San Lucas 23:50 - Sug Begu Ne Keligenan

^50-51 Bu' enlengay niyu, duun ritui getaw neg buwat se dlunsud neg Arimatea, sakup sek probinsiya neg Judea, ngalanen si Jose. Sakup rema giin se Dlabaw ne Gukuman, ma'ad nda' giin peliyag se gukum bu' seg binaal nilan. Mpiya bu' metareng giin ne getaw, bu' migelat giin sek pedlegari' ned Diwata.

San Lucas 23:50 ပူးပေါင်းရင်းမြစ်များ

San Lucas 2:25

Sek panahun ketu duuni getaw ne giningelanan ne si Simeon neng mikengel seg Jerusalem. Metareng giin ne getaw, melindeken riin sed Diwata bu' migelat giin sek pedluwas seg Israel. Bu' su Gispiritu Santu diin seniin bu' gine'eman giin,

Su Ngak Pimbaal 10:2

Rilihiyusu giin ne getaw; giin bu' duma suk pamilyaan miksimba riin sed Diwata. Melauning mi'abangen ri se ngak pupus ne getaw bu' kanunay giin megampu' ri sed Diwata.

Su Ngak Pimbaal 10:22

Miktalu' ilan, “Sinugu' ami rini ni Kapitan Cornelio. Mpiya giin ne getaw bu' miksimba ri sed Diwata bu' pigbesaan giin gupiya se dlaun ne ngag Judeo. Tinelu'an giin sek sala neg anghel ned Diwata sek pegenggat ri seni'a sek pedditu seg balain arun mekepenginengeg giin ri sek talu' mu.”

Su Ngak Pimbaal 11:24

Si Barnabas keni melengas gaid ne getaw. Pige'eman giin ne Gispiritu Santu bu' miktu'u gupiya ri sed Diwata. Tendeng ay migwali giin ri sek Talu' ned Diwata, melaun ritu sung miktu'u ri se Ginu'u.

Su Ngak Pimbaal 13:29

Rayun su dlaun neng misulat riin se Kesulatan metendeng riin seniin mituman na. Bu' seng minatay na si Jesus, inawa' giin ritu se krus bu' binetang riin se dlebengan.