Mareka 8:17 - BIBELE

¹⁷ Ha a lemoha a re ho bona: “Keng ha le buisana, le re: Ke kahobane ha le a tla le bohobe? Na ha le eso elellwe leha e le ho utlwisisa? Na pelo tsa lona di sa thatafetse?

Sesotho 1909/1961 (SO)

¹⁷ Empa Jesu a tseba, mme a re ho bona: Na le lekanya hoba ke rialo, kahobane le sa ka la nka mahobe na? Ana ha le eso ho lemohe, le ho utlwisisa na? Dipelo tsa lona di sa le thata le jwale na?

Baasraak Sotho NT

¹⁷ Yare ha Jesu a tseba hoo, a re ho bona: “Ke ka baka lang le ngangisana, kahobane ha le na mahobe? Na ha le e-so bone, kapa hona ho utloisisa? A dipelo tsa lona di sa ntse di thatafetse?

Contemporary Southern Sotho Bible 2024

¹⁷ Yare ha Jesu a tseba hoo, a re ho bona: “Ke ka baka lang le ngangisana, kahobane ha le na mahobe? Na ha le e-so bone, kapa hona ho utloisisa? A dipelo tsa lona di sa ntse di thatafetse?

Mareka 8:17 ပူးပေါင်းရင်းမြစ်များ

Isaia 63:17

O re tloheletseng, Morena, ho kgeloha tsela tsa hao? O thatafaleditseng pelo tsa rona, hore re se ke ra o tshaba? Kgutla ka baka la rona bahlanka ba hao, rona merabe eo e leng lefa la hao.

Mattheu 12:15

Ha Jesu a tsebile hoo, a tloha moo. Batho ba bangata ba mo latela, mme a ba fodisa bohle,

Mattheu 15:17

Na ha le utlwisise hore se kenang ka molomo se fetisetswa maleng, se nto lahlwa mohlabeng?

Mattheu 16:7

Ba buisana ba le bang, ba re: “Ke hobane ha re a tla le bohobe!”

Mareka 16:14

Hamorao a iponahatsa ho ba leshome le motso o mong, ha ba le dijong. A ba kgalemella ho se dumele ha bona le bothata ba dipelo tsa bona, hobane ha ba a ka ba dumela ba mmoneng a tsohile.

Mareka 2:8

Hanghang Jesu ha a tseba ka moyeng wa hae hore ba ipotsa jwalo, a re ho bona: “Ke ka baka lang le ipotsang tjee?

Mareka 3:5

A ba ya ka mahlo a halefile, a utlwisitswe bohloko ke bothata ba dipelo tsa bona, a re ho motho eo: “Otlolla letsoho!” A le otlolla, mme letsoho la hae la fola.

Mareka 6:52

hobane ba ne ba sa ka ba utlwisisa taba ya dinkgwa, pelo tsa bona di thatafetse.

Mareka 8:16

Ba buisana ba le bang, ba re: “Ke kahobane ha re a tla le bohobe.”

Luka 24:25

A re ho bona: “Jo, dithoto tse pelo di diehang ho dumela tsohle tseo baporofeta ba ileng ba di bolela!

Johanne 16:30

Jwale re a tseba hore o tseba tsohle, mme ha ho hlokahale hore mang kapa mang a o botse; ka hona re dumela hore o tswa ho Modimo.”

Johanne 21:17

A re ho yena kgetlo la boraro: “Simone, mora Johanne, na o a nthata na?” Petrose a swaba hobane a itse ho yena kgetlo la boraro: “Na o a nthata na,” mme a re ho yena: “Morena, o tseba tsohle, o a tseba hore ke a o rata.” Jesu a re ho yena: “Alosa dinku tsa ka!

Tshenolo 2:23

Ke tla bolaya bana ba hae; dikereke tsohle di tla tseba hore ke nna ya bonang se ka mehopolong le ka dipelong tsa batho, mme ke putsa e mong le e mong wa lona ho ya ka mesebetsi ya hae.