Pirayag 1:11 - Sug Begu Ne Keligenan

¹¹ miktalu' ini: “Sulat mu landuning me'ita' mu ri se dlibru, bu' pawit mu ini tu se nga dlumpuk ne ngang mektetu'u sek pitu ne ngak siyudad: seg Efeso, seg Ismirna, sek Pergamo, sek Tiyatira, sek Sardis, sek Filadelfia, bu' sed Laodicea.”

Pirayag 1:11 ပူးပေါင်းရင်းမြစ်များ

Su Ngak Pimbaal 16:14

Sala se ngang minginengeg ri senami si Lydia nek taga Tiyatira. Mimeledya' giin ne ngang melaga' nek penepeten nek tinina' neng melagemlagem bu' miksimba rema ri sed Diwata. Na, pi'ena'ena' gupiya nu Ginu'u ri seniin su ngak tinalu' ni Pablo.

Su Ngak Pimbaal 18:24

Na, duunik sala tawan neg Judeo ne iningelanan ne si Apolos nek taga Alejandria neng minateng ritu seg Efeso. Metau giin menuntul bu' metau gupiya ri se Kesulatan.

Su Ngak Pimbaal 20:17

Ritu pa seng Miletus, miksugu' si Pablo tu seg Efeso nek peperituun seniin su nga geseg ri sek simbaan.

1 Corinto 15:32

Midliseru rini seg Efeso, tendeng ay su nga getaw ne kinumuntra ri senaan maa' ne ngang “mekebelu' ne ngang menanap” tendeng ma'aray se nga ketuyu'an ne nga getaw. Landun maing me'uwan'u run bu' ndi' petubu'en puli' su ngang mimatay? Na, laung pa sek pementelu'en, “Maan ita bu' meginum, ay lema' mematay ita.”

1 Corinto 16:8

Ma'ad mekpebilinu reli' rini seg Efeso tampan se gendaw nek Pentecostes.

Efeso 1:1

Seniyu ne nga getawan ned Diwata ri seg Efeso, neng metinumanen ri se ketubu' nilan sek pekesalabuuk duma ni Christ Jesus. Sulat keni buwat ni Pablo, nek pebiyan se keliyag ned Diwata mibaal ne gapustulis ni Christ Jesus.

Colosas 2:1

Ay liyagan'u neng mesuunan niyu neng minantuu gupiya mekterbahu para seniyu bu' para se nga getaw sed Laodicea bu' para se dlaun ne ngad duma ne genda' pa mekilala ri senaan.

1 Timoteo 1:3

Liyagan'u neng mekpebilin'a seg Efeso, maa' se ginandyu'u ri seni'a seng mikpagawu seng Macedonia. Ay duunik santa' tawan neng minendu' nek sayep ne ngak penendu'an, bu' kina'enlan mendu'an mu ilan neng melali.

Pirayag 1:17

Sek pekiita'u ri seniin, mibuksaku rayun ri se geksuren maa' neng minatay, ma'ad dinepenen su dlintu ne gemegen ri senaan bu' miktalu', “Ndi'a mendek! Gaku' su guna bu' suk tambinai'.

Pirayag 1:19

Aas sulat mu su ngag betang neng me'ita' mu neng mihitabu' sek panahun nemuun bu' seng mateng.

Pirayag 1:2

bu' inasuy ni Juan su dlaun neng mi'ita'en. Giin nini suk tinalu'en metendeng seng minsahi neg buwat sed Diwata bu' su kemetuuran nek pirayag ni Jesus Christ.

Pirayag 1:20

Keni sung mi'edlud ne gulugan sek pitu ne ngag bituun neng mi'ita' mu ri se dlintu ne gemeg'u, bu' sek pitu neg bulawan nek pengenturan ne ngak sulu': suk pitu ne ngag bituun giin suk pitu ne ngag anghel sek pitu ne nga dlumpuk ne ngang mektetu'u, bu' suk pitu neg bulawan nek pengenturan ne ngak sulu' giin suk pitu ne nga dlumpuk ne ngang mektetu'u.

Pirayag 1:4

Na, gaku' si Juan, sung mikpawit nek sulat tu sek pitu ne nga dlumpuk ne ngang mektetu'u sek probinsiya neg Asia: Merawat siya niyu su kepiya bu' kelinaw neg buwat sed Diwata, sud Diwata nemuun, nud diin, bu' sung merini, bu' buwat sek pitu ne nga gispiritu ned diin seng metungenga'an nek trunuun,

Pirayag 1:8

“Gaku' su getaran ne dlaunan bu' ketapusan ne dlaunan,” miktalu' su Ginu'u ned Diwata neng Mekegega'em, sud Diwata nemuun, nud diin, bu' sung merini.

