San Lucas 9:35 - Sug Begu Ne Keligenan

³⁵ Bu' rayun duunik talu' neg buwat se ginanud, “Keni sug Bata'u nek pinili'u. Penginengegay niyu giin!”

San Lucas 9:35 ပူးပေါင်းရင်းမြစ်များ

San Mateo 12:18

“Giin nini suk sesugu'en'u nek pinili'u, suk sala nek pinetail'u, bu' pidleliyagu run; begay'u su Gispirituu ri seniin, bu' pesuun'u suk pegukum'u tu se nga getaw ri se ngang nasud.

San Mateo 3:17

Rayun, duunik talu' neg buwat se dlangit laung, “Giin nini suk pinetail'u neg Bata'. Pidleliyagu gupiya ri seniin.”

San Marcos 1:11

Bu' duunik talu' neng migbuwat se dlangit, neng miktalu', “Dya'a suk pinetail'u neg Bata'. Pidleliyagu gaid gupiya ri seni'a.”

San Lucas 3:22

rayun tinumena' seniin su Gispiritu Santu maa' ne gawi' nek selepati. Rayun duunik talu' neng mirengeg buwat se dlangit, laungen, “Dya'a suk pinetail'u neg Bata'. Pidleliyagu seni'a.”

San Lucas 9:34

Saanay miktalu' si Pedro, duuni ginanud neng mituwa' bu' mitekleman ilan; bu' minendek gupiya su ngak telu tawan nek tinu'unanen saanay mitekleman ilan ne ginanud.

San Juan 12:28

Gama', pesiddengegay mu su ngalan mu.” Bu' rayun duunik talu' neng migbuwat se dlangit, “Mpesiddengegan'u na su ngalan'u bu' pesiddengegan'u ini puli'.”

San Juan 3:16

Ay pinetail gaid ned Diwata su nga getaw rini seg benwa, aas binegain sug buntung bata'en, arun isan ta' neng mektu'u ri seniin ndi' matay bu' ndi' mekaangken tumu' se ketubu' ne genda'i gekteben.

Hebreo 2:3

Ndi' ita mekeliyaw ri sek silut bu' peseddanen ta su keluwasan ne gimpurtanti gupiya. Su Ginu'u mismu giini guna neng mikpesuun se keluwasan keni bu' gilan neng mikerengeg ri seniin mikpemetuud ri senita ne keni metuud.

Hebreo 3:15

Giin nini suk tinalu' ri se Kesulatan: “Bu' merengeg niyu suk talu' ned Diwata nandaw, ndi' niyu petegasay su nga gena'ena' niyu maa' ne nga gepu'an niyu seng miksupak ilan ri sed Diwata.”

Hebreo 5:9

Bu' pebiyan se ngak pegantus, mihingpit si Jesus, bu' nemuun, mibaal giin nek pegbuwatan se keluwasan ne genda'iruni gekteben se dlaun neng miktuman ri seniin.