Pirayag 7:10 - Sug Begu Ne Keligenan

¹⁰ Mimbeksay ilan, neng miktalu', “Su keluwasan ta migbuwat sed Diwata ta, neng migingkud riin sek trunu, bu' buwat rema ri seng Nati ne Karniru!”

Pirayag 7:10 ပူးပေါင်းရင်းမြစ်များ

San Lucas 3:6

Bu' me'ita' ne dlaun ne nga getawan suk pedluwas nud Diwata riin se nga getaw!’”

San Juan 1:29

Sek sunud ne gendaw, mi'ita' ni Juan si Jesus neng mikpagaw ri seniin, miktalu' rayun si Juan ri se nga getaw, “Enlengay niyu, giin sung Nati ne Karniru ned Diwata, sung mekpasaylu sek sala' se dlaun ne nga getaw ri seg benwa.

San Juan 1:36

bu' seng mi'ita'en si Jesus neng minayan, miktalu' giin, “Enlengay niyu, kiin na sung Nati ne Karniru ned Diwata!”

San Juan 4:22

Gamu nek taga Samaria miksimba se nda' gaid niyu me'ilala; gami ne ngag Judeo miksimba seng mi'ilala nami tendeng ay suk sala neng medluwas ri se getawan buwat ri sek tribu neg Judeo.

Efeso 2:8

Ay tendeng se kepiya ned Diwata, miluwas amu pebiyan sek pektu'u. Gena' se gegulingen niyu ne ngak pekpenantu, bu' ndi' begay ned Diwata, arun nda'iruning mekepesigarbu metendeng run nini.

Pirayag 12:10

Rayun mirengeg'u sung mesekeg nek talu' ritu se dlangit, laungen, “Nemuun minateng na su keluwasan buwat sed Diwata! Nemuun pi'ita' na ned Diwata su ga'emen gisip Gari'! Nemuun mikpe'ita' na sung Misiyasen se ketengeren! Tendeng ay suk sala neng migindeg riin seng metungenga'an ned Diwata ta bu' miksumbung ri se ngang mektetu'u gendaw bu' gebii linaddu' na buwat se dlangit.

Pirayag 19:1

Dluwat se ngag betang keni, mirengeg'u sung maa' ne gelangal ne gembagel nek panen ne nga getaw ned ditu se dlangit neng miktalu', “Siya'en sud Diwata! Su keluwasan, sud dengeg, bu' su ga'em riin sed Diwata!

Pirayag 21:5

Bu' suk sala neng migingkud tu sek trunu miktalu', “Bu' nemuun baalen'u neg begu su dlaun ne ngag betang!” Bu' miktalu' rema giin, “Sulat mu ini, tendeng ay talu' keni metuud bu' meseligan.”

Pirayag 22:3

Nda'iruni isan sala nek tinuklad ned Diwata neng me'ita sek siyudad ketu. Suk trunu ned Diwata bu' seng Nati ne Karniru ritu sek siyudad, bu' su ngak sesugu'enen minsimba ri seniin.

Pirayag 4:6

Riin rema seng metungenga'an nek trunu, duuning maa' ned dagat neg bildu, metinaw maa' ne kristal. Bu' sek timala' se kada gilid nek trunu, duuni gepaat nek tetubu' ne ngag binaal neng milaup ne ngang mata ri se gatubang bu' ri se dlekud.

Pirayag 5:7

Bu' mikpegaud rayun sung Nati ne Karniru bu' inuwanen su dlinukut ne kesulatan buwat ri se dlintu ne gemeg nung migingkud riin sek trunu.