Pirayag 15:3 - Sug Begu Ne Keligenan

³ bu' minlekanta ilan se kanta ni Moses, suk sesugu'en ned Diwata bu' se kanta neng Nati ne Karniru: “Ginu'u ned Diwata ne dlabi Ge'eman, gendun ketingelaan gaid su ngak pimbaal mu! Gari' se ngang nasud, gendun ketareng bu' ketuud sung ni'a nek pebiyan!

Pirayag 15:3 ပူးပေါင်းရင်းမြစ်များ

San Juan 1:17

Tendeng ay su Kesugu'an binegay pebiyan riin ni Moses; ma'ad su dlelaat bu' su kemetuuran binegay pebiyan riin ni Jesus Christ.

1 Timoteo 1:17

Para se Gari' ne genda'i gekteben, genda'i kemetainen bu' ndi' me'ita', sug buntung ned Diwata. Siya'en'a siya ne nga getaw bu' mektalu' ne ge'eman'a se genda'i gekteben! Metuman siya.

Hebreo 3:5

Si Moses melituuren sek pekpenibeliin ri seg balay ned Diwata bu' mikpemetuud giin metendeng se ngag betang nek telu'en ned Diwata seng mateng ne gendaw.

Pirayag 1:8

“Gaku' su getaran ne dlaunan bu' ketapusan ne dlaunan,” miktalu' su Ginu'u ned Diwata neng Mekegega'em, sud Diwata nemuun, nud diin, bu' sung merini.

Pirayag 11:17

neng miktalu': “Ginu'u neng Mekegega'em ned Diwata, ne giin gusay sung nemuun bu' sung nud diin. Mikpesalamat ami ri seni'a tendeng ay ginamit mu su gembagel mu ne ga'em bu' inetaran mu sung ni'a nek pedlegari'!

Pirayag 14:3

Sung megatus bu' gepaat pulu' bu' paat libu ne nga getaw neng mingindeg riin seng metungenga'an nek trunu duma su gepaat nek tetubu' ne ngag binaal, bu' su nga geseg. Minlekanta ilan neg begu ne kanta ne gilan ra sung mikesuun run nini. Se dlaun ne nga getaw, gilan ra su nga dlinekat.

Pirayag 14:8

Seng migawa' na su guna neg anghel, su keruwa' neg anghel miksunud, laungen, “Migeba' na! Migeba' na gaid sug bentugan neg Babilonia neng mikpiinum se dlaun ne nga getaw seg binu seng melemu'en ne kerega'!”

Pirayag 17:14

Gumubat ilan kuntra seng Nati ne Karniru. Ma'ad daagenen ilan, duma se ngak tinawagen, pimili', bu su ngang melituuren ne ngak sumusunud ay giin su Ginu'u se nga ginu'u bu' Gari' se nga gari'.”

Pirayag 19:16

Ri se dlambungen bu' ri sek paanen misulat su ngalan: “Gari' se nga gari' bu' Ginu'u se nga ginu'u.”

Pirayag 19:2

Metuud bu' metareng su ngak pegukumen! Ay sinilutaan sung mimeledya' ned dengeg neng mikepelemu' ri se nga getaw ri seg benwa pebiyan seg imural nek pekpekighilawasen. Sinilutan giin ned Diwata tendeng ay pimatain su ngak sesugu'en ned Diwata.”

Pirayag 4:8

Su kada nek sala ri senilan pigenemi nga gekpak nilan milaup rema ini ne ngang mata ri sed diyalem bu' sed dibabaw. Gendaw bu' gebii nda' ilan pelali' sek pedlekanta: “Bala'an, Bala'an, Bala'an, su Ginu'u ned Diwata neng mekegega'em, Sung nud diin, sung nemuun, bu' sung merini.”