2 Corinto 1:1 - Sug Begu Ne Keligenan

¹ Seniyu neng miktipung ne ngang mektetu'u riin sek simbaan ned Diwata riin se Corinto bu' se dlaun ne nga getawan ned Diwata ri sek tibuuk Acaya. Sulat keni buwat riin ni Pablo, su gapustulis ni Christ Jesus pebiyan se keliyag ned Diwata, bu' buwat sek pated ta ne si Timoteo.

2 Corinto 1:1 ပူးပေါင်းရင်းမြစ်များ

Su Ngak Pimbaal 16:1

Mirepet ilan ni Pablo tu sed Derbe bu' sed Listra. Bu' enlengay niyu, duunik tinu'unan ne iningelanan ne si Timoteo. Su gina'en Judeo bu' mektetu'u rema, ma'ad su gama'en Griego.

Roma 15:26

Ay su ngang mektetu'u ritu seng Macedonia bu' seg Acaya keliyag nilan suk pegbegay ne gabang ri se ngak pupus neng mektetu'u ritu seg Jerusalem.

Roma 16:21

Mingumusta riin seniyu si Timoteo, suk sementaun'u mekterbahu; bu' maa' run rema si Lucio, si Jason, bu' si Sosipater, ngak samau Judeo.

Roma 16:5

Pengumustau niyu rema tu se ngang mektetu'u neng miktipungan tu seg balay nilan. Pengumustau niyu tu sek pinetail'u nek sambat ne si Epenetus ne giin su guna neng miktu'u riin ni Christ ritu sek probinsiya seg Asia.

1 Corinto 10:32

Penentuway niyu ne ndi' amu mbaal ne getaran neng mekesala' su ngag Judeo awas su nga gena' Judeo awas su ngak sementaun niyu neng mektetu'u riin sek simbaan.

1 Corinto 16:10

Na, bu' mateng riin si Timoteo, alimba' niyu giin ay minibeli giin ri se Ginu'u maa' rema senaan.

1 Corinto 16:15

Na, misuunan niyu suk pamilya ni Stefanas, su guna ne ngang mektetu'u tu seg Acaya, bu' binegay nilan su gegulingen nilan sek pekpenibeli se nga getawan ned Diwata. Megandyu'u run ini ri seniyu, nga kepeteran,

1 Corinto 16:24

Pinetail'u dlaunan niyu riin sek peksalabuuk ta riin ni Jesus Christ. Na, daal da ini.

1 Corinto 6:11

Sud duma seniyu maa' nini nud diin. Ma'ad milimpiyuwan amu na buwat ri se ngak sala' niyu, linain amu na para sed Diwata; bu' pimetareng amu na ned Diwata pebiyan se ngalan ne Ginu'u ne si Jesus Christ bu' ri se Gispiritu ned Diwata ta.

2 Corinto 1:19

Ay si Jesus Christ, sug Bata' ned Diwata, neg winali nami ni Silas, bu' ni Timoteo riin seniyu, gena' suk sala neg “Wa'a” bu' “Ndi'.” Ma'ad riin seniin, sigi gaid neg “Wa'a.”

2 Corinto 1:23

Mikesuun sud Diwata ri se gena'ena'u bu' giin sung mikpemetuud run nini, nek para se kepiyanan niyu, nda'u periin se Corinto.

2 Corinto 11:10

Pebiyan se kemetuuran ni Christ ned diin senaan, saad'u ne nda'iruning mekepegeng ri sek pekpesigarbuu keni isan ta' se dlaun ne dlugar seg Acaya.

2 Corinto 9:2

Misuunan'u ne dliyagan niyu megabang, bu' pisigarbuu amu tu se nga getaw seng Macedonia. Tinelu'an'u ilan ne su ngang mektetu'u tu seg Acaya andam sek pegabang gatad pa seng minayan nek taun. Suk tinguha' niyu mikepeddasig ri se dlaunan nilan.

