San Mateo 1:2 - Sug Begu Ne Keligenan

^2-6a Buwat ni Abraham tampan ni Gari' David, giin nini su nga dlistaan nu nga gepu'an: Si Abraham, giin su gama' ni Isaac; bu' si Isaac, giin su gama' ni Jacob; bu' si Jacob, giin su gama' ni Judah bu' nu ngak pateren; bu' si Judah mikepengesawa riin ni Tamar bu' duuni ngag bata' nilan ne gilan si Perez bu' si Zera; bu' si Perez, giin su gama' ni Hezron; bu' si Hezron, giin su gama' ni Ram; bu' si Ram, giin su gama' ni Aminadab; bu' si Aminadab, giin su gama' ni Nahason; bu' si Nahason, giin su gama' ni Salmon; bu' si Salmon mikepengesawa riin ni Rahab bu' sug bata' nilan si Boaz; si Boaz, giin su gama' ni Obed bu' su gina'en si Ruth; si Obed, giin su gama' ni Jesse; bu' si Jesse, giin su gama' ni Gari' David.

San Mateo 1:2 ပူးပေါင်းရင်းမြစ်များ

San Mateo 1:1

Giin nini su dlistaan nu nga gepu'an ni Jesus Christ, neg Bata' dlai ni David; bu' si David gasal ni Abraham.

Su Ngak Pimbaal 7:8

Bu' sinugu' ned Diwata si Abraham sek pektuli' se kada neg bata' ne dlai ri sek pamilyaan gisip gilelaan se keligenan. Bu' tinuli' ni Abraham si Isaac se kewalu endaw buwat sek pegegetaun. Bu' giin rema sug binaal ni Isaac riin ni Jacob neg bata'en, bu' si Jacob ritu sek sepulu' bu' ruwa' neg bata'en ne gilan su nga gepu'an ta.”

Hebreo 11:11

Pebiyan rema sek pektu'u mibaal si Abraham ne gama' isan dlegulang na gupiya giin bu' ndi' na mekegbata' si Sarah. Si Abraham miktu'u ne sud Diwata mektuman ri sek saaren.

Hebreo 7:14

Misuunan gupiya ne giin mi'etaw nek sakup sek tribu ni Judah; bu' ketu nek tribu nda' sembayay ni Moses sek pektalu'en metendeng se ngak pari'.

Pirayag 7:5

bu' sepulu' bu' ruwa' libu se kada nek tribu ni: Judah, Reuben, Gad, Aser, Neptali, Manases, Simeon, Levi, Isacar, Zabulon, Jose, bu' Benjamin.