1 San Juan 4:16 - Sug Begu Ne Keligenan

¹⁶ Bu' mikesuun ita mismu bu' miktu'u nek pinetail ita ned Diwata. Sud Diwata petail, bu' su ngang midleketubu' ri sek petail midleketubu' neng misalabuuk duma sed Diwata bu' sud Diwata mikengel neng misalabuuk duma senilan.

1 San Juan 4:16 ပူးပေါင်းရင်းမြစ်များ

San Juan 6:69

Bu' nemuun miktu'u ami seni'a bu' misuunan nami ne dya'a gaid sug Bala'an neg buwat sed Diwata.”

San Juan 9:3

Miksembag si Jesus, “Suk pekebutaan gena' tendeng se ngak sala'en awas ngak sala' ne ngang megulangen. Mi'etaw giin neg buta arun su ga'em ned Diwata mpe'ita' ri seniin.

1 Corinto 2:9

Ma'ad sumala' seng misulat ri se kesulatan, “Nda'iruning mikiita', awas mikerengeg, awas nda'irun isan ta' neng mikegena'ena' run nini. Tumu' duunik tinegana ned Diwata para se ngang mikpetail ri seniin.”

1 San Juan 3:1

Pegena'ena' niyu pikendun ita run gupiya pekpetail ne Gama'! Gembagel gupiya suk pekpetailen ri senita ne iningelanan ita ne nga gembata' ned Diwata, sek pekemetuud, gembata' ita niin. Giin nini su keterengan ne su nga getaw rini seg benwa nda' mekilala ri senita, tendeng ay nda' ilan mekilala ri sed Diwata.

1 San Juan 3:16

Giin nini suk pekesuun ta gendun suk petail: binegay ni Christ su ketubu'en para senita. Gita rema, rayun, kina'enlan begay ta su nga ketubu' ta para sed duma!

1 San Juan 3:24

Sung miktuman ri se ngak sugu' ned Diwata midleketubu' neng misalabuuk duma sed Diwata bu' sud Diwata misalabuuk duma seniin. Bu' tendeng se Gispiritu ned Diwata neg binegay ri senita mesuunan ta ne sud Diwata mikengel neng misalabuuk duma senita.

1 San Juan 4:7

Ngak pinetail ne ngak sambat, mekpinetailay ita ri sek salasala senita, tendeng ay suk petail buwat sed Diwata. Isan ta' sung mekpetail bata' giin ned Diwata bu' mikesuun sed Diwata.