2 Corinto 12:13 - Sug Begu Ne Keligenan13 Landun baig binaal'u tu sed duma ne ngang mektetu'u tu se dlain ne ngak simbaan ne nda'u mbaal riin seniyu? Ay gaku' mismu nda' peksamuk sek pekpenengi nek penelapi' ne gabang ri seniyu. Pasaylu niyau na ma'ad! အခန်းကိုကြည့်ပါ။ |
Bu' sud duma duuni ketengeren sek pekperateng run nini buwat ri seniyu, gena' ba gami labaw pa ned duuni ketengeren? Ma'ad nda' ami penengi ri seniyu isan duuni ketenged nami sek pekpenengi run nini seniyu. Tumu' inantus nami su dlaunan arun nda'iruning mekebelabag sek pegasuy seng Melenges ne Gesuyen metendeng riin ni Christ.
Giin nini nemuun su ketelu neg higayun ne andamu neng meriin sek pegbentaw ri seniyu bu' nda'irunik penengiin'u ri seniyu. Gamu mismu su kina'enlan'u, gena' suk selapi' niyu ay su nga gembata', gena' gilan sung megbegay sek pengina'enlan nu ngang megulang, ma'ad su ngang megulang gilan sung megbegay se ngak pengina'enlan nu nga gembata'.