Roma 1:7 - Sug Begu Ne Keligenan

⁷ Aas miksulatu ri se dlaunan niyu ned diin seg Roma, nek pinetail ned Diwata bu' tinawag ne mbaal ne nga getawaan. Merawat siya niyu su kepiya bu' kelinaw neg buwat sed Diwata ne Gama' bu' ni Jesus Christ ne Ginu'u ta.

Roma 1:7 ပူးပေါင်းရင်းမြစ်များ

San Mateo 5:16

Seng maa' run rema nek pebiyan, pegbegay amu ne kerelaag ri se dlaun ne getaw arun me'ita' nilan su ngang mekelengas ne ngak pimbaal niyu bu' siya'en nilan su Gama' niyu tu se dlangit.”

San Juan 20:17

Miktalu' si Jesus ri seniin, “Ndi'a pegawid senaan ay nda'u pa mekepuli' ritu se Gama'u. Ma'ad laway mu su ngak pated'u bu' esuyay mu ilan ne mpuli'u na tu se Gama'u bu' Gama' rema niyu, ritu sed Diwatau bu' Diwata rema niyu.”

Su Ngak Pimbaal 15:23

Tinalu' tu sek sulat nek pinawit ri senilan: “Gami, nga gapustulis bu' nga geseg ri sek simbaan keni, mingumusta ri se nga kepeteran ne gena' Judeo riin seg Antiyuk, Syria, bu' Cilicia.

Su Ngak Pimbaal 9:13

Ma'ad miksembag si Ananias, “Ginu'u, mirengeg'u buwat ri se nga getaw metendeng ri se getaw kiin bu' gendun giin kebelu' se ngang mektetu'u ri seni'a seg Jerusalem.

Roma 1:6

Bu' gamu ned diin seg Roma, miruma amu rema ne ginenggat ned Diwata arun mesakup riin ni Jesus Christ.

Roma 5:1

Na, pebiyan sek pektu'u, mibaal ita neng merawat tu sed Diwata. Bu' nemuun, salamat tu se Ginu'u ta ne si Jesus Christ, duun nai kelinaw ta ri sed Diwata.

Roma 5:5

Pedderama keni ndi' mekepalunggaw ri senita. Dlaunen keni mihitabu' tendeng ay sud Diwata migbegay ri senita se Gispiritu Santu, nek pibatiken ri senita su gembagel nek petail ned Diwata.

Roma 8:28

Misuunan ta ne se dlaun ne ngag betang migbaal sud Diwata para se kepiyanan nu ngang mikpetail ri seniin, su ngak pimili'en para se ketuyu'aan.

Roma 8:39

isan sud ditaas se gawanawanan awas sud diyalem neg benwa—nda'irun riin se dlaun neg binaal ned Diwata neng mekepebuwag ri senita buwat sek petail ned Diwata ned diin senita pebiyan riin ni Christ Jesus ne Ginu'u ta.

Roma 9:25

Giin nini sung misulat ri se dlibru ni Hoseas: “Su nga getaw ne gena' naan tuwagen'u na ne ‘nga Getawan'u.’ Su ngang nasud ne nda'u petailay nud diin tuwagen'u na nek ‘Pinetail'u.’

1 Corinto 1:24

Ma'ad se nga getaw nek tinawag ned Diwata, Judeo ilan ma awas gena', minsahi keni metendeng riin ni Christ ne giin su ga'em bu' suk tinawan ned Diwata.

1 Corinto 16:23

Pengumpiyanan amu ni Jesus ne Ginu'u.

Galacia 6:18

Nga kepeteran'u, su kepiya ne Ginu'u ta ne si Jesus Christ mperiin siya se dlaunan niyu. Metuman siya. Daal da ini.

Efeso 1:2

Sud Diwata ne Gama' ta bu' ni Jesus Christ ne Ginu'u ta megbegay siya ri seniyu ne kepiya bu' kelinaw.

Efeso 6:23

Sud Diwata ne Gama' bu' su Ginu'u ne si Jesus Christ megbegay siya ne kelinaw tu se ngang mektetu'u, bu' petail duma sek pektu'u.

