Su Ngak Pimbaal 7:3 - Sug Begu Ne Keligenan

³ Miktalu' sud Diwata riin ni Abraham, ‘Beleng muing nasud mu bu' nga gepenan mu kiin bu' peritua se dlugar nek pe'ita'u ri seni'a.’

Su Ngak Pimbaal 7:3 ပူးပေါင်းရင်းမြစ်များ

Hebreo 11:8

Pebiyan sek pektu'u, sek tinelu'an si Abraham ned Diwata neng megawa' ritu sed daan nek pikengelaan arun meritu se dlugar nek sinaad ned Diwata neg begain ri seniin, mikpetuud giin. Bu' migawa' ritu seng nasuren isan nda'en pa mesuunay suk pa'agawaan.

2 Corinto 6:17

Aas miktalu' su Ginu'u, “Kina'enlan belengen niyu ilan bu' pain niyu su gegulingen niyu buwat senilan. Ndi' amu megikap ri seng melemu', bu' duwaten'u amu.

San Lucas 14:33

Seng maa' ra run nek pebiyan,” tinapus ni Jesus, “nda'irun riin seniyu ne gembaal ne ngak tinu'unan'u bu' ndi' niyu belengen su dlaun ned diin seniyu.”

San Mateo 10:37

“Su ngang mekpetail ri se gama'en awas se gina'en ne dlabaw pa ri senaan ndi' mbaya' ne mbaal ne ngak tinu'unan'u. Bu' su ngang mekpetail ri seg bata' nilan ne dlai awas dlibun ne dlabaw pa ri senaan ndi' mbaya' ne mbaal ne ngak tinu'unan'u.

Su Ngak Pimbaal 7:4

Aas migawa' si Abraham ritu se dlugar nek pikengelan ne nga getaw Caldea bu' ritu giin mikengel seg Haran. “Sek pekepatay ne gama'en, pigalin giin ned Diwata se dlugar nek pikengelan niyu nemuun.