomiqo shou atou kepi ikhilu cheni keno pa shou nongu kükümsü bepe qhilo.

IBRIMI 3:14

Kuchou lo ye ningu no atüghi lo pülütoilu keu hu ashekha kutólo ithamo no tsüqüpe aye ningu ye Khristo gholo küsaje niye ighiluvea ke.

1 Peter 5:1

Nongu gholo kichimiqo lau, I no nongu dolo kichimi lakhi shi eno Khristo ghimeqow thopimi khuu ajuküvü pephe-piye niye shi akeu lo ghí küsaje niye ani keno nongu lau qhüiniju ani:

2 Peter 1:16

Kughengu kughou ningu no ningu Mpeu Jisü Khristo no aküka lono ighi nikeu ghili pesü nongu vilo pi keno ningu ye amqükini shi akukughu shikeu xüghili papemo ke, ikemu ningu ye ningu nhethi no pa kükanguaghaw thopi shikeqo ke.

1 John 1:1

Inahuu abothu lono aküxüpu Tsa khikhi acheghi, ningu no chiluvea, ningu nhethi no ithuluvea, ningu no jupukulu eno khikhi ningu u no buluvea keno hipau vehu lo ningu no asheshu ani.

1 John 1:5

Hiye pa lau no chilu keu kükütsü tsa ke eno nongu lau shuphe ani: Alhou ye aküvü ke; pa lolo ye àküzǘ kitilamu kühae.

1 John 1:7

Ikemu pa no aküvü lo akeu toi, ningu no aküvü lo xü aye, ningu ye lakhi no lakhi sasü kuposhu ani, eno pa Nu Jisü jì no axiné kümtsü lono ningu shikimthe tsü acheni.