San Lucas 8:24 - Sug Begu Ne Keligenan

²⁴ Bu' linawan rayun nu ngak tinu'unan si Jesus bu' tinanud nilan, “Ginu'u! Ginu'u! megaud ita na meleddang!” Bu' migbuwat si Jesus, pimendu'aan su genus bu' su ngang melandes neg baled. Bu' sinumikpa' sung metikteg ne genus bu' su ngang melandes ne ngag baled, bu' linumengen rayun sud danaw.

San Lucas 8:24 ပူးပေါင်းရင်းမြစ်များ

San Mateo 14:30

Ma'ad seng mi'ita'en sung merendes ne genus, minendek giin bu' migatad giin meleddang, “Luwas mau, Ginu'u!” migbeksay giin.

San Mateo 8:25

Linawan nilan si Jesus bu' tinanud nilan giin, neng miktalu', “Ginu'u, luwas mu ami! Mematay ita na!”

San Marcos 4:39

Migbuwat si Jesus bu' pimendu'aan su genus bu' su ngag baled, laungen, “Keneng'a! Lengen'a!” Rayun mikeneng su genus bu' linumengen gupiya sud danaw.

San Lucas 4:35

Ma'ad pimaag ni Jesus sung menulay, “Ndi'a peksasak! Pegawa'a ri se getaw iin!” Diin sek titenga' nilan, linimbag nung melaat ne gispiritu su getaw rayun ginumuwa'. Ma'ad nda'en ra pegeelay su getaw.

San Lucas 4:39

Ineklungan ni Jesus su dlibun bu' sinugu'en megawa' suk panasen, rayun mitelen. Migbuwat giin bu' migilak rayun ri senilan ni Jesus.

San Lucas 5:5

“Ma'ad Ginu'u,” miktalu' si Simon riin ni Jesus, “Se gebii ami na minginsera', ma'ad nda' ami gaid mekelaam. Ma'ad tendeng ay miktalu'a ne ektaken su ngak pukut, ektaken'u ini.”

San Lucas 8:25

Bu' miksaak giin tu se ngak tinu'unanen, “Ta' nema su ngak pektu'u niyu?” Bu' mitingala ilan bu' mi'endekan, “Ta' ma getaw keni? Ali'en pemaagay su nga genus bu' su ngag baled, mikpetuud ma riin seniin!”