Pirayag 10:4

Bu' saanay pa nilan mektuntul, sulaten'u na siya. Ma'ad mirengeg'u suk talu' neng miktalu' buwat se dlangit, “Ndi' mu pesuun suk tinalu' nuk pitu ne nga dlugung; bu' ndi' mu sulatay ini!”

Pirayag 14:13

Mbuus mirengeg'u suk talu' neg buwat se dlangit laungen, “Sulat mu ini: Pedleliyagen su ngang mematay buwat nemuun sek pekpenibeli ri se Ginu'u.” Bu' miksembag su Gispiritu, “Wa'a, metuud gaid. Pedleliyagen ilan sek pekpengulali buwat sek pekpetuges nilan mekterbahu, tendeng ay sug bunga sek pekpenibeli nilan mperiin senilan.”

Pirayag 19:9

Mbuus miktalu' ri senaan sug anghel, “Sulat mu ini: Pedleliyagen su ngak pingenggat ri se kumbira se kasal neng Nati ne Karniru.” Bu' miktalu' pa gaid giin, “Giin nini sung metuud ne ngak talu' ned Diwata.”

Pirayag 2:1

“Sulat mu ini para seg anghel ri se dlumpuk ne ngang mektetu'u seg Efeso: “‘Giin nini sung minsahi buwat sek sala neng mikpitang sek pitu ne ngag bituun riin se dlintu ne gemegen bu' sung midlaang ri sek titenga' sek pitu neg bulawan nek pengenturan ne ngak sulu'.

Pirayag 2:12

“Sulat mu ini para seg anghel se dlumpuk ne ngang mektetu'u sek Pergamo: “‘Giin nini sung minsahi buwat seng migawid neng muuteng ne kalis ned duwa'ik tumelairen.

Pirayag 2:18

“Sulat mu ini para seg anghel se dlumpuk ne ngang mektetu'u sek Tiyatira: “‘Giin nini sung minsahi neg Bata' ned Diwata, ne su ngang mataan maa' neng midliga' ne gapuy, su nga geksuren maa' nek pisinaw neg brunsi.

Pirayag 2:24

“Ma'ad sud duma seniyu sek Tiyatira, nda' peksunud seng melaat nek penendu'an keni. Nda' amu mekesuun sek tinalu' neng ‘melised sebuten ne nga ginedlud ni Satanas.’ Telu'an'u amu ne ndi'u na pepisaan ri seniyu su dlain pa nek pempisaanen.

Pirayag 2:8

“Sulat mu ini para seg anghel ri sek simbaan seg Ismirna: “‘Giin nini sung minsahi buwat seniin ne giin su guna bu' suk tambinai', sung minatay bu' mitubu' puli'.

Pirayag 21:5

Bu' suk sala neng migingkud tu sek trunu miktalu', “Bu' nemuun baalen'u neg begu su dlaun ne ngag betang!” Bu' miktalu' rema giin, “Sulat mu ini, tendeng ay talu' keni metuud bu' meseligan.”

Pirayag 22:10

Bu' miktalu' giin ri senaan, “Ndi' mu edluray su ngak pengatuk ned diin se dlibru keni, tendeng ay suk panahun neng mehitabu' ini megaud na.

Pirayag 22:16

“Gaku', si Jesus, miksugu' seg anghel'u sek pekpesuun se ngag betang keni ri seniyu nga dlumpuk ne ngang mektetu'u. Gaku' su gasal ni David; Gaku' sung mesanag nek pemulaw.”

Pirayag 3:1

“Sulat mu ini para seg anghel se dlumpuk ne ngang mektetu'u sek Sardis: “‘Giin nini sung minsahi nung migawid sek pitu ne nga Gispiritu ned Diwata bu' sek pitu ne ngag bituun. Misuunan'u sug binaal mu. Misuunan'u neng maa'a neng melituuren neng mektetu'u ri senaan, ma'ad sek pekemetuud nda'a na gaid peksunud ri senaan!

Pirayag 3:14

“Sulat mu ini para seg anghel se dlumpuk ne ngang mektetu'u sed Laodicea: “‘Giin nini sung minsahi nek tinalu' seg Amen, su keseligan bu' metuud nek sintigus, ne giin su getaran se dlaun neg binaal ned Diwata.

Pirayag 3:4

Ma'ad duunik santa' tawan riin seniyu sek Sardis ne ngang midleketubu' ne dlimpiyu nek sumusunud ri ni Christ. Meddunut ilan ri senaan neng miksuub se gemputi' nek suub tendeng ay duuni ketenged nilan sek pekseluk run nini.

Pirayag 3:7

“Sulat mu ini para seg anghel se dlumpuk ne ngang mektetu'u sek Filadelfia: “‘Giin nini sung minsahi neg buwat seg bala'an bu' metuud. Giin sung migawid se dyabi ni David. Bu' sek pukaanen sud dungawan, nda'iruning meketakep run nini, bu' sek tekepaan nini, nda'iruning mekepuka run nini.