Filipos 1:2

Sud Diwata ne Gama' ta bu' su Ginu'u ne si Jesus Christ megbegay siya ri seniyu ne kepiya bu' kelinaw.

Filipos 4:13

Duunik sekeg'u sek pegatubang se dlaun ne kebetang pebiyan se ga'em ni Christ neg binegay ri senaan.

Filipos 4:20

Suk pesiddengeg para ra gaid sed Diwata ta bu' Gama' se genda'i gekteben! Metuman siya.

Filipos 4:23

Su kepiya ne Ginu'u ne si Jesus Christ mperiin siya se dlaunan niyu. Daal da ini.

Colosas 3:12

Nga getawan amu ned Diwata; pinetailen bu' pimili'en amu para se gegulingenen. Aas kina'enlan rayun neng mengmelilelaaten amu, mengmeli'ebangen, mengmelipebeba'en, mengmelimiya'en, bu' mengmelipelugbaken.

Colosas 3:15

Su kelinaw neg binegay ni Christ giin sung megunut ri seniyu ri se ngak pegukum neg baalen niyu; ay pebiyan se kelinaw keni, tinawag amu ned Diwata arun mesalabuuk ri sek sala ne dlawas. Bu' melipesalamaten amu.

1 Tesalonica 1:1

Seniyu ne ngang miktipung ne ngang mektetu'u riin sek simbaan sek Tesalonica, gamu neng misakup riin sed Diwata ne Gama' bu' riin se Ginu'u ne si Jesus Christ. Sulat keni buwat ni Pablo, ni Silas, bu' ni Timoteo. Pegampu' nami neg begayan amu siya ne kepiya bu' kelinaw.

1 Tesalonica 1:4

Nga kepeteran, misuunan nami nek pinetail amu ned Diwata bu' pimili'en arun mbaal neng niin.

1 Tesalonica 4:7

Ay sud Diwata nda' pektawag riin senita arun medleketubu' ita ri sek sala' bu' ndi' arun medleketubu' ita neg bala'an.

1 Tesalonica 5:28

Pengumpiyanan amu siya ni Jesus Christ ne Ginu'u ta. Na, daal da ini.

2 Tesalonica 1:2

Pegampu' nami tu sed Diwata ne Gama' ta bu' tu se Ginu'u ne si Jesus Christ neg begayan amu siya ne kepiya bu' kelinaw.

2 Tesalonica 3:16

Na, su Ginu'u siya mismu ne giin suk teburan se kelinaw ta, kanunay gaid megbegay ri seniyu ne kelinaw se dlaun nek panahun, se kada nek pebiyan. Su Ginu'u meddunut siya ri se dlaun niyu.

2 Tesalonica 3:18

Pegampu'u neng mengumpiya se dlaunan niyu si Jesus Christ ne Ginu'u ta. Na, daal da ini.

1 Timoteo 1:2

Miksulatu ri seni'a Timoteo, sung metuud neg bata'u riin sek pektu'u. Megbegay siya ri seni'a sud Diwata ne Gama' bu' si Christ Jesus ne Ginu'u ta ne kepiya, dlelaat, bu' kelinaw.

1 Timoteo 6:2

Bu' su nga gulipen neng minibeli tu seng mektetu'u ne nga gegalen, kina'enlan pegbesaan nilan su nga gegalen nilan, tendeng ay mektetu'u ilan rema. Tumu' pelengasen pa nilan suk pekpenibeli nilan, tendeng ay sung megbusa' run nini ne ngang mektetu'u rema nek pinetail nilan. Kina'enlan tendu' mu bu' wali mu ngag betang keni.

2 Timoteo 1:2

Miksulatu ri seni'a, gisip pinetail'u neg bata'. Sud Diwata ne Gama' bu' si Christ Jesus ne Ginu'u ta megbegay siya ri seni'a ne kepiya, dlelaat, bu' kelinaw.

2 Timoteo 4:22

Su Ginu'u megunut ri se gispiritu mu. Su kepiya ned Diwata mperiin se dlaunan niyu. Daal da ini.

