Moeklesia 7:26 - BIBELE

²⁶ Mosadi ya tshwasang ka maqiti a hae, eo pelo ya hae e tshwanang le sefi, matsoho a hae a kang mahlaahlela, ka fumana a tshabeha ho feta le lefu. Ya kgahlisang Modimo o tla phonyoha atleng tsa hae, athe moetsadibe yena o tla tshwaswa.

Sesotho 1909/1961 (SO)

²⁶ Mme ka fihlela hoba mosadi eo pelo ya hae e kang matlowa le difi, eo matsoho a hae e leng ditlamo, o baba ho fetisa lefu. Ya molemo pela Modimo o tla mo phonyohela, empa moetsadibe o tla tshwaswa ke yena.

Moeklesia 7:26 ပူးပေါင်းရင်းမြစ်များ

Genese 19:35

Le bosiung bona boo ba nwesa ntata bona veine; moradi e monyenyane a kena, mme a robala le ntatae. Yena ha a a ka a tseba ha moradi wa hae a kena dikobong, leha a tsoha.

Genese 39:9

Tlung ena ha a moholo ho nna; hape ha ho letho leo a nkganelang ka lona, haese wena, hobane o mosadi wa hae. Jwale nka etsa bokgopo bo bokaalo jwang, ka sitelwa Modimo?”

Eksoda 10:7

Jwale bahlanka ba Faro ba re ho yena: “Motho eo e tla ba leraba ho rona ho fihlela neng? Lokolla batho bana, ba tle ba yo sebeletsa Morena, Modimo wa bona. Na ha o eso hlokomele hore Egepeta e a timela?”

Diproverbia 2:16

O tla phemiswa mosadi wa sehlola, mosadi ya ekang ka dipolelo,

Diproverbia 22:14

Molomo wa sehlola ke lemena le tebileng; ya halefetsweng ke Morena o tla wela ka ho lona.

Diproverbia 6:23

Taelo ke lona lebone, thuto ke lona lesedi, kgalemo ke bona bophelo,

Diproverbia 6:24

ho o phemisa mosadi wa sehlola, le molomomonate wa seraburabu.

Diproverbia 9:18

Ya se nang tsebo ha a tsebe hore lefu le laletse moo, baeti ba mosadi eo ba feletse lebitleng.

Moeklesia 2:26

Modimo o nea motho ya mo kgahlisang bohlale le tsebo le thabo, empa moetsadibe o newa mosebetsi o boima wa ho bokella le ho boloka matlotlo, a tle a a siele ya kgahlisang Modimo. Hona le hona ke lefeela le tshwanang le ho lelekisa moya feela.

Moeklesia 7:27

“Ako bone mona,” ho rialo Moruti, “seo ke se sibolotseng ke sena: “Ha ke ntse ke nahana taba ka nngwe, ho fumana mabaka a boleng ba dintho;