Galacia 1:1

Seniyu ne ngang mektetu'u riin se ngak simbaan se Galacia, Sulat keni buwat ni Pablo, ne suk pekegapustulisen gena' buwat se getaw awas sek pebiyan ne getaw, ma'ad buwat ni Jesus Christ bu' sed Diwata ne Gama', neng mikpetubu' puli' ri seniin buwat se kemetain.

Galacia 3:26

Pebiyan sek pektu'u, dlaunan niyu mibaal ne nga gembata' ned Diwata ri sek pekesalabuuk niyu duma ni Christ Jesus.

Efeso 1:1

Seniyu ne nga getawan ned Diwata ri seg Efeso, neng metinumanen ri se ketubu' nilan sek pekesalabuuk duma ni Christ Jesus. Sulat keni buwat ni Pablo, nek pebiyan se keliyag ned Diwata mibaal ne gapustulis ni Christ Jesus.

Filipos 1:1

Seniyu ne nga getawan ned Diwata ri sek Filipos, neng misalabuuk riin ni Christ Jesus, duma se nga geseg bu' ngang menggegabang ri sek simbaan, Sulat keni buwat senami ni Pablo bu' ni Timoteo, su ngang minibeli riin ni Christ Jesus.

1 Tesalonica 1:1

Seniyu ne ngang miktipung ne ngang mektetu'u riin sek simbaan sek Tesalonica, gamu neng misakup riin sed Diwata ne Gama' bu' riin se Ginu'u ne si Jesus Christ. Sulat keni buwat ni Pablo, ni Silas, bu' ni Timoteo. Pegampu' nami neg begayan amu siya ne kepiya bu' kelinaw.

1 Tesalonica 3:2

bu' peperiinen nami seniyu si Timoteo. Pated ta giin bu' sementaun nami neng mig'alagad ri sed Diwata pebiyan sek pegwali seng Melengas ne Gesuyen metendeng riin ni Christ. Piperiin nami giin seniyu arun meddasig amu bu' meksiligen suk pektu'u niyu,

2 Tesalonica 1:1

Seniyu ne ngang miktipung ne ngang mektetu'u riin sek simbaan sek Tesalonica, gamu neng misakup riin sed Diwata ne Gama' bu' riin se Ginu'u ne si Jesus Christ. Sulat keni buwat ni Pablo, ni Silas, bu' ni Timoteo.

1 Timoteo 1:1

Seni'a Timoteo, Sulat keni buwat ri ni Pablo, ne gapustulis ni Christ Jesus pebiyan seng mandu' ned Diwata, neng Menleluwas ta bu' ni Christ Jesus nek pedderama ta.

2 Timoteo 1:1

Seni'a Timoteo, Sulat keni buwat ni Pablo, ne gapustulis ni Christ Jesus, sinugu' pebiyan se keliyag ned Diwata sek pegasuy sek sinaad ne ketubu' neng me'angken ta riin sek pekesalabuuk ri ni Christ Jesus.

Tito 1:1

Seni'a Tito, Sulat keni buwat ni Pablo, sung minibeli ri sed Diwata bu' gapustulis ni Jesus Christ. Pinili'u bu' sinugu' arun sek pedligen sek pektu'u se nga getawan nek pimili' ned Diwata bu' sek pegunut ri senilan tu se kemetuuran nek tinendu' sek tinu'uwan ta,

Filemon 1:1

Seni'a Filemon, Sulat keni buwat ni Pablo, sung miperisu para ni Christ Jesus bu' buwat ni Timoteo nek pated ta. Pinewitan'a nami nek sulat, dya'a nek pinetail bu' sementaun nami,

Hebreo 13:23

Liyagan'u neng mesuunan niyu ne suk pated ta ne si Timoteo pigawas na sek perisuwan. Bu' mateng na giin, perunuten'u giin sek peddiin'u seniyu.