San Juan 12:46 - Sug Begu Ne Keligenan

⁴⁶ Miriniu seg benwa maa' ned delaag, arun isan ta' neng mektu'u ri senaan ndi' mekpebilin ri seng merelem.

San Juan 12:46 ပူးပေါင်းရင်းမြစ်များ

San Mateo 4:16

Isan su nga getawan niyu mikengel riin se kereleman, mikiita' ilan seng mesanag gupiya ne kerelaag. Isan mikengel ilan ri seng merelem ne dlupa' se kemetain, su kerelaag sumanag riin senilan.”

San Lucas 2:32

sud delaag neng mekpe'ita' se keliyag mu tu se nga gena' Judeo bu' megbegay ned dengeg tu se nga getawan mu nek sakup ni Israel.”

San Juan 1:9

Sung metuud ned delaag merini seg benwa arun su dlaun ne nga getaw merelaagan.

San Juan 3:19

Bu' giin nini suk pegukum: tendeng ay minateng na sud delaag rini seg benwa ma'ad su nga getaw ndi' nilan liyagan su kerelaag tendeng ay melaaten su ngak pimbaal nilan.

San Juan 8:12

Rayun, migasuy puli' si Jesus tu se ngak Pariseo, “Gaku' sud delaag neng megbegay ne kerelaag ri se nga getaw ri seg benwa. Suk sala nek sumunud ri senaan, ndi' gaid medlaang ri seng mereleman ma'ad duuni kerelaag ri se ketubu'en.”

San Juan 9:39

Miktalu' si Jesus, “Miriniu seg benwa arun mengukum arun su ngag buta mekiita' bu' su ngang mekiita' mbaal neg buta.”

San Juan 9:5

Sed diniu pa seg benwa, gaku' sud delaag para ri se nga getawan rini seg benwa.”

Su Ngak Pimbaal 26:18

Dya'a sung mekpe'ita' ri senilan se kemetuuran bu' mekpe'unut ri senilan buwat se kerelem pagaw tu se kerelaag bu' buwat se ga'em ni Satanas pagaw tu se ga'em ned Diwata arun pebiyan ri sek pektu'u nilan ri senaan, mpasaylu su ngak sala' nilan bu' merawat nilan su dlugar nilan duma su getawan ne ngak pimili' ned Diwata.’”

Efeso 5:14

ay isan landunig betang neng miperayag gupiya mbaal ned delaag. Aas tinalu' ini, “Pengmataa na, neng militulugen, bu' pegbuwat'a buwat se ngang mimatay, bu' relaagan'a ni Christ.”