San Juan 18:17 - Sug Begu Ne Keligenan

¹⁷ Aas miktalu' sud delaga riin ni Pedro, “Gena' ba salaa ma rema se ngak tinu'unan ne getaw kiin?” Miksembag si Pedro, “Gena' lai tumu'!”

San Juan 18:17 ပူးပေါင်းရင်းမြစ်များ

San Mateo 26:33

Miksembag si Pedro tu ni Jesus, “Isan pa su dlaun nilan meleng ri seni'a, ma'ad gaku' ndi' gaid tumu'.”

San Lucas 22:54

Dinaap nilan si Jesus bu' inuwit ritu seg balay ne Dlabaw Geseg nek Pari', saanay midlendug si Pedro, ri seng melayu'.

San Juan 18:16

saanay mibilin si Pedro ritu se gawas megaud se genga'an. Mbuus, suk tinu'unan neng mi'ilala ne Dlabaw Geseg nek Pari' ginumawas puli' bu' migandyu' tu sed delaga neng migbantay ritu se genga'an nek peseleren si Pedro bu' mikeseled si Pedro.

San Juan 18:25

Saanay migindeg pa si Pedro neng mikperendangrendang tu seng megaud ne gapuy, sinaakan giin ne nga getaw, “Gena' ba salaa ma rema se ngak tinu'unan ne getaw kiin?” Midlimed na pelum si Pedro bu' miktalu', “Gena' lai tumu'!”

San Juan 18:5

Miksembag ilan, “Si Jesus nek taga Nazaret.” Miktalu' si Jesus senilan, “Gaku' si Jesus.” Na, si Judas, neng midlu'ib seniin, ditu rema migindeg duma senilan.

San Juan 18:8

Miktalu' si Jesus senilan, “Inesuyan'u amu ne Gaku' si Jesus. Aas bu' gaku' gairik pinengaw niyu, ndi' niyu ilebetayid duma.” (

San Juan 21:15

Peketubus rayun nilan memahaw, miktalu' si Jesus riin ni Simon Pedro, “Simon bata' ni Juan, pinetail mau ba labaw pa ri se ngak sementaun mu keni?” “Wa'a, Ginu'u,” miktalu' giin, “mikesuun'a nek pinetail'u dya'a.” Miktalu' si Jesus ri seniin, “Na, ingat mu su nga getaw neng mikpesakup senaan maa' sek pegingat mu ri se ngang nati ne karniru.”

Su Ngak Pimbaal 12:13

Miksabi si Pedro ri se genga'an tu se gawas, aas ginumawas suk sesugu'en ne si Roda arun enlengan bu' ta' getaw sung minateng.