Moeklesia 10:14 - BIBELE

¹⁴ Sethoto ha se hehla ha se kgaotse! Motho a ke ke a tseba tse tla etsahala; tse tla hlaha hoba a fete di ka senolwa ke mang?

Sesotho 1909/1961 (SO)

¹⁴ Sethoto se atisa mantswe, kanthe ha ho motho ya tsebang se tla hlaha, se tla etsahala kamora hae. Ya ka mo senolelang sona ke ha e ka ba mang?

Moeklesia 10:14 ပူးပေါင်းရင်းမြစ်များ

Jobo 34:37

Dibe tsa hae o di eketsa ka bofetohedi, o etsa nyediso moo re mo utlwang, ka polelo tse ngata o nyedisa Modimo.”

Jobo 35:16

Ka baka lena, Jobo o bua feela, o pepeta haholo, feela a se na tsebo.”

Diproverbia 10:19

Ya buang haholo sebe se teng polelong tsa hae, ya sa buabueng yena ke motho ya bohlale.

Diproverbia 15:2

Leme la ya bohlale le ratisa batho tsebo, empa molomo wa sethoto o kopotsa bothoto.

Moeklesia 10:15

Thoto se tepeletswa ke mosebetsi wa sona, le tsela e yang motseng ha se e tsebe.

Moeklesia 3:22

Ka baka leo ke bone hore ha ho letho le molemo ho feta hore motho a ithabise ka tseo a di entseng, hobane hoo ke yona kabelo ya hae. Ke mang ya ka etsang hore motho a bone tse tla etsahala ha a se a shwele?

Moeklesia 5:3

Jwalokaha toro e tswalwa ke metouto, polelo tsa sethoto di tswalwa ke ho bua haholo.

Moeklesia 6:12

Ke mang ya ka tsebang se molemo ho motho bophelong boo bo bokgutshwanyane, boo a fetang ho bona jwalokaha eka ke seriti? Ke mang ya ka mmolellang se tla etsahala moo lefatsheng ha yena a se a iketse?

Moeklesia 7:14

Mohla tsatsi la thabo nyakalla le wena, mohla tsatsi la mahlonoko ako hopole sena: Matsatsi ana, bobedi, a entswe ke Modimo; kahoo tsa kamoso motho a ke ke a di tseba.

Moeklesia 8:7

Motho ha a na tsebo ya tse tla etsahala; tsa maisao a ka di senolelwa ke mang?

Moeklesia 9:1

Tsena tsohle ke ile ka di nahana, ka leka ho di hlalosa, ka fumana hore ba lokileng le ba bohlale, hammoho le mesebetsi ya bona, ba matsohong a Modimo. Hore na ba a ratwa kapa ba hloilwe, le teng ha ba tsebe; motho ha a tsebe se mo tlelang.

Ezekiele 35:13

Ka melomo ya lona le ile la ithorisetsa nna, la mpuela mantswe a mangata a le fetang, mme ka a utlwa.’ ”