Tito 1:4

Miksulatu ri seni'a Tito, sung metuud neg bata'u riin sek pekesalabuuk ta ri sek pektu'u. Megampu'u tu sed Diwata ne Gama' bu' riin ni Christ Jesus, sung Menleluwas ta ne mbegayan'a nek pengumpiya bu' kelinaw.

Filemon 1:25

Mbegay siya ri seniyu suk pengumpiya nu Ginu'u ne si Jesus Christ. Daal da ini.

Filemon 1:3

Mbegayan amu siya nek pengumpiya bu' kelinaw neg buwat sed Diwata ne Gama' ta bu' se Ginu'u ta ne si Jesus Christ.

San Santiago 1:1

Seniyu dlaun ne nga getawan ned Diwata neng migbelagbelag ri sek tibuuk neg benwa, Sulat keni buwat ni Santiago, sung minibeli ri sed Diwata bu' se Ginu'u ne si Jesus Christ. Kumusta ri se dlaunan niyu.

1 San Pedro 1:15

Tumu', pedleketubu' amu neg bala'an ri se dlaun neg baalen niyu maa' ned Diwata neng miktawag ri seniyu neg bala'an.

1 San Juan 3:1

Pegena'ena' niyu pikendun ita run gupiya pekpetail ne Gama'! Gembagel gupiya suk pekpetailen ri senita ne iningelanan ita ne nga gembata' ned Diwata, sek pekemetuud, gembata' ita niin. Giin nini su keterengan ne su nga getaw rini seg benwa nda' mekilala ri senita, tendeng ay nda' ilan mekilala ri sed Diwata.

2 San Juan 1:3

Sud Diwata ne Gama' bu' si Jesus Christ, sug Bata' ne Gama', megbegay siya ri senita ne kepiya, dlelaat, bu' kelinaw riin se kemetuuran bu' sek petail.

Pirayag 2:1

“Sulat mu ini para seg anghel ri se dlumpuk ne ngang mektetu'u seg Efeso: “‘Giin nini sung minsahi buwat sek sala neng mikpitang sek pitu ne ngag bituun riin se dlintu ne gemegen bu' sung midlaang ri sek titenga' sek pitu neg bulawan nek pengenturan ne ngak sulu'.

Pirayag 2:12

“Sulat mu ini para seg anghel se dlumpuk ne ngang mektetu'u sek Pergamo: “‘Giin nini sung minsahi buwat seng migawid neng muuteng ne kalis ned duwa'ik tumelairen.

Pirayag 2:18

“Sulat mu ini para seg anghel se dlumpuk ne ngang mektetu'u sek Tiyatira: “‘Giin nini sung minsahi neg Bata' ned Diwata, ne su ngang mataan maa' neng midliga' ne gapuy, su nga geksuren maa' nek pisinaw neg brunsi.

Pirayag 2:29

“Bu' duuni ngak telinga mu, penginengegay mu rayun suk tinalu' ne Gispiritu tu se nga dlumpuk ne ngang mektetu'u!”

Pirayag 2:8

“Sulat mu ini para seg anghel ri sek simbaan seg Ismirna: “‘Giin nini sung minsahi buwat seniin ne giin su guna bu' suk tambinai', sung minatay bu' mitubu' puli'.

Pirayag 22:21

Su dlelaat ni Jesus ne Ginu'u mperiin siya se dlaun ne nga getawan ned Diwata.

Pirayag 3:14

“Sulat mu ini para seg anghel se dlumpuk ne ngang mektetu'u sed Laodicea: “‘Giin nini sung minsahi nek tinalu' seg Amen, su keseligan bu' metuud nek sintigus, ne giin su getaran se dlaun neg binaal ned Diwata.

Pirayag 3:22

“Bu' duuni ngak telinga mu, penginengegay mu rayun suk tinalu' ne Gispiritu tu se nga dlumpuk ne ngang mektetu'u!”

Pirayag 3:7

“Sulat mu ini para seg anghel se dlumpuk ne ngang mektetu'u sek Filadelfia: “‘Giin nini sung minsahi neg buwat seg bala'an bu' metuud. Giin sung migawid se dyabi ni David. Bu' sek pukaanen sud dungawan, nda'iruning meketakep run nini, bu' sek tekepaan nini, nda'iruning mekepuka run nini.