San Mateo 1:1 - Sug Begu Ne Keligenan

¹ Giin nini su dlistaan nu nga gepu'an ni Jesus Christ, neg Bata' dlai ni David; bu' si David gasal ni Abraham.

San Mateo 1:1 ပူးပေါင်းရင်းမြစ်များ

San Mateo 1:18

Na, maa' nini suk pebiyan sek pegegetaw ni Jesus Christ. Si Maria ne gina'en pengesuwaan na ni Jose. Se genda' ilan pa pektipung, mitindawan ni Maria neng migberes giin pebiyan se Gispiritu Santu.

San Mateo 1:2

Buwat ni Abraham tampan ni Gari' David, giin nini su nga dlistaan nu nga gepu'an: Si Abraham, giin su gama' ni Isaac; bu' si Isaac, giin su gama' ni Jacob; bu' si Jacob, giin su gama' ni Judah bu' nu ngak pateren; bu' si Judah mikepengesawa riin ni Tamar bu' duuni ngag bata' nilan ne gilan si Perez bu' si Zera; bu' si Perez, giin su gama' ni Hezron; bu' si Hezron, giin su gama' ni Ram; bu' si Ram, giin su gama' ni Aminadab; bu' si Aminadab, giin su gama' ni Nahason; bu' si Nahason, giin su gama' ni Salmon; bu' si Salmon mikepengesawa riin ni Rahab bu' sug bata' nilan si Boaz; si Boaz, giin su gama' ni Obed bu' su gina'en si Ruth; si Obed, giin su gama' ni Jesse; bu' si Jesse, giin su gama' ni Gari' David.

San Mateo 15:22

Bu' enlengay niyu, duunik sala ne dlibun ritu nek taga Canaan ned ditu na mikengel se dlugar ketu, miritu seniin neng migbeksay, “Sir, Bata' dlai ni David lelaatay mau! Sug bata'u ne dlibun pinulayan bu' migantus gupiya.”

San Mateo 3:16

Tubus mbendyagay si Jesus, kinumawas rayun giin tu sek tubig. Bu' mipuka rayun su dlangit para seniin, bu' mi'ita'en su Gispiritu ned Diwata neng mikpebaba' neng maa' nek selepati bu' minapun ri seniin.

San Mateo 9:27

Mbuus migawa' si Jesus se dlugar ketu, bu' saanain mekpedlaang, duwa' dlai ne ngag buta midlendug ri seniin. “Bata' ne dlai ni David, lelaatay mu ami!” migbeksay ilan.

San Lucas 1:33

Medlegari' giin se gasal ni Jacob ne genda'ik tamanen; suk pedlegeri'aan mekpeddayun se genda'i gekteben.”

San Juan 7:42

Miktalu' su kesulatan ne sung Misiyas megbuwat se gasal ni Gari' David, bu' me'etaw ri seg Bethlehem, su dlugar nek pekengelan ni Gari' David.”

Su Ngak Pimbaal 2:30

Propeta si David bu' misuunaan landunik sinaad ned Diwata ri seniin. Minumpa' sud Diwata ned duunik sala neg buwat ri se gasalen nek sumukli ri sek pedlegari'.

Roma 1:3

Metendeng ini ri seg Bata'en ne si Jesus Christ ne Ginu'u ta: riin sek pekegetaun, mi'etaw giin ri se gesalan ni David;

Roma 4:13

Miksaad sud Diwata riin ni Abraham bu' tu se nga gesalaan neg begain ri senilan sug benwa. Binaalen itu, gena' tendeng ay tinuman ni Abraham su Kesugu'an, ma'ad tendeng ay miktu'u giin bu' dinawat ned Diwata gisip metareng.

Roma 9:5

gesalan ilan nu ngang mibantug ne gepu'an nilan ne ngag Hebreo; bu' si Christ gisip getaw neng misakup ri sek sama nek tribu neg Judeo. Sud Diwata neng midlegeseg ri se dlaunan, siya'en siya se genda'i gekteben! Metuman siya.

Galacia 3:16

Na, binaal ned Diwata su ngak saaren tu ni Abraham bu' se gesalaan. Su kesulatan nda' pektalu', “nga gesalan mu,” neng migulugan neng melaun, bu' ndi' miktalu', “bu' se gesalan mu,” neng migulugan nek sala getaw ra ne giin si Christ.

1 Timoteo 2:5

Ay duunik sala ned Diwata, bu' duunik sala neng miksalabuuk ri sed Diwata bu' se nga getaw, su getaw ne si Christ Jesus,

2 Timoteo 2:8

Peddelendem mu si Jesus Christ ne gesalan ni David. Mitubu' giin puli' buwat se kemetain bu' giin nini sung Melengas ne Gesuyen neg winaliu.

Pirayag 22:16

“Gaku', si Jesus, miksugu' seg anghel'u sek pekpesuun se ngag betang keni ri seniyu nga dlumpuk ne ngang mektetu'u. Gaku' su gasal ni David; Gaku' sung mesanag nek pemulaw.”