2 Tesalonica 1:6 - Sug Begu Ne Keligenan

⁶ Ay baalen ned Diwata sung metareng: pe'entusenen sung mikpe'antus ri seniyu,

2 Tesalonica 1:6 ပူးပေါင်းရင်းမြစ်များ

Colosas 3:25

Bu' su dlaun neng megbaal neng melaat suli'an para seng melaat ne ngag betang neg binaal nilan, tendeng ay sud Diwata megukum sek sama nek sukuran.

Hebreo 6:10

Ay sud Diwata nda'ik pilebunen. Ndi' giin mekelingaw ri sek pimbaal niyu bu' suk pekpetail nek pi'ita' niyu ri seniin pebiyan sek pegabang bu' sek pekpeddayun sek pegabang ri sed duma ne nga getawan ned Diwata.

Pirayag 11:18

Linengetan su nga getaw ne genda' pektu'u ri sed Diwata, tendeng ay su dlanget mu minateng na, bu' ukuman na su ngang mimatay. Panahun neg begayan mu ne ganti su ngak sesugu'en mu, su ngak propeta, bu' su dlaun ne nga getawan mu, su dlaun ne ngang miktamed ri seni'a, bu' su nga ginilala awas gena'. Panahun na ne laaten mu su dlaun ne ngang mikpatay ri se nga getaw rini seg benwa.”

Pirayag 15:4

Ta' bai gendi' mendek ri seni'a, Ginu'u? Ta' baing medlikeg sek peksaya' ri sek pekege'eman mu? Dya'a ra sug bala'an. Su dlaun ne nga getaw se ngang nasud mekpegaud bu' sumimba ri seni'a, ay mi'ita' ne dlaunan sung metareng mu ne ngak pimbaal.”

Pirayag 18:20

Pedleliyag amu, ne ngad diin se dlangit tendeng sek pekegeba'en! Pedleliyag amu, ne nga getawan ned Diwata, bu' nga gapustulis, bu' ngak propeta! Ay sud Diwata miksilut ri seniin tendeng seng mibaalen ri seniyu!

Pirayag 18:24

Sinilutan sug Babilonia tendeng ay sud dugu' ne ngak propeta bu' ne nga getawan ned Diwata mi'ita' ri sek siyudad; wa'a, sud dugu' nu dlaun ne ngak pimatay ri seg benwa.

Pirayag 19:2

Metuud bu' metareng su ngak pegukumen! Ay sinilutaan sung mimeledya' ned dengeg neng mikepelemu' ri se nga getaw ri seg benwa pebiyan seg imural nek pekpekighilawasen. Sinilutan giin ned Diwata tendeng ay pimatain su ngak sesugu'en ned Diwata.”

Pirayag 6:10

Mimbeksay ilan, “Ginu'u neng Mekegega'em, bala'an bu' metuud! Embuwad mu pa ba dekag ukumay bu' silutan su nga getaw seg benwa tendeng sek pekpatay nilan ri senami?”