Efeso 4:4 - Sug Begu Ne Keligenan

⁴ Duunik sala ne dlawas bu' sala ne Gispiritu, maa' run rema duunik sala nek pedderama bu' tendeng run nini, tinawag amu ned Diwata.

Efeso 4:4 ပူးပေါင်းရင်းမြစ်များ

San Mateo 28:19

Aas laway niyu su dlaun ne nga getaw ri se dlaun ne ngang nasud bu' baal niyu ilan ne ngak tinu'unan'u. Bendyagay niyu ilan ri se ngalan ne Gama', seg Bata', bu' se Gispiritu Santu,

Su Ngak Pimbaal 15:11

Ma'ad miktu'u ita nek pebiyan se kepiya ne Ginu'u ne si Jesus, meluwas ita maa' rema se nga gena' Judeo.”

Roma 11:29

Ay sud Diwata ndi' gaid megesebeseb su gena'ena'en metendeng bu' ta' suk pimili'en bu' pingumpiyanaan.

1 Corinto 10:17

Tendeng ay duunik salabuuk raik pan isan metuud neng melaun ita, misalabuuk ita tendeng ay migambitay ita ri sek salabuuk nek pan.

1 Corinto 12:20

Ma'ad nemuun, melaun su ngag bahin, ma'ad sala ra gaid su dlawas.

2 Corinto 11:4

Ay pidleliyag amu sek pektugut se isan ta' neng meriin seniyu bu' megwali se dlain neg Jesus, gena' suk sala neg winali nami; bu' dinumawat amu ne dlain ne gispiritu bu' melengas ne gesuyen ne gena' maa' ne Gispiritu Santu bu' Melengas ne Gesuyen neng mirawat na niyu buwat senami!

Efeso 1:18

Inandyu'u ne relaagaan su ngak pengena'ena' niyu, arun mesuunan niyu landunik pedderama sek pektawagen ri seniyu. Bu' arun mesuunan niyu gendun keratu' bu' ketingelaan su ngak pengumpiya nek sinaaren tu se nga getawaan,

Efeso 2:16

Pebiyan se kemetainen ritu se krus, gineba' ni Christ suk pedlekuntraay nilan; pebiyan se krus, pisalabuuken sud duwa' ne ngak tribu ri sek sala ne dlawas bu' inuwiten ilan puli' tu sed Diwata.

Efeso 2:18

Pebiyan ri ni Christ dlaunan ta, ngag Judeo bu' nga gena' Judeo mekegbaal sek pekpegaud pebiyan sek sala ne Gispiritu tu seng metungenga'an ne Gama'.

Efeso 2:22

Riin sek pekesalabuuk niyu ri seniin, binakud amu rema duma se dlaun ne ngang mektetu'u ritu se dlugar nek pikengelan ned Diwata pebiyan ri se Gispirituun.

Efeso 4:1

Aas megandyu'u rayun ri seniyu, miperisuu tendeng sek pekpenibeliu ri se Ginu'u: pedleketubu' amu sumala' sek pektawag ned Diwata ri seniyu.

Efeso 5:30

ay sakup ita ma ri se dlawasen.)

Colosas 1:5

Seng minateng ri seniyu sung metuud neng minsahi, su Gempiya ne Gesuyen, mirengeg niyu suk pedderama neg binegay. Aas, suk pektu'u bu' suk petail niyu misingkal ri sek pidderama niyu, nek tinegana ri seniyu tu se dlangit.

Colosas 3:15

Su kelinaw neg binegay ni Christ giin sung megunut ri seniyu ri se ngak pegukum neg baalen niyu; ay pebiyan se kelinaw keni, tinawag amu ned Diwata arun mesalabuuk ri sek sala ne dlawas. Bu' melipesalamaten amu.

2 Tesalonica 2:16

Na, su Ginu'u ta ne si Jesus Christ mismu bu' sud Diwata ta ne Gama', megulikseg bu' medligen siya riin seniyu sek pegbaal kanunay bu' sek pektalu' neng melengas. Pinetail ita ned Diwata, bu' pebiyan riin sek pekpengumpiya senita, binegayaan ita se genda'iruni gekteben nek pengamu' bu' meligen nek pedderama.

1 Timoteo 1:1

Seni'a Timoteo, Sulat keni buwat ri ni Pablo, ne gapustulis ni Christ Jesus pebiyan seng mandu' ned Diwata, neng Menleluwas ta bu' ni Christ Jesus nek pedderama ta.

Tito 1:2

nek pisingkal riin sek pedderama para se ketubu' ne genda'iruni gekteben. Sud Diwata, ne ndi' gaid megbalus, miksaad ri senita se ketubu' keni se nda' pa pegatad suk panahun.

Tito 2:13

saanay megelat ita seng mekepedleliyag ne gendaw nek pirateng ta, seng me'ita' ta su kesanag sek pekpuli' rini se ge'eman ned Diwata ta bu' Menleluwas ne si Jesus Christ.

Tito 3:7

arun pebiyan ri se kepiyaan mpemetareng ita duma sed Diwata bu' me'angken ta su ketubu' ne genda'i gekteben nek pidderama ta.

1 San Pedro 1:21

Pebiyan riin ni Christ miktu'u amu ri sed Diwata, nek pitubu'en puli' buwat se kemetain bu' pisiddengegan giin; bu' aas suk pektu'u bu' pekperateng niyu riin sed Diwata.

1 San Juan 3:3

Suk salasala ned duun runik pedderama keni riin ni Christ midlimpiyu ri se gegulingenen, maa' ni Christ ne dlimpiyu.