1 Corinto 5:7 - Sug Begu Ne Keligenan

⁷ Awa' niyu sud daan nek pempetulin! Rayun maa' amu neg begu neng minasa ne nda'irunik pempetulinen. Ay si Christ, sung nati ne karniru ta sek panahun se Kese'ulugan sek Paska, tubus na dulangay.

1 Corinto 5:7 ပူးပေါင်းရင်းမြစ်များ

San Mateo 13:33

Bu' si Jesus migasuy pa gusay ne dlain ne galing tu senilan, “Suk pedlegari' nud Diwata maa' nek pempetulin ne inuwan nek sala ne dlibun bu' linamug ri sed duwa' pulu' bu' telu kilu ne garina arun tumulin su dlaun neng minasa.”

San Marcos 14:12

Se guna ne gendaw se Kese'ulugan sek Pan ne genda'ik Pempetulinen, giin su gendaw sek pekpatay se ngang nati ne karniru para dulang se Kese'ulugan sek Paska, miksaak su ngak tinu'unan ni Jesus ri seniin, “Ta' mai dlugar ne dliyagan mu lawan nami bu' mekegandam nek pekaan para se Kese'ulugan nek Paska?”

San Juan 1:29

Sek sunud ne gendaw, mi'ita' ni Juan si Jesus neng mikpagaw ri seniin, miktalu' rayun si Juan ri se nga getaw, “Enlengay niyu, giin sung Nati ne Karniru ned Diwata, sung mekpasaylu sek sala' se dlaun ne nga getaw ri seg benwa.

San Juan 1:36

bu' seng mi'ita'en si Jesus neng minayan, miktalu' giin, “Enlengay niyu, kiin na sung Nati ne Karniru ned Diwata!”

San Juan 19:14

Na, taran taasendaw na itu se gendaw nek pekpengandam sek pekse'ulug sek Paska. Miktalu' rayun si Pilato tu se ngag Judeo, “Enlengay niyu, keni na su gari' niyu.”

Roma 3:25

Binegay giin ned Diwata, arun pebiyan se dugu'en mbaal giin ne getaran ne su ngak sala' ne nga getaw mpasaylu pebiyan ri sek pektu'u nilan ri seniin. Binaal ini ned Diwata arun sek pekpe'ita' ne giin metareng. Nud diin melipebeba'en giin bu' nda'en pengebetay run su ngak sala' ne nga getaw; ma'ad nemuun inebeten na su ngak sala' nilan arun sek pekpe'ita' ne giin metareng, bu' baalenen neng metareng su dlaun neng mektu'u riin ni Jesus.

1 Corinto 10:17

Tendeng ay duunik salabuuk raik pan isan metuud neng melaun ita, misalabuuk ita tendeng ay migambitay ita ri sek salabuuk nek pan.

1 Corinto 5:13

Sud Diwata raing megukum ri sek taga gawas ri sek simbaan niyu. Su kesulatan miktalu', “Pepe'awa' niyu sung melaat ne getaw ri seng metungenga'an niyu.”

Efeso 4:22

Aas beleng niyu sud daan nek pekeetaw niyu, neng mi'ita' sed daan niyu nek pedleketubu'. Sud daan nek pekeetaw niyu neng mikepedlaat ri seniyu pebiyan sek pegbaal seng melimbungen ne nga gayak.

Pirayag 5:12

bu' minlekanta ilan seng mesekeg: “Sung Nati ne Karniru nek pinatay mbaya' dumawat se ga'em, se keratu', sek tinawan, bu' sek sekeg, sek pegbasa, sed dengeg, bu' sek peksaya'!”