Tshenolo 21:15 - BIBELE

¹⁵ Lengeloi le neng le bua le nna le ne le tshwere leqala la kgauta le methang, le tle le methe motse, le dikgoro tsa wona, le lerako la wona.

Sesotho 1909/1961 (SO)

¹⁵ Ya buang le nna o ne a tshwere leqala la kgauta la ho lekanya motse le menyako ya wona le lerako la wona.

Baasraak Sotho NT

¹⁵ Ya neng a bua le nna o ne a ena le lehlaka la kgauta ho lekanya motse, le dikgoro tsa wona, le lerako la wona.

Contemporary Southern Sotho Bible 2024

¹⁵ Ya neng a bua le nna o ne a ena le lehlaka la kgauta ho lekanya motse, le dikgoro tsa wona, le lerako la wona.

Tshenolo 21:15 ပူးပေါင်းရင်းမြစ်များ

Ezekiele 40:3

A nkatametsa pela motse, mme ka bona monna eo sebopeho sa hae e neng e ka se bopilwe ka lethose. O ne a eme kgorong, ka letsohong la hae a tshwere kgwele ya lene, le leqala le methang.

Sakaria 2:1

Ka boele ka tadima, mme ka bona motho ya tshwereng kgwele e methang!

Sakaria 2:2

Yaba ke a mmotsa, ke re: “O ya kae?” Motho eo a araba, a re: “Ke ilo metha Jerusalema, ke tle ke fumane bophara le bolelele ba yona.”

Tshenolo 21:12

O ne o sireleditswe ke lerako le letenya, le phahameng, le nang le dikgoro tse leshome le metso e mmedi, tse lebetsweng ke mangeloi a leshome le metso e mmedi. Dikgorong ho ne ho ngotswe mabitso, e leng mabitso a meloko e leshome le metso e mmedi ya bara ba Iseraele.

Tshenolo 21:16

Motse o ne o ena le dikgutlo tse nne, bolelele ba wona bo ne bo lekana le bophara ba wona. Lengeloi la metha motse ka leqala la lona: o ne o etsa dikilomethara tse fetang dikete tse pedi; bolelele, bophara le bophahamo di ne di lekana.

Tshenolo 21:21

Dikgoro tse leshome le metso e mmedi e ne e le tsa mabenyane a bohlokwa a leshome le metso e mmedi; kgoro e nngwe le e nngwe e betlilwe ka lebenyane la bohlokwa le le leng. Lebala la motse e ne e le la kgauta e hlwekileng, e bonaletsang jwaloka kgalase.

Tshenolo 21:25

Dikgoro tsa wona e tla be esale di butswe motsheare wohle, hobane ho wona bosiu ha bo sa tla ba teng.