San Lucas 11:2 - Sug Begu Ne Keligenan

² Bu' miktalu' si Jesus ri senilan, “Seng megampu' amu, maa' nini: ‘Gama', Pesiddengegan siya su ngalan mu neg bala'an; Mateng siya suk pedlegari' mu rini.

San Lucas 11:2 ပူးပေါင်းရင်းမြစ်များ

San Mateo 10:32

“Bu' telu'an niyu su dlaun ne nga getaw ne gamu misakup na ri senaan, telu'an'u su Gama'u ritu se dlangit ne gamu misakup na ri senaan.

San Mateo 3:2

miktalu' giin, “Peddiksu' amu bu' teliyuray niyu su ngak sala' niyu tendeng ay megaud na suk pedlegeseg ned Diwata.”

San Mateo 5:16

Seng maa' run rema nek pebiyan, pegbegay amu ne kerelaag ri se dlaun ne getaw arun me'ita' nilan su ngang mekelengas ne ngak pimbaal niyu bu' siya'en nilan su Gama' niyu tu se dlangit.”

San Lucas 11:1

Duunik sala ne gendaw neng migampu' si Jesus tu sek sala ne dlugar. Bu' ali' giin metubus megampu', sala ri se ngak tinu'unaan miktalu', “Ginu'u, si Juan neng Membebendyag miktendu' ri se ngak tinu'unaan sek pegampu'. Aas tendu'ay mu ami rema sek pegampu'.”

Roma 1:7

Aas miksulatu ri se dlaunan niyu ned diin seg Roma, nek pinetail ned Diwata bu' tinawag ne mbaal ne nga getawaan. Merawat siya niyu su kepiya bu' kelinaw neg buwat sed Diwata ne Gama' bu' ni Jesus Christ ne Ginu'u ta.

Roma 8:15

Ay su Gispiritu neg binegay ned Diwata ri seniyu ndi' megbaal ri seniyu ne nga gulipen neng mekepe'endek ri seniyu; tumu', su Gispiritu megbaal ri seniyu ne nga gembata' ned Diwata, bu' pebiyan se ga'em ne Gispiritu meketawag ita “Gama'! Gama'u!”

1 Corinto 1:3

Merawat siya niyu su kepiya bu' kelinaw buwat sed Diwata ne Gama' ta bu' riin se Ginu'u ne si Jesus Christ.

2 Corinto 1:2

Megbegay siya ri seniyu sud Diwata ne Gama' ta bu' su Ginu'u ne si Jesus Christ se kepiya bu' kelinaw.

Galacia 1:4

Arun sek pedluwas ri senita buwat seng melaat nek panahun keni, si Christ mikpiyal ri se gegulingenen para se ngak sala' ta, sumala' se keliyag ned Diwata ta bu' Gama',

Efeso 1:2

Sud Diwata ne Gama' ta bu' ni Jesus Christ ne Ginu'u ta megbegay siya ri seniyu ne kepiya bu' kelinaw.

Filipos 1:2

Sud Diwata ne Gama' ta bu' su Ginu'u ne si Jesus Christ megbegay siya ri seniyu ne kepiya bu' kelinaw.

Filipos 4:20

Suk pesiddengeg para ra gaid sed Diwata ta bu' Gama' se genda'i gekteben! Metuman siya.

1 Tesalonica 1:1

Seniyu ne ngang miktipung ne ngang mektetu'u riin sek simbaan sek Tesalonica, gamu neng misakup riin sed Diwata ne Gama' bu' riin se Ginu'u ne si Jesus Christ. Sulat keni buwat ni Pablo, ni Silas, bu' ni Timoteo. Pegampu' nami neg begayan amu siya ne kepiya bu' kelinaw.

2 Tesalonica 2:16

Na, su Ginu'u ta ne si Jesus Christ mismu bu' sud Diwata ta ne Gama', megulikseg bu' medligen siya riin seniyu sek pegbaal kanunay bu' sek pektalu' neng melengas. Pinetail ita ned Diwata, bu' pebiyan riin sek pekpengumpiya senita, binegayaan ita se genda'iruni gekteben nek pengamu' bu' meligen nek pedderama.

Pirayag 11:15

Mbuus su kepitu neg anghel mikpetalu' sek trumpitaan, bu' duuning mesekeg ne ngak talu' ritu se dlangit, laung, “Su kega'em sek pedlegeseg ri seg benwa nemuun diin na se Ginu'u ta bu' seng Misiyasen, bu' medlegari' giin se genda'i gekteben!”

Pirayag 15:4

Ta' bai gendi' mendek ri seni'a, Ginu'u? Ta' baing medlikeg sek peksaya' ri sek pekege'eman mu? Dya'a ra sug bala'an. Su dlaun ne nga getaw se ngang nasud mekpegaud bu' sumimba ri seni'a, ay mi'ita' ne dlaunan sung metareng mu ne ngak pimbaal.”

Pirayag 19:6

Rayun mirengeg'u sung maa' ne gelangal ne gembagel nek panen ne nga getaw, bu' maa' neng mesekeg ne dlepalas nek tubig ri seg baga, bu' maa' neng mesekeg gupiya ned delalak. Mirengeg'u ilan neng miktalu', “Siya'en sud Diwata! Ay su Ginu'u, neng mekegega'em ned Diwata ta, giini Gari'!

Pirayag 20:4

Rayun mi'ita'u su ngak trunu bu' su ngang mingingkud run nini neg binegayan ne kega'em sek pegukum. Mi'ita'u rema su nga kalag nu nga getaw nek pimatay tendeng sek pegasuy nilan se kemetuuran nek pirayag ni Jesus bu' sek talu' ned Diwata. Nda' ilan peksimba seng menanap awas se dlerawaan. Bu' nda' ilan rema mekerawat se gilelaan seng menanap ri se nga gangas nilan awas se nga gemeg nilan. Mitubu' ilan bu' minlegeseg gisip ne nga gari' duma ni Christ seled sek selibu ne ngak taun.