1 Corinto 13:12 - Sug Begu Ne Keligenan

¹² Numuun maa' ita getaw neng migenleng ri se gispihu ne gendi' mekelaru; ma'ad seng mateng su gendaw mekelaru ra gaid su dlaunen. Numuun bahin ra sung misuunan ta, ma'ad mateng su gendaw neng mesuunan ta su dlaunan, maa' sek pekesuun ned Diwata riin senita.

1 Corinto 13:12 ပူးပေါင်းရင်းမြစ်များ

San Mateo 18:10

“Pegingatay niyu ne ndi' niyu pekpemuraan su isan sala se ngang mekiika' keni. Su ngag anghel nilan se dlangit, esuyan'u amu, migingat senilan kanunay ri seng metungenga'an ne Gama'u tu se dlangit.”

San Mateo 5:8

Pedleliyagen su nga getaw ne dlimpiyu suk pengena'ena' nilan, tendeng ay mekiita' ilan ri sed Diwata.

San Juan 10:15

maa' run rema su Gama' neng mikilala ri senaan bu' Gaku' mikilala rema ri seniin. Aas andamu meksipatay para ri se nga karniruu.

Roma 8:18

Inilalau ne su ngak pegantus ta nemuun, ndi' gaid mpetanggi' se dlaun ne kelengas ne gemperayag mbuus ned Diwata ri senita.

1 Corinto 13:11

Seg bata'u pa, suk pegabit'u, suk peksabut'u bu' su gena'ena'u ginembata'. Ma'ad seng metandengu na bineleng'u su ginembata' nek peme'et.

1 Corinto 8:3

Ma'ad bu' su getaw neng mikpetail ri sed Diwata, mi'ilala giin ned Diwata.

2 Corinto 3:18

Dlaunan ta rayun midlerawan maa' ne gispihu se kerelaag ne Ginu'u pebiyan se ngang mulu' ta ne gena' tinempengan. Aas pingeseb ita maa' se gawi'en, se dlabaw pa gaid ne kerelaag. Su kerelaag ketu migbuwat se Ginu'u, ne giin su Gispiritu.

2 Corinto 5:7

Ay midleketubu' ita pebiyan sek pektu'u, gena' seng me'ita' ta.

Filipos 3:12

Nda'u pektalu' neng mi'apet'u na ini awas mibaalu na neng metileng. Minantuu neng meddaag se ganti ay gaku' ni Christ Jesus nema.

San Santiago 1:23

Bu' minginengeg amu sek talu', ma'ad nda' amu pegbaal run nini, maa' amu ne nga getaw neng mingispihu bu' mikiita' seng metuud nilan ne nga gawi';

1 San Juan 3:2

Ngak pinetail'u ne ngak sambat, gita nemuun nga gembata' na ned Diwata, ma'ad ndi' pa tumu' mekelaru bu' mekendun ita run. Ma'ad misuunan ta ne seng mekpe'ita' na si Christ, maa' ita ri seniin ay me'ita' ta ma giin ne giin gaid.

Pirayag 22:4

Mekiita' ilan seng mulu'en, bu' su ngalanen sinulat riin se nga gangas nilan.