San Mateo 5:4 - Sug Begu Ne Keligenan

⁴ Pedleliyagen su nga getaw ned diin se kegu'ul, tendeng ay pengemu'en ilan ned Diwata.

San Mateo 5:4 ပူးပေါင်းရင်းမြစ်များ

San Lucas 16:25

Ma'ad sinembag giin ni Abraham, ‘Apung, pegena'ena' mu ne sed ditua pa seg benwa, mirawat mu na sung melengas ne ngag betang, saanay misegaran ni Lazaro su nga keliseran. Ma'ad numuun, pedleliyagen giin rini saanay dya'a riin migantus.

San Lucas 6:21

Pedleliyag amu ne ngang miperii'an numuun, ay pebesugen amu! Pedleliyag amu ne ngang minsegaw numuun; ay mentawa amu ra!

San Lucas 6:25

Mekelelaatlelaat amu, gamu ne ngang mibesug numuun, ay mperii'an amu ra! Mekelelaatlelaat amu, gamu ne ngang mintawa numuun, ay megu'ul amu ra bu' mensegaw!

San Lucas 7:38

bu' migindeg giin ri se dliyu ni Jesus. Megaud ri se geksuren, miksegaw giin bu' mibasa' su nga geksud ni Jesus ri se dluwa'en. Pinunasaan rayun neg buuken su nga dluwa', pigelekaan su nga geksuren ne gilelaan sek pegbasaan ri seniin, bu' binunagaan rema nek pegemut su nga geksuren.

San Lucas 7:50

Bu' miktalu' puli' si Jesus tu se dlibun, “Suk pektu'u mu, giin sung midluwas seni'a; uli'a ned duuni kelinaw.”

San Santiago 1:12

Pedleliyagen su ngang mekpebilin neng metinumanen isan se ngak pengindan, tendeng ay bu' mekegantus ilan se ngak pengindan, mekerawat ilan se ketubu' gisip ganti nek sinaad ned Diwata tu se ngang mikpetail ri seniin.

Pirayag 21:4

Punasaan su dlaun ne nga dluwa' riin se ngang mata nilan. Nda'irun nai kemetain, nda'irun nai kegu'ul awas peksegaw awas kegeel. Ay sud daan ne ngag betang mi'alep na.”